Exodo 8:15 - Chol: I T’an Dios

¹⁵ Che' bʌ tsi' q'uele Faraón lajmenix wocol, tsa' cha' tsʌts'a i pusic'al. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Chol de Tumbalá Bible

¹⁵ Che' bʌ tsi' q'uele Faraón lajmenix wocol, tsa' cha' tsʌts'a i pusic'al. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Jiñi Tsiji' bʌ Wen T'añ cha'añ Estudio

¹⁵ Pero che' bʌ tsi' q'uele faraón lajmeñix wocol, tsa' cha' tsʌts-a i pusic'al, ma'añic tsi' jac'beyob che' bajche' tsi' yʌlʌ lac Yum.

Exodo 8:15 Iomraidhean Croise

Exodo 14:5

Che bʌ tsa' subenti jini rey ti Egipto cha'an ma'anix mi caj i chʌn sujtelob jini israelob, tsa' q'uextʌyi i pusic'al Faraón yic'ot i winicob. Tsi' yʌlʌyob: ¿Chucoch tsa' la cʌc'ʌyob ti loq'uel ti la que'tel? che'ob.

Exodo 4:21

Lac Yum tsi' sube Moisés: Che' ma' c'otel ti Egipto, yom ma' pʌsben Faraón pejtel i yejtal tac c p'ʌtʌlel tsa' bʌ c pʌsbeyet, pero mi caj c tsʌts'esan i pusic'al. Ma'anic mi caj i choc majlel jini israelob.

Exodo 7:4

ma'anic mi caj i ñich'tan a t'an. Jini cha'an joñon mi caj c ju'sʌbeñob i pusic'al egiptojob. Mi caj c loc'san ti' lumal Egipto jini israelob, come c cha'añob ti mojt ti mojt. Mi caj c pʌsbeñob bʌbʌq'uen tac bʌ c melbal.

Exodo 8:14

Tsi' much'quiyob. Tsa' wen tuw'a pañimil.

Exodo 8:16

Lac Yum tsi' sube Moisés: Suben Aarón: “Sʌts'ʌ a te'. Jats'ʌ i ts'ubeñal lum cha'an mi' pʌntiyel ti uch' ti pejtelel i lumal Egipto”. Che' yom ma' suben Aarón, che'en lac Yum.

Exodo 8:28

Faraón tsi' yʌlʌ: Mi caj c choquetla majlel cha'an mi la' wʌq'uen tsʌnsʌbil bʌ i majtan la' Yum Dios ya' ti tiquin bʌ lum. Pero mach ñajtic yom. C'ajtibenla Dios cha'an mi' lajmel jini wocol tic tojlel, che'en.

Exodo 8:29

Moisés tsi' yʌlʌ: Che' mic loq'uel ti a tojlel, mi caj j c'ajtiben lac Yum cha'an ijc'ʌl mi' cʌyet jini jaj, cha'an mi' cʌy i tic'lan a pi'ʌlob ja'el. Mach yomic ma' cha'len lot. Yom ma' choc loq'uel c pi'ʌlob cha'an mi' yʌq'ueñob tsʌnsʌbil bʌ i majtan c Yum lojon, che'en.

Exodo 8:32

Pero ti ili ora Faraón tsi' cha' tsʌts'esa i pusic'al. Ma'anic tsi' choco majlel jini winicob x'ixicob.

Exodo 8:8

Faraón tsi' pʌyʌ tilel Moisés yic'ot Aarón. Tsi' subeyob: C'ajtiben la' Yum cha'an mi' cha' loc'san jini xpequejc tic tojlel lojon. Mux caj c choc loq'uel a pi'ʌlob cha'an mi' majlelob i yʌq'uen tsʌnsʌbil bʌ i majtan la' Yum, che'en.

Proverbios 26:11

Lajal jini tonto bʌ bajche' ts'i'. Che' bajche' mi' cha' sujtel ts'i' cha'an mi' mʌc' i xej che'ʌch mi' sujtel jini tonto bʌ cha'an mi' cha' mel i tontojlel.

