Exodo 7:4 - Chol: I T’an Dios

⁴ ma'anic mi caj i ñich'tan a t'an. Jini cha'an joñon mi caj c ju'sʌbeñob i pusic'al egiptojob. Mi caj c loc'san ti' lumal Egipto jini israelob, come c cha'añob ti mojt ti mojt. Mi caj c pʌsbeñob bʌbʌq'uen tac bʌ c melbal.

Chol de Tumbalá Bible

⁴ ma'anic mi caj i ñich'tan a t'an. Jini cha'an joñon mi caj c ju'sʌbeñob i pusic'al egiptojob. Mi caj c loc'san ti' lumal Egipto jini israelob, come c cha'añob ti mojt ti mojt. Mi caj c pʌsbeñob bʌbʌq'uen tac bʌ c melbal.

Jiñi Tsiji' bʌ Wen T'añ cha'añ Estudio

⁴ Jiñi faraón ma'añic mi caj i ñʌch'tan la' t'añ, pero joñon mi caj c sʌts' j c'ʌb ti' contra egiptojob. Mi caj c loc'san ti' lumal Egipto, jiñi yalobilob Israel, jiñi c tejclum yic'ot bʌbʌq'uen tac bʌ c melbal.

Exodo 7:4 Iomraidhean Croise

Exodo 10:1

Lac Yum tsi' sube Moisés: Cucu ba'an Faraón, come tsa'ix c cha' tsʌts'esʌbe i pusic'al Faraón yic'ot i pi'ʌlob ti e'tel cha'an mic pʌsbeñob ñuc tac bʌ i yejtal c p'ʌtʌlel.

Exodo 11:9

Lac Yum tsi' sube Moisés: Faraón ma'anic mi caj i jac'beñet jinto mic laj pʌs bʌbʌq'uen tac bʌ c p'ʌtʌlel ti Egipto, che'en.

Exodo 12:51

Ti jini jach bʌ q'uin lac Yum tsi' pʌyʌ loq'uel israelob ti' lumal egiptojob ti mojt ti mojt.

Exodo 13:3

Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Exodo 13:9

Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Exodo 18:8

Moisés tsi' tsictesʌbe i nij'al pejtelel tsa' bʌ i mele lac Yum ti' tojlel Faraón yic'ot ti' tojlel egiptojob cha'an i c'uxbintel israelob. Tsi' tsictesʌbe ja'el bajche' tsi' coltayob lac Yum ti pejtelel jini wocol tac bʌ tsa' bʌ i yubiyob ti bij.

Exodo 3:19

Cujil ma'anic mi caj i yʌc' permiso jini rey jinto tsa'ix c pʌsbe c p'ʌtʌlel.

Exodo 3:20

Jini cha'an mi caj c pʌsben i p'ʌtʌlel j c'ʌb. Mi caj cʌq'ueñob wocol jini egiptojob. Mi caj c pʌsbeñob c p'ʌtʌlel ti ñuc tac bʌ c melbal. Ti wi'il mi caj i choquetla majlel.

Exodo 6:1

Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Exodo 6:26

Jiñobʌch Aarón yic'ot Moisés tsa' bʌ subentiyob cha'an lac Yum: Pʌyʌla loq'uel israelob ti Egipto, che'en.

Exodo 6:6

Subeñob jini israelob: “La' Yumon. Mi caj c ju'sʌbeñetla la' cuch tsa' bʌ i yʌq'ueyetla jini egiptojob. Mi caj c loc'sañetla ti majtan e'tel ti' tojlelob. Mi caj j coltañetla ti cabʌl c p'ʌtʌlel yic'ot bʌbʌq'uen tac bʌ c melbal.

Exodo 7:13

Tsa' tsʌts'a i pusic'al Faraón. Ma'anic tsi' ch'ujbibeyob i t'an Moisés yic'ot Aarón. Tsa' ujti che' bajche' tsi' yʌlʌ lac Yum.

Exodo 7:16

Suben Faraón: “C Yum lojon, i Dios hebreojob, tsi' chocoyon tilel ba' añet. Tsi' yʌlʌ: La' majlicob jini winicob x'ixicob c cha'año' bʌ cha'an mi' ch'ujutesañoñob ya' ti colem bʌ i tiquiñal pañimil, che'en. Pero maxto anic tsa' jac'ʌ.

