Exodo 8:19 - Chol: I T’an Dios

¹⁹ Jini xwujtob tsi' subeyob Faraón: Jiñʌch i c'ʌb Dios, che'ob. Pero tsa' tsʌts'a i pusic'al Faraón. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Chol de Tumbalá Bible

¹⁹ Jini xwujtob tsi' subeyob Faraón: Jiñʌch i c'ʌb Dios, che'ob. Pero tsa' tsʌts'a i pusic'al Faraón. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Jiñi Tsiji' bʌ Wen T'añ cha'añ Estudio

¹⁹ Jiñi cha'añ jiñi xwujtob tsi' su'beyob faraón: —Jiñʌch i yal i c'ʌb Dios. Pero i pusic'al faraón tsa' tsʌts-a, ma'añic tsi' jac'beyob che' bajche' tsi' yʌlʌ lac Yum.

Exodo 8:19 Iomraidhean Croise

Genesis 41:24

Jini yajyaj bʌ wajtan tsi' jisa tac jini wucts'ijt wen bʌ wajtan. Tsac subeyob jini xwujtob chuqui tsac ñajle. Pero ma'anic majch tsa' mejli i subeñon i sujmlel, che'en.

Salmos 8:3

Che' mij q'uel a panchan, i melbal i yal a c'ʌb, Yic'ot jini uw yic'ot ec' tsa' bʌ a mele,

Exodo 10:23

Ma'anic tsa' mejli i q'uelob i bʌ. Ma'anic majqui tsa' loq'ui ti' yotot c'ʌlʌl tsa' ñumi uxp'ejl q'uin. Pero an i sʌclel pañimil ti' tojlel pejtelel israelob ya' ba' chumulob.

Exodo 10:7

I winicob Faraón tsi' yʌlʌyob: ¿Jayp'ejl to q'uin mi caj i chʌn tic'lañonla ili winic? La' majlicob i pi'ʌlob cha'an mi' ch'ujutesañob i Yum Dios. ¿Mach ba a wujilic jisʌbilix Egipto? che'ob.

Exodo 11:7

Pero ma'anic chuqui mi caj i tumbentelob israelob, mi winic, mi bʌte'el. Ma'anic mi caj i wis wojiñob ts'i'. Che' jini mi caj la' ña'tan mach lajalobic mij q'uel egiptojob che' bajche' israelob”. Che' woli yʌl lac Yum.

Exodo 7:13

Tsa' tsʌts'a i pusic'al Faraón. Ma'anic tsi' ch'ujbibeyob i t'an Moisés yic'ot Aarón. Tsa' ujti che' bajche' tsi' yʌlʌ lac Yum.

Exodo 7:4

ma'anic mi caj i ñich'tan a t'an. Jini cha'an joñon mi caj c ju'sʌbeñob i pusic'al egiptojob. Mi caj c loc'san ti' lumal Egipto jini israelob, come c cha'añob ti mojt ti mojt. Mi caj c pʌsbeñob bʌbʌq'uen tac bʌ c melbal.

Exodo 7:5

Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Exodo 9:26

Pero ma'anic tuñija' ti Gosén ya' ba'an israelob.

Exodo 9:4

Pero ma'anic mi caj i yʌq'uen i c'amʌjel i yʌlac'ob israelob. Ma'anic mi caj i chʌmelob i cha'año' bʌ israelob mi juncojtic”. Che' yom ma' suben Faraón, che'en lac Yum.

Daniel 2:19

Ti jini ac'ʌlel Dios tsi' jac'ʌ. Tsi' pʌsbe Daniel i ñajal jini rey. Jini cha'an Daniel tsi' subu i ñuclel Dios am bʌ ti panchan.

Mateo 12:28

Mi wolic choc loq'uel xibajob ti' p'ʌtʌlel i yEspíritu Dios, isujmʌch tsa'ix juli i yumʌntel Dios ba' añetla.

Lucas 11:20

Mi wolic choc loq'uel xibajob ti' p'ʌtʌlel i c'ʌb Dios, isujm tsa'ix juli i yumʌntel Dios ba' añetla.

Juan 11:47

Jini cha'an tsi' tempayob i bʌ ñuc bʌ motomajob yic'ot fariseojob. Tsi' yʌlʌyob: ¿Chuqui yom mi lac mel? che'ob. Come cabʌl mi' pʌs i yejtal i p'ʌtʌlel jini winic.

Hechos 4:16

Tsi' yʌlʌyob: ¿Chuqui mi caj lac tumben jini winicob? Come cʌmbil i cha'an pejtel chumulo' bʌ ti Jerusalén, tsi' pʌsʌyob ñuc bʌ i yejtal i p'ʌtʌlel ti isujm. Mach mejlic la cʌl mach isujmic.

1 Samuel 6:3

Tsi' yʌlʌyob: Yom mi la' cha' choc majlel jini Arca i cha'an bʌ i Dios israelob. Pero mach yomic jochol mi la' choc majlel. Yom mi la' wʌq'uen i majtan Dios cha'an mi' ñusʌbeñetla la' mul. Che' jini mi la' cajel ti lajmel. Muq'uix cajel la' ña'tan chucoch woli' tic'lañetla, che'ob.

1 Samuel 6:9

Yom mi la' wen q'uel baqui mi' majlel. Mi ya' mi' letsel majlel ti' bijlel Betsemes, muq'uix caj la' ña'tan jiñʌch Dios tsa' bʌ i tic'layonla. Pero mi mach tojic mi' majlel, muq'uix la' ña'tan mach Diosic tsa' bʌ i tic'layonla. Yilol jach tsa' ujti, che'ob.