Exodo 9:14 - Chol: I T’an Dios

¹⁴ Wʌle mi caj c wen tic'lañet yic'ot a winicob ti pejtelel a lumal cha'an mi la' cha'len tsic pusic'al, cha'an ma' ña'tan ma'anic yambʌ bajche'on ti pejtelel pañimil.

Chol de Tumbalá Bible

¹⁴ Wʌle mi caj c wen tic'lañet yic'ot a winicob ti pejtelel a lumal cha'an mi la' cha'len tsic pusic'al, cha'an ma' ña'tan ma'anic yambʌ bajche'on ti pejtelel pañimil.

Jiñi Tsiji' bʌ Wen T'añ cha'añ Estudio

¹⁴ come wʌle mi caj c choc tilel pejtelel jujunchajp wocol ti' a tojlel, ti' tojlel x'e'telob a cha'añ yic'ot ti' tojlel pejtelel a lumal, cha'añ ma' ña'tan ma'añic yam bʌ Dios bajche'on ti pejtelel pañimil.

Exodo 9:14 Iomraidhean Croise

2 Samuel 7:22

Come wen ñuquet, c Yum Dios. Ma'anic yambʌ Dios che' bajche' jatet. Jatet jach Dioset.

1 Reyob 8:38

che' jini yom ma' ñich'tʌbeñob i yoración majqui jach mi' pejcañet che' mi' yubin i ñijcʌntel i pusic'al. Mi tsi' sʌts'beyet i c'ʌb ti tojel ili Templo,

1 Cronicas 17:20

C Yum, ma'anic yambʌ lajal bʌ bajche' jatet. Ma'anic yambʌ Dios ti pañimil. Ma'anic ba' tsa cubi lojon yambʌ.

Salmos 86:8

C Yum, ma'anic yambʌ Dios che' bajche'et. Ma'anic yambʌ lajal bʌ i melbal.

Exodo 15:11

C Yum, ¿am ba Dios lajal bʌ bajche'et? ¿Majqui ñuc che' bajche' jini Ch'ujul bʌ Dios? Ma' ch'ujutesʌntel ti c'ay cha'an bʌbʌq'uen bʌ a melbal.

Exodo 8:10

Faraón tsi' yʌlʌ: Ijc'ʌl to yom, che'en. Moisés tsi' yʌlʌ: La' ujtic che' bajche' ma' wʌl cha'an ma' ña'tan ma'anic majqui lajal bajche' lac Yum Dios.

Exodo 8:6

Che' jini Aarón tsi' sʌts'ʌ i c'ʌb ti' pam ja' am bʌ ti Egipto. Tsa' pam p'ojli xpequejc ti' lumal Egipto.

Exodo 9:15

Come an c p'ʌtʌlel cha'an mic tsʌnsañetla ti pejteletla, pero mach che'ic tsac cha'le, come wolic pʌs c p'ʌtʌlel ti a tojlel cha'an mi cʌc' c bʌ ti cʌjñel ti pejtelel pañimil.

Isaias 45:5

Joñon jach Yumʌlon. Ma'anic yambʌ. Joñon jach Dioson. Mi caj c p'ʌtesañet anquese mach a cʌñʌyonic,

Isaias 46:9

Ña'tanla c melbal ti' tojlel Israel ti wajali. Dioson. Joñon jach Dioson. Ma'anic yambʌ.

Jeremias 10:6

Ma'anic yambʌ ñuc bʌ Dios lajal bʌ bajche' jatet, c Yum. Wen ñuc a c'aba'. Cabʌl a p'ʌtʌlel.

Jeremias 10:7

La' i bʌc'ñañet pejtel winicob ti pejtelel pañimil, come Reyet ti pejtelel tejclum tac. Ma'anic yambʌ, jatet jach.

Jeremias 19:8

Mi caj i toj sajtel i pusic'al majqui jach mi' q'uel ili tejclum che' jisʌbilix c cha'an ti ñuc bʌ wocol.

Daniel 5:21

Tsa' chojqui loq'uel ti' tojlel winicob. Tsa' sujti che' bajche' bʌte'el. Tsa' ajni ti jamil. Tsi' c'uxu jam che' bajche' wacax. Tsa' ach'a i bʌc'tal ti tijil jinto tsi' cʌñʌ jini Dios am bʌ ti Panchan am bʌ i p'ʌtʌlel ti' tojlel yumʌlob ti pañimil. Mi' wa'chocon ti yumʌl majqui jach yom.

Levitico 26:18

Pero mi ma'anic mi la' cha' sutq'uin la' bʌ cha'an ili wocol tac, che' jini mu' to cʌq'ueñetla yambʌ wucyajl wocol cha'an i tojol la' mul.

Levitico 26:21

Mi tilel bixel jax la' pusic'al, mi mach la' womic la' wen ubin c t'an, mi caj cʌq'ueñetla yambʌ wucyajl jini wocol cha'an i tojol la' mul.

Levitico 26:28

che' jini mi caj cʌq'ueñetla yambʌ wucyajl i tojol la' mul.

Miqueas 6:13

Jini cha'an mi caj cʌq'ueñetla ñuc bʌ wocol cha'an mi la' toj la' mul.

Deuteronomio 4:35

Tsa'ix pʌsbentiyetla pejtelel iliyi cha'an mi la' ña'tan ma'anic yambʌ dios, jini jach lac Yum, jini cojach bʌ Dios.

Apocalipsis 18:8

Jini cha'an ti jump'ejl jach q'uin mi caj i tilel cabʌl i wocol. Mi caj i chʌmel, mi caj i cha'len uq'uel, mi caj i yubin wi'ñal. Mi caj i pulel ti c'ajc, come p'ʌtʌl lac Yum Dios mu' bʌ i mel Babilonia.

Apocalipsis 22:18

Mic tic'ob pejtelel winicob mu' bʌ i yubiñob i cʌntesʌntel ti jini jun: Mi an majqui mi' xʌ' otsan i t'an ti ili jun, Dios mi caj i p'ojlesʌben i wocol jini winic che' bajche' ts'ijbubil ti ili jun.

1 Samuel 4:8

Obol lac bʌ. ¿Majqui mi caj i coltañonla cha'an mi lac loq'uel ti' tojlel p'ʌtʌl bʌ i diosob? Come jiñʌch i diosob tsa' bʌ i yʌq'ueyob c'amʌjel jini año' bʌ ti Egipto. Tsi' junyajlel jisayob ya' ti colem bʌ i tiquiñal pañimil.