Exodo 6:7 - Chol: I T’an Dios

⁷ Mi caj cotsañetla tic cha'año' bʌ. Mi caj cochel ti la' Dios. Mi caj la' ña'tan la' Yumon la' Dioson tsa' bʌ c pʌyʌyetla loq'uel ti wocol e'tel ti' tojlel egiptojob.

Chol de Tumbalá Bible

⁷ Mi caj cotsañetla tic cha'año' bʌ. Mi caj cochel ti la' Dios. Mi caj la' ña'tan la' Yumon la' Dioson tsa' bʌ c pʌyʌyetla loq'uel ti wocol e'tel ti' tojlel egiptojob.

Jiñi Tsiji' bʌ Wen T'añ cha'añ Estudio

⁷ Mi caj cotsañetla tic tejclum yic'ot mi caj cochel ti la' Dios. Che' jiñi mi caj la' ña'tan Yumʌlon, la' Dioson, tsa' bʌ c pʌyʌyetla loq'uel ti wocol e'tel ti' tojlel egiptojob.

Exodo 6:7 Iomraidhean Croise

Genesis 26:3

Yom ma' wajñel ti jini lum maxto bʌ a cha'anic. Añon quic'otet. Mi caj cʌq'ueñet i yutslel c t'an. Mi caj cʌq'ueñet yic'ot a p'olbal pejtel ili lum. Mi caj c ts'ʌctesan jini t'an tsa' bʌ c sube Abraham a tat.

Genesis 28:13

Ya' wa'al lac Yum ti' chañelal. Tsi' yʌlʌ: Joñon Yumʌlon, i Dioson Abraham a tat, i Dioson Isaac. Mi caj cʌq'ueñet yic'ot a p'olbal jini lum ba' ñololet.

1 Reyob 20:28

I winic Dios tsa' cha' c'oti ba'an Acab jini rey ti Israel. Tsi' sube: Chocbilon tilel ti Dios cha'an mic subeñet: “Jini siriajob mi' lon ña'tañob ya' jach mi' yajñel la' Yum ti bujtʌl tac. Ma'anic mi' yajñel ti joctʌl tac lon che'ob. Jini cha'an mi caj i mʌjlel a cha'an ti' tojlel pejtel jini siriajob cha'an ma' wen ña'tan Dioson”, che'en lac Yum. Che' tsi' yʌlʌ x'alt'an.

1 Reyob 8:60

Che' jini pejtel winicob ti pañimil mi caj i ña'tañob Yumʌlʌch Dios. Ma'anic yambʌ Dios.

Nehemias 1:10

Jiñobʌch a winicob, a tejclumob, tsa' bʌ a colta ti ñuc bʌ a p'ʌtʌlel che' bʌ tsa' loc'sayob ti Egipto.

Salmos 100:3

Ña'tanla Diosʌch jini lac Yum. Jini tsi' meleyonla, i cha'añonla. I winiconla, i tiñʌme'onla mu' bʌ i cʌntan.

Salmos 81:6

Dios tsi' yʌlʌ: Tsac chucbe jubel i cuch ti' pat, Tsac chucbe jubel jini al bʌ chiquib jich'iye'el bʌ i cha'an.

Exodo 13:14

Tal i yorajlel che' mi caj i c'ajtibeñetla la' walobilob: “¿Chuqui i sujmlel jini?” Mi che'ob, mi caj la' jac': “Ti' p'ʌtʌlel lac Yum tsi' pʌyʌyonla loq'uel ti Egipto, ya' ba chuculonla ti wocol e'tel.

Exodo 13:3

Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Exodo 14:18

Jini egiptojob mi caj i ña'tañob Yumʌlon che' mi' tsictiyel c ñuclel ti' tojlel Faraón ti' tojlel jini c'ʌchʌlo' bʌ ti carreta tac yic'ot ti caballo.

Exodo 14:4

Mi caj c tsʌts'esʌben i pusic'al Faraón cha'an mi' yajñesañob. Mi caj c tsictesan c ñuclel ti' tojlel Faraón yic'ot ti' tojlel pejtel soldadojob. Jini egiptojob mi caj i ña'tañob joñon Yumʌlon. Che' tsi' yʌlʌ lac Yum. Jini israelob tsi' meleyob che' bajche' subebilob.

Exodo 15:16

C Yum, woliyobix ti bʌq'uen. Ñʌch'ʌlix tsa' cʌleyob cha'an wola' coltañon lojon, Jinto mij c'otel lojon ba' samiyon lojon, Jinto mi' laj c'otelob a cha'año' bʌ mʌmbilo' bʌ a cha'an.

Exodo 15:2

Lac Yum c p'ʌtʌlelʌch, jiñʌch mu' bʌ j c'ʌyin. Jiñʌch xcoltaya c cha'an. Jiñʌch c Dios, mi caj j c'ʌyiben i ñuclel. Jiñʌch i Dios c tat. Mi caj c sub i ñuclel.

Exodo 16:6

Jini cha'an Moisés yic'ot Aarón tsi' subeyob: Che' ti ic'ajel mi caj la' ña'tan jiñʌch lac Yum tsa' bʌ i pʌyʌyetla loq'uel ti Egipto.

Exodo 2:11

Che' ñuquix Moisés tsa' majli ti xʌmbal ti' tojlel i pi'ʌlob. Tsi' q'uele woliyob ti wocol cha'an al i cuch. Tsi' q'uele woli' jajts'el juntiquil hebreo i pi'ʌl bʌ cha'an juntiquil egipto.

Exodo 6:6

Subeñob jini israelob: “La' Yumon. Mi caj c ju'sʌbeñetla la' cuch tsa' bʌ i yʌq'ueyetla jini egiptojob. Mi caj c loc'sañetla ti majtan e'tel ti' tojlelob. Mi caj j coltañetla ti cabʌl c p'ʌtʌlel yic'ot bʌbʌq'uen tac bʌ c melbal.

Exodo 7:17

Jini cha'an lac Yum woli' yʌl: Mux caj a ña'tan joñon Yumʌlon che' mi' jats' jini ja' Nilo jini c winic Moisés”. Che' mi caj a suben Faraón. Mi caj a c'ʌn ili barate' chucul bʌ a cha'an. Jini ja' mi caj i pʌntiyel ti ch'ich'.

Isaias 41:20

Che' jini mi' caj ti cʌjñel c melbal. Mi caj i q'uelob winicob. Mi caj i ña'tañob tsac mele joñon. La' Yumon Ch'ujulon Bʌ ti Israel.

Isaias 49:23

Jini año' bʌ i ye'tel ti pañimil, reyob yic'ot i yijñamob, mi caj i cosañob che' bajche' i tatob. Mi caj i we'sañob. Mi caj i c'uchchocoñob i bʌ ti lum ti a tojlel. Mi caj i tijcañob i ts'ubeñal a woc. Che' jini mux caj a ña'tan Yumʌlon. Majqui jach mi' ñopon ma'anic mi' cajel ti quisin.

Isaias 49:26

Pejtel a contrajob mi caj cʌq'ueñob i wʌlʌc c'ux i bʌc'tal. Mi caj i yʌc'añob ti' japol i bajñel ch'ich'el. Pejtelel año' bʌ ti pañimil mi caj i ña'tañob joñon Yumʌlon. A waj coltayajon tsa' bʌ c mʌñʌyet. P'ʌtʌlon mu' bʌ j coltan Israel, che'en Dios.

Isaias 51:15

Joñon a Yum Dios, i Yumon Panchan yic'ot Pañimil. Jiñʌch j c'aba. Tsac t'oxo colem ñajb. Tsac tiquesʌbeyet bij ti ojlil wʌlʌcña bʌ ja'.

Isaias 60:16

Cabʌl reyob yic'ot cabʌl tejclum tac mi caj i yʌq'ueñetla i chubʌ'an cha'an mi la' ñaj'an ti pejtelel chuqui tac la' wom. Che' jini mi caj la' ña'tan Yumʌlon, la' waj Coltayajon tsa' bʌ c mʌñʌyetla. Joñon jach P'ʌtʌlon ti Israel.

Isaias 63:8

Tsa' wʌlʌ: C cha'añetla. Ma'anix mi caj la' chʌn cʌyon, che'et. Jini cha'an tsa' coltayon lojon.

Jeremias 30:22

Che' jini mi caj la' sujtel tic winicob x'ixicob. Joñon mi caj c sujtel ti la' Dios, che'en lac Yum.

Jeremias 31:33

Jiñʌch jini tsijib xuc'ul bʌ t'an mu' bʌ c mel yic'ot i p'olbal Israel, che'en lac Yum. Mi caj c ts'ijban c t'an ya' ti' pusic'alob. Che' jini mi caj i mulañob c t'an. Che' jini mero c cha'añʌch mi caj j q'uelob. Che' jini i Dioson.

Ezequiel 20:19

Come la' Yumon la' Dioson. Jini cha'an yom mi la' jac' pejtelel c t'an, che' bajche' tsaj cʌntesayetla.

Oseas 1:10

Pero tal i yorajlel che' mi caj i p'ojlelob israelob che' bajche' i yonlel i ji'il colem ñajb mach bʌ mejlic ti tsicol. Ti jim bʌ ora ma'anix mi caj c chʌn subeñob: “Mach c cha'añeticla”. Mi caj c pejcañob ti calobil: “I yalobilet bʌ la jini cuxul bʌ Dios”. Che' mi caj c subeñob.

