Exodo 7:5 - Chol: I T’an Dios

⁵ Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Chol de Tumbalá Bible

⁵ Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Jiñi Tsiji' bʌ Wen T'añ cha'añ Estudio

⁵ Jiñi egiptojob mi caj i ña'tañob cha'añ Yumʌlon che' mic sʌts' j c'ʌb ti contrajob cha'añ mic wersa pʌyob loq'uel jiñi israelob.

Exodo 7:5 Iomraidhean Croise

Salmos 138:7

Che' an c wocol ma' cʌntañon cha'an uts'at mic ñusan. Ma' pʌs a p'ʌtʌlel ti' contra jini mich'o' bʌ mu' bʌ i contrajiñoñob. Ma' coltañon yic'ot ñoj bʌ a c'ʌb.

Salmos 9:16

Lac Yum mi' tsictesan i bʌ che' mi' cha'len meloñel. Mi' chujquelob jini jontolo' bʌ ti' melbal i c'ʌb. Wen ña'tanla.

Exodo 10:2

Mi caj a suben a walobilob yic'ot i yalobilob a walobilob bajche' tsac pʌsʌyob ti tonto jini egiptojob cha'an ti jini ñuc tac bʌ i yejtal c p'ʌtʌlel cha'an mi la' ña'tan joñon Yumʌlon, che'en.

Exodo 10:7

I winicob Faraón tsi' yʌlʌyob: ¿Jayp'ejl to q'uin mi caj i chʌn tic'lañonla ili winic? La' majlicob i pi'ʌlob cha'an mi' ch'ujutesañob i Yum Dios. ¿Mach ba a wujilic jisʌbilix Egipto? che'ob.

Exodo 14:18

Jini egiptojob mi caj i ña'tañob Yumʌlon che' mi' tsictiyel c ñuclel ti' tojlel Faraón ti' tojlel jini c'ʌchʌlo' bʌ ti carreta tac yic'ot ti caballo.

Exodo 14:4

Mi caj c tsʌts'esʌben i pusic'al Faraón cha'an mi' yajñesañob. Mi caj c tsictesan c ñuclel ti' tojlel Faraón yic'ot ti' tojlel pejtel soldadojob. Jini egiptojob mi caj i ña'tañob joñon Yumʌlon. Che' tsi' yʌlʌ lac Yum. Jini israelob tsi' meleyob che' bajche' subebilob.

Exodo 18:8

Moisés tsi' tsictesʌbe i nij'al pejtelel tsa' bʌ i mele lac Yum ti' tojlel Faraón yic'ot ti' tojlel egiptojob cha'an i c'uxbintel israelob. Tsi' tsictesʌbe ja'el bajche' tsi' coltayob lac Yum ti pejtelel jini wocol tac bʌ tsa' bʌ i yubiyob ti bij.

Exodo 3:20

Jini cha'an mi caj c pʌsben i p'ʌtʌlel j c'ʌb. Mi caj cʌq'ueñob wocol jini egiptojob. Mi caj c pʌsbeñob c p'ʌtʌlel ti ñuc tac bʌ c melbal. Ti wi'il mi caj i choquetla majlel.

Exodo 6:1

Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Exodo 6:6

Subeñob jini israelob: “La' Yumon. Mi caj c ju'sʌbeñetla la' cuch tsa' bʌ i yʌq'ueyetla jini egiptojob. Mi caj c loc'sañetla ti majtan e'tel ti' tojlelob. Mi caj j coltañetla ti cabʌl c p'ʌtʌlel yic'ot bʌbʌq'uen tac bʌ c melbal.

Exodo 7:17

Jini cha'an lac Yum woli' yʌl: Mux caj a ña'tan joñon Yumʌlon che' mi' jats' jini ja' Nilo jini c winic Moisés”. Che' mi caj a suben Faraón. Mi caj a c'ʌn ili barate' chucul bʌ a cha'an. Jini ja' mi caj i pʌntiyel ti ch'ich'.

Exodo 8:10

Faraón tsi' yʌlʌ: Ijc'ʌl to yom, che'en. Moisés tsi' yʌlʌ: La' ujtic che' bajche' ma' wʌl cha'an ma' ña'tan ma'anic majqui lajal bajche' lac Yum Dios.

Exodo 8:19

Jini xwujtob tsi' subeyob Faraón: Jiñʌch i c'ʌb Dios, che'ob. Pero tsa' tsʌts'a i pusic'al Faraón. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Exodo 8:22

Ti jim bʌ ora ma'anic mi caj i tic'lʌntelob c cha'año' bʌ chumulo' bʌ ti' lumal Gosén. Ma'anic mi caj i yajñel jaj ya'i. Che' jini mi caj a ña'tan joñon Yumʌlon ti pañimil.

Ezequiel 25:17

Che' jini mi caj cʌq'ueñob i toj i mul. Mi caj i wen ubiñob i tic'lʌntel. Ti jim bʌ ora mi caj i ña'tañob Yumʌlon, che'en.

Ezequiel 28:22

Subeñob: “Lac Yum Dios woli' yʌl: Wʌle wolix j contrajiñet Sidón. Mach jalix mi caj c pʌs c ñuclel ti a tojlel che' mic jisañet. Che' mic pʌs c bʌ ti ch'ujul ti a tojlel mi caj i ña'tañob ti pejtelel pañimil Yumʌlon.

Ezequiel 32:15

Che' jisʌbilix pejtel i lumal Egipto, che' laj jilemix i chubʌ'an, yic'ot jini ya' bʌ chumulob, mi caj i ña'tañob Dioson.

Ezequiel 36:23

Muq'uix c cha' ac' ti cʌjñel j c'aba' mach bʌ anic tsa' la' p'isi ti wenta ti' tojlel winicob ti pañimil. Che' mic pʌyetla loq'uel cha'an ch'ujul mi la' wajñel tic tojlel, mi caj i ña'tañob ch'ujulon, Dioson.

Ezequiel 39:22

Ti jim bʌ ora pejtel jini israelob mi caj i ña'tañob i Yumon i Dioson.

Ezequiel 39:7

Mi caj cʌc' ti tsictiyel jini ch'ujul bʌ j C'aba' ti' tojlel c tejclum Israel. Ma'anix mi caj c chʌn ñusʌbeñob i mul jini mu' bʌ i p'ajob. Che' jini mi caj i ña'tañob ti pejtelel pañimil Yumʌlon, Ch'ujulon Bʌ i cha'an Israel.