Proverbios 29:1

Jini mach bʌ anic mi' ñoj jac' i tic'ol anquese cabʌl mi' tijq'uel mi caj i bʌc' jilel. Ma'anix i ts'ʌcal.

Eclesiastes 8:11

Dios ma'anic mi' bʌc' aq'ueñob i toj i mul xmulilob. Jini cha'an winicob mi' lon ña'tañob uts'at mi' chʌn cha'leñob jontolil, come ma'anic i tojol mulil, lon che'ob.

Isaias 26:10

Anquese ma' pʌsbeñob i yutslel a pusic'al jini jontolo' bʌ, mi' chʌn cha'leñob jontolil. Ma'anic mi' p'isob ti' wenta che' tijicñayob i pusic'al.

Oseas 6:4

Efraín yic'ot Judá, ¿chuqui mi caj c tumbeñetla? Come lajal la' c'uxbiya bajche' tocal ti sʌc'ajel yic'ot jini ye'eb, ora jach bʌ mi' jilel.

Hebreos 3:15

I t'an Dios mi' subeñonla: “Mi woli la' wubiben i t'an Dios, mach mi la' wʌc' ti tsʌts'an la' pusic'al che' bajche' tsi' cha'leyob che' bʌ tsi' contrajiyoñob”. Che' mi' yʌl.

Hebreos 3:8

mach mi la' wʌc' ti tsʌts'an la' pusic'al che' bajche' tsi' cha'leyob la' tatob che' bʌ tsi' contrajiyoñob ya' ti colem bʌ i tiquiñal lum che' bʌ tsi' yilʌbeyoñob c pusic'al.

Apocalipsis 16:9

Tsa' puliyob ti cabʌl ticwal. Tsi' p'ajbeyob i c'aba' Dios am bʌ i p'ʌtʌlel cha'an mi' yʌc' jini wocol. Ma'anic tsi' cʌyʌyob i mul cha'an mi' q'uelob ti ñuc Dios.

1 Samuel 6:12

Che' jini tsa' caji i cha'leñob xʌmbal jini wacax ti' tojel i bijlel Betsemes. Toj jach tsi' xʌñʌyob majlel jini bij. Che' bʌ woliyob ti xʌmbal, woliyob ti oñel majlel. Ma'anic tsa' wis ochiyob ti yambʌ bij, mi ti' ñojic mi ti' ts'ejic. Jini filisteojob ñuco' bʌ i ye'tel tsi' tsʌcleyob majlel jini carreta c'ʌlʌl ya' ba' jaxʌl i cayajonlel i lumal Betsemes.

1 Samuel 6:3

Tsi' yʌlʌyob: Yom mi la' cha' choc majlel jini Arca i cha'an bʌ i Dios israelob. Pero mach yomic jochol mi la' choc majlel. Yom mi la' wʌq'uen i majtan Dios cha'an mi' ñusʌbeñetla la' mul. Che' jini mi la' cajel ti lajmel. Muq'uix cajel la' ña'tan chucoch woli' tic'lañetla, che'ob.

1 Samuel 6:6

¿Chucoch cabʌl jax mi la' tsʌts'esan la' pusic'al che' bajche' tsi' tsʌts'esayob i pusic'al jini año' bʌ ti Egipto yic'ot Faraón? ¿Mach ba anic tsa' cajiyob ti bʌq'uen che' bʌ tsi' q'ueleyob ñuc bʌ i p'ʌtʌlel jini Dios? Tsi' wersa coloyob jini israelob.

1 Samuel 6:9

Yom mi la' wen q'uel baqui mi' majlel. Mi ya' mi' letsel majlel ti' bijlel Betsemes, muq'uix caj la' ña'tan jiñʌch Dios tsa' bʌ i tic'layonla. Pero mi mach tojic mi' majlel, muq'uix la' ña'tan mach Diosic tsa' bʌ i tic'layonla. Yilol jach tsa' ujti, che'ob.