Levitico 11:44

Come joñon la' Yumon, la' Dioson. Jini cha'an cʌntan la' bʌ cha'an mi la' wajñel ti ch'ujul, come ch'ujulon. Yom tsajiletla cha'an ma'anic mi la' pʌc' la' bʌ ti' chʌñil tac pañimil jexecña bʌ yic'ot tip'tip'ña bʌ mi' majlel tac ti lum.

Levitico 11:45

Come Yumʌlon. Tsac pʌyʌyetla loq'uel ti Egipto cha'an mi la' Diosiñon. Jini cha'an yom ch'ujuletla, come joñon ch'ujulon. Che' tsi' yʌlʌ lac Yum.

Zacarias 13:9

Che' jini mi caj cʌc'ob ti wocol i colojbal israelob cha'an mi' sʌq'uesʌntelob che' bajche' oro yic'ot plata. Che' jini mi caj i ch'ujutesañob j c'aba'. Joñon mi caj cubibeñob i t'an. Mi caj c pejcañob tic pi'ʌlob c'uxbibilo' bʌ c cha'an. Mi caj i pejcañoñob ti' Yum Dios. Che' tsi' yʌlʌ lac Yum.

Numeros 15:41

Joñoñʌch la' Yumon la' Dioson tsa' bʌ c loc'sayetla ti' lumal Egipto cha'an mi la' ch'ujutesañon. Come la' Yumon la' Dioson, che'en lac Yum Dios.

Mateo 22:32

Tsi' yʌlʌ: “Joñon I Dioson Abraham, I Dioson Isaac, I Dioson Jacob”, che'en. mach i Diosic chʌmeño' bʌ, pero i Diosʌch cuxulo' bʌ, che'en Jesús.

Romanos 8:31

¿Chuqui yom mi lac sub, che' jini? Mi woli' coltañonla Dios, ¿majqui mi mejlel i contrajiñonla?

Deuteronomio 14:2

Come ch'ujul bʌ i tejclumetla lac Yum Dios. Yajcʌbiletla i cha'an, cha'an mi la' wajñel ti ch'ujul ti' tojlel lac Yum. Mach che'iquetla bajche' yaño' bʌ tejclumob ti pañimil.

Deuteronomio 26:18

Tsa'ix i yʌc'ʌ i t'an lac Yum ja'el. Tsa'ix i yʌlʌ sajmʌl cha'an i tejclumet che' bajche' tsi' wʌn subeyet. Jini cha'an mi caj a jac'ben pejtel i mandar.

Deuteronomio 29:12

Wa'aletla wʌle cha'an mi la' ch'ʌm ti la' wenta jini xuc'ul bʌ t'an woli bʌ i wa'chocon ti la' tojlel lac Yum Dios.

Deuteronomio 29:13

Yomix i wa'chocoñetla ti' tejclum cha'an mi la' Diosin che' bajche' tsi' wʌn subeyetla, che' bajche' tsi' subeyob la' ñojte'elob, Abraham yic'ot Isaac yic'ot Jacob.

Deuteronomio 29:5

Cha'c'alix jab tsac pʌyʌyetla ñumel ti colem bʌ i tiquiñal pañimil. La' pislel maxto anic tsa' ñox'a. La' zapato maxto anic tsa' tsijli ti la' woc.

Deuteronomio 4:20

Pero lac Yum tsi' loc'sayetla ya' baqui tsa' la' cha'le wocol e'tel ti Egipto. Tsi' yajcayetla cha'an mi la' wajñel ti' tejclum lac Yum che' bajche' wʌle.

Deuteronomio 7:6

Jatetla ch'ujul bʌ tejclumetla i cha'an lac Yum Dios. Come lac Yum Dios tsa'ix i yajcayetla ti' tojlel pejtel winicob ti pejtelel lum cha'an mi' yotsañetla ti' cha'an bʌ c'uxbibil bʌ i cha'an.

Hebreos 11:16

Pero tsi' pijtayob jini ñumen wen bʌ i lumal am bʌ ti panchan. Jini cha'an ma'anic mi' cha'len quisin Dios che' mi' diosiñob, come tsa'ix i melbeyob i tejclum.

1 Pedro 2:10

Ti yambʌ ora mach i cha'añeticla Dios, pero wʌle i cha'añetla. Ti yambʌ ora ma'anic majch tsi' p'untayetla, pero wʌle tsa'ix i p'untayetla.

Apocalipsis 21:3

Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.

Apocalipsis 21:7

Jini mu' bʌ i mʌjlel i cha'an mi caj i ch'ʌm pejtelel chuqui tac an. Joñon i Dioson. Jini mi caj i yochel ti calobil.