Exodo 6:6 - Chol: I T’an Dios

⁶ Subeñob jini israelob: “La' Yumon. Mi caj c ju'sʌbeñetla la' cuch tsa' bʌ i yʌq'ueyetla jini egiptojob. Mi caj c loc'sañetla ti majtan e'tel ti' tojlelob. Mi caj j coltañetla ti cabʌl c p'ʌtʌlel yic'ot bʌbʌq'uen tac bʌ c melbal.

Chol de Tumbalá Bible

⁶ Subeñob jini israelob: “La' Yumon. Mi caj c ju'sʌbeñetla la' cuch tsa' bʌ i yʌq'ueyetla jini egiptojob. Mi caj c loc'sañetla ti majtan e'tel ti' tojlelob. Mi caj j coltañetla ti cabʌl c p'ʌtʌlel yic'ot bʌbʌq'uen tac bʌ c melbal.

Jiñi Tsiji' bʌ Wen T'añ cha'añ Estudio

⁶ Jiñi cha'añ, mic caj a su'beñob jiñi israelob: “Joñon Yumʌlon. Mi caj c loc'sañetla ti tsʌts bʌ la' we'tel tsa' bʌ i yʌq'ueyetla jiñi egiptojob, mi caj c cʌq'uetla ti colel ti majtañ e'tel ti' tojlelob yic'ot mi caj j coltañetla ti ca'bʌl c p'ʌtʌlel yic'ot toj bʌ c meloñel.

Exodo 6:6 Iomraidhean Croise

2 Reyob 17:36

Ch'ujutesañon, come la' Yumon tsa' bʌ c loc'sayetla ti Egipto ti cabʌl c p'ʌtʌlel. Bʌc'ñañon. