Exodo 7:11 - Chol: I T’an Dios

¹¹ Faraón tsi' pʌyʌ tilel jini año' bʌ i ña'tʌbal yic'ot xwujtob año' bʌ ti Egipto. Lajal tsi' meleyob cha'an ti leco tac bʌ i ña'tʌbal.

Chol de Tumbalá Bible

¹¹ Faraón tsi' pʌyʌ tilel jini año' bʌ i ña'tʌbal yic'ot xwujtob año' bʌ ti Egipto. Lajal tsi' meleyob cha'an ti leco tac bʌ i ña'tʌbal.

Jiñi Tsiji' bʌ Wen T'añ cha'añ Estudio

¹¹ Jiñi cha'añ faraón tsi' pʌyʌ tilel jiñi año' bʌ i ña'tʌbal yic'ot xwujtob año' bʌ ti Egipto. Lajal tsi' meleyob ja'el cha'añ ti leco tac bʌ i ña'tʌbal.

Exodo 7:11 Iomraidhean Croise

Genesis 41:8

Che' ti sʌc'ajel wen ch'ijiyem i pusic'al. Tsi' choco majlel i winicob cha'an mi' pʌyob tilel pejtelel jini xwujtob yic'ot pejtel año' bʌ cabʌl i ña'tʌbal. Faraón tsi' subeyob chuqui tsi' q'uele ti ñajal. Ma'anic majch tsa' mejli i suben i sujmlel.

Exodo 7:12

Ti jujuntiquil tsi' bʌn choco i te' ti lum. Tsa' pʌntiyi tac ti lucum. I lucum Aarón tsi' mʌsʌbe i lucum i winicob Faraón.

Exodo 7:22

Jini xwujtob am bʌ ti Egipto lajal tsi' meleyob ti jini leco tac bʌ i ña'tʌbal. Faraón tsa' chʌn ajni ti' tsʌtslel i pusic'al. Ma'anic tsi' ch'ujbibeyob i t'an. Tsa' ujti che' bajche' tsi' yʌlʌ lac Yum.

Exodo 8:18

Jini xwujtob tsa' caji' ñopob i mel ti mucul tac bʌ i ña'tibal, pero ma'anic tsa' mejliyob. Tsa' ajni uch' ti' tojlel winicob yic'ot alʌc'ʌl.

Exodo 8:3

Wen p'ulucña mi caj i yajñel xpequejc ti Nilo. Mi caj i yochel ti a wotot yic'ot ba' ma' wʌyel, yic'ot ti' yotot tac a mozojob, yic'ot ti' yotot pejtel año' bʌ ti Egipto. Mi caj i yochelob ti horno yic'ot ya' ba' ma' mel a waj.

Exodo 8:7

Pero lajal tsi' meleyob xwujtob yic'ot mucul bʌ i ña'tʌbal. Tsi' pʌyʌyob tilel xpequejc ti' lumal Egipto.

Daniel 2:2

Che' bʌ tsa' sʌc'a mach chʌn c'ajalix i cha'an i ñajal. Jini cha'an tsi' pʌyʌ tilel pejtel i winicob año' bʌ cabʌl i ña'tʌbal, yic'ot mu' bʌ i subob chuqui mi' caj ti ujtel, yic'ot xch'ʌcojelob, yic'ot xq'uel ec'ob. Tsi' subeyob cha'an mi' tsictesʌbeñob i sujmlel i ñajal. Tsa' tiliyob ti' tojlel jini rey. Jini rey tsi' subeyob: Tsac cha'le ñajal, pero mach c'ajalix c cha'an c ñajal, che'en.

Daniel 2:27

Daniel tsi' yʌlʌ: Ma'anic winic ti' tojlel jini año' bʌ i ña'tʌbal mu' bʌ mejlel i subeñet chuqui tsa' ñajle, mi xwujt mi xq'uel ec', mi jinic yujil bʌ i pʌs ñuc bʌ i melbal, mi xch'ʌcojel.

Daniel 4:6

Jini cha'an tsac choco ti pʌyol pejtelel año' bʌ cabʌl i ña'tʌbal chumulo' bʌ ti Babilonia cha'an mi' tsictesañob i sujmlel c ñajal.

Daniel 5:11

An juntiquil winic ti a yumʌntel but'ul bʌ ti' yEspíritu jini Ch'ujul bʌ Dios. Che' cuxul to a tat, tsi' q'uele wen cabʌl i ña'tʌbal, wen p'ip' i jol. Lajal i ña'tʌbal che' bajche' jini diosob. Jini cha'an jini rey Nabucodonosor a tatuch tsi' wa'choco ti' yum jini año' bʌ cabʌl i ña'tʌbal, jini yujilo' bʌ i pʌs ñuc tac bʌ i melbal, jini xq'uel ec'ob, jini xch'ʌcojelob yic'ot mu' bʌ i subob chuqui mi caj i yujtel ti pañimil.

Daniel 5:7

Jini rey tsa' caji ti oñel. Tsi' pʌyʌ tilel jini winicob año' bʌ cabʌl i ña'tʌbal, jini xtic'layajob yic'ot jini xq'uel ec'ob. Jini rey tsi' subeyob: ¿Majqui mi' cʌn jini ts'ijbubil bʌ? Mi tsi' tsictesʌbeyon i sujmlel, mi caj cʌq'uen i lʌp wen i t'ojol bʌ i pislel yic'ot ujʌl melbil bʌ ti oro. Che' ja'el mi caj cʌq'uen i ye'tel lʌc'ʌl tic t'ejl, che'en.

Mateo 24:24

Mi caj i tejchelob lot bʌ x'alt'añob yic'ot xlotob mu' bʌ i cuyob i bʌ ti Cristo. Mi caj i pʌsob ñuc bʌ i yejtal i p'ʌtʌlel, yic'ot bʌbʌq'uen tac bʌ cha'an mi' socob jini yajcʌbilo' bʌ mi tsa' mejli.

Gálatas 3:1

¡Sojquemetla añet bʌ la ti Galacia! ¿Majqui tsi' socoyetla cha'an mi la' cʌy la' jac'ben i sujmlel jini wen t'an tsa' bʌ wen subentiyetla cha'an tsa' ch'ijle ti cruz Jesucristo?

Efesios 4:14

Mach yomix alobon to la. Mach yomic mi lac chʌn ñijcʌyel cha'an i cʌntesa winicob che' bajche' i yopol te' mu' bʌ i ñijcan ic'. Maya jax mi' melob i bajñel sojquemal cha'an mi' lotiñonla.

2 Tesalonicenses 2:9

Mi' tilel jini xjontolil yic'ot i p'ʌtʌlel Satanás cha'an mi' melben i ye'tel. Mi' cajel ti lot yic'ot i yejtal tac i p'ʌtʌlel yic'ot bʌbʌq'uen tac bʌ i melbal,

2 Timoteo 3:8

Che' bajche' tsi' contrajiyob Moisés jini Janes yic'ot Jambres, che' ja'el jini winicob mi' contrajiñob i sujmlel. Jontol chuqui mi' ña'tañob ti' pusic'al. Tsi' junyajlel cʌyʌyob jini woli bʌ lac ñop.

2 Timoteo 3:9

Pero mach ti pejtelelic ora mi caj i melob, come mi' caj ti cʌjñel i tontojlel i cha'an pejtelelob che' bajche' tsa' cʌjni i tontojlel jini cha'tiquil.

Apocalipsis 19:20

Tsa' chujqui jini jontol bʌ bʌte'el yic'ot jini x'alt'an yujil bʌ lot, tsa' bʌ i pʌsʌ i yejtal tac i p'ʌtʌlel ti' wut jontol bʌ bʌte'el cha'an mi' lotin winicob tsa' bʌ i ch'ʌmbeyob i marcajlel jini bʌte'el, che' bʌ tsi' ch'ujutesʌbeyob i yejtal. Ti' cha'ticlel che' cuxulob to tsa' chojquiyob ochel ti' yajñib colem c'ajc woli bʌ ti pulel yic'ot azufre.

1 Samuel 6:2

Tsi' pʌyʌyob tilel motomajob yic'ot xwujtob. Tsi' c'ajtibeyob: ¿Chuqui mi mejlel lac tumben jini Arca i cha'an i Yum israelob? Subeñon lojon bajche' yom mic mel lojon cha'an mic cha' ac' lojon ya' ba'an ti ñaxan, che'ob.