Exodo 8:15

Che' bʌ tsi' q'uele Faraón lajmenix wocol, tsa' cha' tsʌts'a i pusic'al. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Exodo 8:19

Jini xwujtob tsi' subeyob Faraón: Jiñʌch i c'ʌb Dios, che'ob. Pero tsa' tsʌts'a i pusic'al Faraón. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Exodo 9:12

Pero lac Yum tsi' tsʌts'esʌbe i pusic'al Faraón. Ma'anic tsi' choco majlel jini israelob. Tsa' ujti che' bajche' lac Yum tsi' sube Moisés.

Exodo 9:3

tsajaletme come lac Yum mi caj i yʌq'uen leco bʌ i c'amʌjel jini alʌc'ʌl am bʌ ti potrero, yic'ot caballo, yic'ot burro, yic'ot camello, yic'ot wacax, yic'ot tiñʌme'.

Proverbios 19:29

Wʌn chajpʌbilix asiyal cha'an mi' bajbentelob tontojo' bʌ.

Isaias 26:9

Ti' ac'ʌlel mic sʌclañet c'ʌlʌl mi' sʌc'an pañimil. Ti pejtelel c pusic'al mic cha'len wersa cha'an mic tajet. Cujil che' ma' tilel ti meloñel mi caj i cʌyob i jontolil jini año' bʌ ti pañimil. Mi caj i ñopob chuqui toj.

Lamentaciones 3:3

Isujm tsa'ix sujti tij contra. Woli' yʌc'on ti wocol ti q'uiñil yic'ot ti ac'ʌlel.

Ezequiel 14:21

Lac Yum Dios woli' yʌl: Talix chʌnchajp ñuc bʌ wocol cha'an mi' jisan pejtelel cuxulo' bʌ ti Jerusalén: guerra, wi'ñal, jontol bʌ bʌte'el, yic'ot jontol bʌ c'amʌjel.

Ezequiel 25:11

Mi caj cʌq'ueñob i toj i mul. Che' jini mi caj i ña'tañob Yumʌlon.

Ezequiel 30:14

Mi caj c jisan Patros yic'ot Zoán. Mi caj cʌq'ueñob i toj i mul jini año' bʌ ti Tebas.

Ezequiel 30:19

Che' jini mi caj c jisan jini egiptojob che' mi cʌq'ueñob i toj i mul. Mi caj i ña'tañob Yumʌlon”, che'en.

Apocalipsis 15:4

C Yum, ¿am ba winic mach bʌ anic mi caj i bʌc'ñʌbeñet a c'aba', mach bʌ anic mi caj i ñuq'uesʌbeñet a c'aba'? Come jatet jach ch'ujulet. Jini cha'an pejtel año' bʌ ti pañimil mi caj i tilelob i ch'ujutesañet, come tsa' tsictiyi toj bʌ a meloñel. Che' tsi' c'ʌyiyob.

Apocalipsis 16:7

Che' jini tsa cubi t'an tsa' bʌ loq'ui ti' pulʌntib i majtan Dios. Tsi' yʌlʌ: Melel, c Yum Dios, Mach bʌ Anic i P'isol a P'ʌtʌlel. Ma' cha'len meloñel ti isujm yic'ot ti toj, che'en.

Apocalipsis 19:2

Come mi' cha'len meloñel ti isujm yic'ot ti toj. Come tsa'ix i mele jini ñuc bʌ xmoja tsa' bʌ i yoc'mesa pañimil ti' ts'i'lel. Dios tsi' q'uextʌbe i jontolil jini xmoja cha'an tsi' bec'be i ch'ich'el i winicob Dios, che'ob.

Juezob 2:15

Baqui jach tsa' majliyob, lac Yum tsa' ajni ti' contra cha'an mi' yubiñob wocol, come che'ʌch tsi' yʌlʌ lac Yum. Cabʌl tsi' yubiyob wocol che' bajche' tsi' wʌn alʌ lac Yum.