Exodo 9:21 - Chol: I T’an Dios

²¹ Pero jini mach bʌ anic tsi' p'isiyob ti wenta i t'an lac Yum tsi' cʌyʌyob i mozojob yic'ot i yʌlac' ya' ti jamil.

Chol de Tumbalá Bible

²¹ Pero jini mach bʌ anic tsi' p'isiyob ti wenta i t'an lac Yum tsi' cʌyʌyob i mozojob yic'ot i yʌlac' ya' ti jamil.

Jiñi Tsiji' bʌ Wen T'añ cha'añ Estudio

²¹ pero jiñi mach bʌ añic tsi' p'isiyob ti' wenta i t'añ lac Yum, tsi' cʌyʌyob i mozojob yic'ot i yʌlac'ob ya' ti jamil.

Exodo 9:21 Iomraidhean Croise

1 Cronicas 22:19

Jini cha'an wʌle ti jump'ejl jach la' pusic'al yom mi la' sʌclan lac Yum Dios. Ch'ojyenla cha'an mi la' wa'chocoben jini ch'ujul bʌ i yotot lac Yum Dios, cha'an ya'i mi la' ch'ʌmben majlel jini Arca ba' lotol i trato lac Yum, yic'ot pejtelel jini ch'ujul bʌ uch'ibʌl tac i cha'an bʌ Dios. Ti pejtelel mi caj i ch'ʌjmel ochel ti' Templo lac Yum Dios, che'en David.

Job 34:14

Tsa'ic i chilbeyonla i yEspíritu, tsa' laj chʌmiyonla ti pejtelonla. Tsa'ic i cha' ch'ʌmʌ i yEspíritu yic'ot i yiq'uilel i yej, tsa' sujtiyonla ti ts'ubejn.

Job 7:17

¿Am ba i c'ʌjñibal winic cha'an ma' q'uel ti ñuc? ¿Chucoch ma' p'is ti wenta?

Exodo 7:23

Faraón tsa' sujti ti' yotot. Ma'anic tsi' ñopo ti' pusic'al.

Exodo 9:20

I winicob Faraón tsa' bʌ i bʌc'ñayob i t'an lac Yum tsi' pʌyʌyob ochel i mozojob yic'ot i yʌlac'ob.

Exodo 9:22

Lac Yum tsi' sube Moisés: Letsan a c'ʌb ti panchan cha'an mi' tilel tuñija' ti pejtelel i lumal Egipto, ti pam winicob yic'ot alʌc'ʌl tac, yic'ot ti pejtelel i pʌc'ʌbob egiptojob, che'en.

Proverbios 22:3

Jini cʌntesʌbil bʌ mi' wʌn ña'tan chuqui bʌbʌq'uen mi' yujtel. Mi' chajpan i bʌ. Jini tonto bʌ ma'anic mi' yotsan ti' pusic'al. Muq'uix i toj.

Proverbios 24:32

Tsaj q'uele. Tsa cʌc'ʌ tic pusic'al. Tsa quila. Tsac ña'ta j cʌntesʌntel.

Ezequiel 40:4

Jini winic tsi' subeyon: I yalobil winic, yom ma' wen q'uel pejtelel iliyi. Yom ma' wen ñich'tan pejtel jini t'an. Wen ac'ʌ ti a pusic'al pejtel jini mu' bʌ c pʌsbeñet, come tsac pʌyʌyet tilel cha'an ma' q'uel. Pejtel chuqui tac ma' q'uel yom ma' cha' subeñob jini israelob.

Daniel 10:12

Tsi' subeyon: Daniel, mach a cha'len bʌq'uen. Ubibil a woración ti Dios c'ʌlʌl che' bʌ tsa' caji a wʌc' a pusic'al cha'an ma' ch'ʌmben isujm, che' bʌ tsa' peq'uesa a bʌ ti' tojlel a Dios. Jini cha'an tsa' tiliyon cha'an tsi' jac'ʌ Dios.

1 Samuel 4:20

Che' bʌ yomix chʌmel jini x'ixic, i pi'ʌlob ya' bʌ añob yic'ot ya' ti' yotot tsi' subeyob: Mach a cha'len bʌq'uen, come tsa'ix i yila pañimil ch'iton bʌ a walobil, che'ob. Jini x'ixic ma'anic tsi' jac'ʌ, ma'anix tsi' p'isi ti wenta.