Exodo 7:17 - Chol: I T’an Dios

¹⁷ Jini cha'an lac Yum woli' yʌl: Mux caj a ña'tan joñon Yumʌlon che' mi' jats' jini ja' Nilo jini c winic Moisés”. Che' mi caj a suben Faraón. Mi caj a c'ʌn ili barate' chucul bʌ a cha'an. Jini ja' mi caj i pʌntiyel ti ch'ich'.

Chol de Tumbalá Bible

¹⁷ Jini cha'an lac Yum woli' yʌl: Mux caj a ña'tan joñon Yumʌlon che' mi' jats' jini ja' Nilo jini c winic Moisés”. Che' mi caj a suben Faraón. Mi caj a c'ʌn ili barate' chucul bʌ a cha'an. Jini ja' mi caj i pʌntiyel ti ch'ich'.

Jiñi Tsiji' bʌ Wen T'añ cha'añ Estudio

¹⁷ Jiñi cha'añ lac Yum woli' yʌl: Mux caj a ña'tan cha'añ joñon Yumʌlon: Mi caj c jats' tic barajte' jiñi ja' Nilo. Jiñi ja' mi caj i pʌntʌyel ti ch'ich'.

Exodo 7:17 Iomraidhean Croise

1 Reyob 20:28

I winic Dios tsa' cha' c'oti ba'an Acab jini rey ti Israel. Tsi' sube: Chocbilon tilel ti Dios cha'an mic subeñet: “Jini siriajob mi' lon ña'tañob ya' jach mi' yajñel la' Yum ti bujtʌl tac. Ma'anic mi' yajñel ti joctʌl tac lon che'ob. Jini cha'an mi caj i mʌjlel a cha'an ti' tojlel pejtel jini siriajob cha'an ma' wen ña'tan Dioson”, che'en lac Yum. Che' tsi' yʌlʌ x'alt'an.

2 Reyob 19:19

Wʌle c Yum, c Dios lojon, a wocolic coltañon lojon cha'an mi' ña'tañob jini yumʌlob ti pejtelel pañimil jatet jach Dioset, c Yum. Che' tsi' cha'le oración Ezequías.

Salmos 105:29

Tsi' pʌntesa ja' ti ch'ich'. Tsi' tsʌnsa jini chʌy am bʌ ti Egipto.

Salmos 78:44

Tsi' pʌntesa jini colem ja' tac ti ch'ich'. Ma'anic tsa' mejli i japob jini ja' am bʌ ti pa'.

Salmos 83:18

La' i ñopob a c'aba' come jatet jach c Yumet lojon. C'ax ñuquet ti pejtelel pañimil.

Salmos 9:16

Lac Yum mi' tsictesan i bʌ che' mi' cha'len meloñel. Mi' chujquelob jini jontolo' bʌ ti' melbal i c'ʌb. Wen ña'tanla.

Exodo 1:22

Che' jini Faraón tsi' yʌq'ue mandar pejtelel winicob x'ixicob ti' lumal: Che' mi' yilan pañimil ch'iton ti' tojlel hebreojob, chocola ti colem ja', pero la' cuxtiyic jini xch'oc tacob, che'en.

Exodo 10:2

Mi caj a suben a walobilob yic'ot i yalobilob a walobilob bajche' tsac pʌsʌyob ti tonto jini egiptojob cha'an ti jini ñuc tac bʌ i yejtal c p'ʌtʌlel cha'an mi la' ña'tan joñon Yumʌlon, che'en.

Exodo 4:9

Mi ma'anic mi' ñopob a t'an che' ma' pʌsbeñob jini cha'p'ejl i yejtal c p'ʌtʌlel, mi caj a luch ja' ya' ti colem ja' i c'aba' Nilo. Mi caj a bec' ya' ti lum. Jini ja' mu' bʌ a luch loq'uel ti Nilo mi caj i sujtel ti ch'ich' ya' ti tiquin bʌ lum, che'en.

Exodo 5:2

Faraón tsi' c'ajtibeyob: ¿Majqui la' Yum? ¿Chucoch mic lon ñopben i t'an cha'an mic chocob majlel? Mach cʌmbilic c cha'an la' Yum. Ma'anic mi caj c choc majlel jini israelob, che'en.

Exodo 6:7

Mi caj cotsañetla tic cha'año' bʌ. Mi caj cochel ti la' Dios. Mi caj la' ña'tan la' Yumon la' Dioson tsa' bʌ c pʌyʌyetla loq'uel ti wocol e'tel ti' tojlel egiptojob.

Exodo 7:20

Moisés yic'ot Aarón tsi' meleyob che' bajche' tsi' yʌlʌ lac Yum. Aarón tsi' jats'ʌ jini ja' i c'aba' Nilo ti' barate' ti' tojel i wut Faraón yic'ot i winicob. Pejtel jini ja' am bʌ ti Nilo tsa' pʌntiyi ti ch'ich'.

Exodo 7:5

Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Ezequiel 25:17

Che' jini mi caj cʌq'ueñob i toj i mul. Mi caj i wen ubiñob i tic'lʌntel. Ti jim bʌ ora mi caj i ña'tañob Yumʌlon, che'en.

Ezequiel 29:9

Jochocña mi caj i cʌytʌl i lumal Egipto. Che' jini mi caj i ña'tañob Yumʌlon. Come tsa' lon alʌ: C cha'añʌch jini ñoja' i c'aba' Nilo. Joñon tsac mele, lon che'et.

Ezequiel 30:19

Che' jini mi caj c jisan jini egiptojob che' mi cʌq'ueñob i toj i mul. Mi caj i ña'tañob Yumʌlon”, che'en.

Ezequiel 30:8

Che' jini mi caj i ña'tañob Yumʌlon ba' ora tsa'ix c jisa Egipto. Pejtel mu' bʌ i coltañob mi caj i jisʌntelob ja'el.

Ezequiel 32:15

Che' jisʌbilix pejtel i lumal Egipto, che' laj jilemix i chubʌ'an, yic'ot jini ya' bʌ chumulob, mi caj i ña'tañob Dioson.

Ezequiel 32:6

Mi caj cʌch'esan jini lum yic'ot a ch'ich'el. Mi caj i bujt'el jini joctʌl tac c'ʌlʌl ti wits.

Ezequiel 38:23

Che'ʌch mi caj c pʌs c ñuclel come ch'ujulon. Mi caj cʌc' ti c'uxbintel j C'aba' ti' tojlel cabʌl tejclum tac. Mi caj i ña'tañob Yumʌlon”. Che' yom ma' suben Gog, che'en Dios.

Ezequiel 39:28

Che' jini mi caj i ña'tañob i Yumon i Dioson tsa' bʌ c chocoyob majlel ti cʌjchel ti ñajt bʌ tejclum tac, come ti pejtelelob mi caj c cha' pʌyob tilel ti' lumal.

Daniel 4:17

Jiñʌch i mandar jini Ñuc bʌ xQ'uelojel. Tsi' choco tilel yic'ot jini ch'ujul bʌ ángelob cha'an mi' ña'tʌntel ti pejtelel pañimil an i p'ʌtʌlel lac Yum ti' tojlel yumʌlob ti pañimil. Mi' yʌq'uen i yumʌntel majqui jach yom. Mi' wa'chocon jini pec'o' bʌ winicob ti' tojlel i pi'ʌlob.

Daniel 4:32

Mi caj a chojquel loq'uel ti' tojlel winicob. Mi caj a wajñel yic'ot bʌte'el wucp'ejl jab. Mi caj a c'ux jam che' bajche' tat wacax jinto ma' wen cʌn jini Dios am bʌ ti chan am bʌ i p'ʌtʌlel ti pejtelel tejclum tac ti pañimil. Mi' wa'chocon ti yumʌl majqui jach yom, che'en.

Daniel 4:37

Jini cha'an, joñon Nabucodonosor, mic ch'ujutesan, mic ñuq'uesan, mij q'uel ti ñuc jini Yumʌl am bʌ ti panchan. Pejtelel chuqui mi' mel utsat, toj ja'el. An i p'ʌtʌlel cha'an mi' peq'uesan jini mu' bʌ i chañ'esañob i bʌ. Che' tsi' yʌlʌ Nabucodonosor.

Daniel 5:21

Tsa' chojqui loq'uel ti' tojlel winicob. Tsa' sujti che' bajche' bʌte'el. Tsa' ajni ti jamil. Tsi' c'uxu jam che' bajche' wacax. Tsa' ach'a i bʌc'tal ti tijil jinto tsi' cʌñʌ jini Dios am bʌ ti Panchan am bʌ i p'ʌtʌlel ti' tojlel yumʌlob ti pañimil. Mi' wa'chocon ti yumʌl majqui jach yom.

Daniel 5:23

Tsa' ts'a'le lac Yum am bʌ ti Panchan. Tsa' choco ti ch'ʌmol pejtel i vaso tac yic'ot i taza tac cha'an ma' c'ʌn ti jap vino yic'ot a pi'ʌlob ti e'tel, cha'an ma' ñuq'uesan a dios tac melbil bʌ ti oro, ti plata, ti bronce, ti tsucu taq'uin, ti te' yic'ot ti xajlel, anquese ma'anic i ña'tʌbal. Ma'anic chuqui mi' yubiñob, ma'anic chuqui mi' q'uelob. Maxto anic tsa' ch'ujutesa jini Dios woli bʌ i yʌq'ueñet a cuxtilel ba' cʌyʌl pejtel chuqui ma' mel.

Apocalipsis 11:6

Añob i p'ʌtʌlel jini cha'tiquil cha'an mi' ñup'ob panchan cha'an ma'anic mi' yʌc' ja'al ba' ora woliyob ti subt'an. Añob i p'ʌtʌlel cha'an mi' pʌntesan ti ch'ich' i loq'uib ja'. Añob i p'ʌtʌlel cha'an mi' tic'lañob pañimil ti cabʌl wocol che' bajche' jayyajl yomob.

Apocalipsis 8:8

I cha'ticlel ángel tsi' wusu i trompeta. An chuqui tsa' chojqui ochel ti colem ñajb. Che' yilal bajche' colem wits woli bʌ ti pulel ti c'ajc. Tsa' t'oxle yilal jini colem ñajb ti uxpejt. Jumpejt tsa' pʌntʌyi ti ch'ich'.