Exodo 9:27 - Chol: I T’an Dios

²⁷ Faraón tsi' pʌyʌ Moisés yic'ot Aarón. Tsi' subeyob: Wolix c ña'tan c mul wʌle. Tojʌch la' Yum. Joñon quic'ot c pi'ʌlob an lojon c mul.

Chol de Tumbalá Bible

²⁷ Faraón tsi' pʌyʌ Moisés yic'ot Aarón. Tsi' subeyob: Wolix c ña'tan c mul wʌle. Tojʌch la' Yum. Joñon quic'ot c pi'ʌlob an lojon c mul.

Jiñi Tsiji' bʌ Wen T'añ cha'añ Estudio

²⁷ Jiñi cha'añ faraón tsi' choco ti pʌyol Moisés yic'ot Aarón, tsi' su'beyob: —Tsa'ix c cha'le mulil ti ili ora; tojʌch lac Yum, joñon yic'ot c pi'ʌlob xmulilon lojon.

Exodo 9:27 Iomraidhean Croise

2 Samuel 12:13

David tsi' sube: Tsa'ix c cha'le mulil ti' contra lac Yum, che'en. Natán tsi' sube: Lac Yum tsa'ix i ñusʌbeyet a mul. Ma'anic ma' cajel ti chʌmel.

2 Cronicas 12:6

Jini año' bʌ i ye'tel ti Israel yic'ot jini rey tsi' peq'uesayob i bʌ. Tsi' yʌlʌyob: Toj lac Yum, che'ob.

Salmos 129:4

Toj lac Yum. Tsa'ix i yʌc'ʌ ti bic'ti ts'ojquel i lazo jini jontolo' bʌ cha'an mij colel.

Salmos 145:17

Toj lac Yum ti pejtelel chuqui tac mi' mel. Tsiquil i yutslel ti pejtelel i melbal.

Salmos 9:16

Lac Yum mi' tsictesan i bʌ che' mi' cha'len meloñel. Mi' chujquelob jini jontolo' bʌ ti' melbal i c'ʌb. Wen ña'tanla.

Exodo 10:16

Faraón tsi' wersa pʌyʌ tilel Moisés yic'ot Aarón. Tsi' pʌyʌyob ti ora. Tsi' subeyob: Tsac cha'le mulil ti' tojlel la' Yum Dios yic'ot ti la' tojlel.

Exodo 10:17

La' wocolic, ñusʌbeñon lojon c mul ili junyajl. C'ajtiben la' Yum Dios cha'an mi' loc'sʌbeñon lojon jini wocol woli bʌ i jisañon lojon, che'en.

Exodo 8:25

Faraón tsi' pʌyʌ tilel Moisés yic'ot Aarón. Tsi' subeyob: Cucula, aq'uenla Dios tsʌnsʌbil bʌ i majtan pero wʌ' jach yom ti ili lum, che'en.

Exodo 8:8

Faraón tsi' pʌyʌ tilel Moisés yic'ot Aarón. Tsi' subeyob: C'ajtiben la' Yum cha'an mi' cha' loc'san jini xpequejc tic tojlel lojon. Mux caj c choc loq'uel a pi'ʌlob cha'an mi' majlelob i yʌq'uen tsʌnsʌbil bʌ i majtan la' Yum, che'en.

Lamentaciones 1:18

Sion woli' yʌl: Toj lac Yum ti pejtelel i melbal, pero an c mul cha'an tsac ñusʌbe i t'an. Ubin c t'an che' jini, pejtel winicob. Q'uele c wocol. Majlemobix ti to'ol e'tel jini calobilob, jini xch'ocob yic'ot ch'itoñob c'uxbibilo' bʌ c cha'an.

Daniel 9:14

Jini cha'an c Yum, tsa'ix a choco tilel jini ñuc bʌ wocol cha'an ma' ts'ʌctesan a t'an, come tojet c Yum Dios ti pejtelel a melbal. Ma'anic tsac ñich'ta lojon a t'an.

Numeros 21:7

Tsa' tiliyob winicob ba'an Moisés cha'an mi' subeñob: Isujm tsa'ix c taja lojon c mul. Tsac cha'le lojon t'an ti' contra lac Yum yic'ot ti a contra. Jini cha'an a wocolic c'ajtiben lac Yum cha'an mi' cha' loc'san ili lucum tic tojlel lojon, che'ob. Jini cha'an Moisés tsa' caji i pejcan lac Yum.

Numeros 22:34

Che' jini Balaam tsi' subu i bʌ: Isujm tsa'ix c taja c mul. Ma'anic tsac ña'ta mi wʌ' wa'alet ti bij cha'an ma' mʌctañon. Wʌle mi mach a womic mic majlel ba'an Balac, mux c cha' sujtel majlel, che'en.

Mateo 27:4

Tsi' yʌlʌ: Tsa'ix c cha'le mulil che' bʌ tsa cʌc'ʌ ti la' c'ʌb jini mach bʌ anic i mul, che'en Judas. Tsi' subeyob: Mach c wentajic lojon. Bajñel q'uele a bʌ, che'ob.

Romanos 2:5

Tsʌtsatax a pusic'al. Ma'anic ma' cʌy a mul. Che' jini wola' wʌc' ti tempʌyel i mich'ajel Dios cha'an i q'uiñilel mich'ajel che' mi' caj ti tsictiyel bajche' mi' cha'len meloñel Dios ti toj.

Romanos 3:19

La cujil an ti' wenta jini mu' bʌ i yubiñob mandar cha'an mi' jac'ob ti pejtelel. Aq'uebilob cha'an mi' ñʌjch'elob yic'ot pejtel winicob x'ixicob ti pañimil che' mi' melob i bʌ ti' tojlel Dios.

Josue 7:20

Acán tsi' jac'be Josué: Isujm, tsac cha'le mulil ti' contra lac Yum i Dios Israel. Che'ʌch tsac mele bajche' iliyi:

1 Samuel 15:24

Saúl tsi' sube Samuel: Isujm tsac taja c mul. Tsac ñusʌbe i t'an lac Yum yic'ot a t'an cha'an mic tajben i yutslel i t'an winicob. Jini cha'an tsac jac'beyob i t'an.

1 Samuel 15:30

Saúl tsi' yʌlʌ: Isujm tsa'ix c taja c mul, pero ti wocol t'an mij c'ajtibeñet cha'an ma' q'uelon ti ñuc ti' tojlel jini xñoxtacob ila tic tejclum yic'ot ti' tojlel israelob. Che' jini mi caj c ch'ujutesan a Yum Dios, che'en.

1 Samuel 26:21

Saúl tsi' jac'ʌ: Tsa'ix c cha'le mulil. Sujten, calobil David. Ma'anix mi caj c tic'lañet, come sajmʌl tsa' pʌsbeyon i yutslel a pusic'al. Tontojon. Ñucʌch c sajtemal, che'en.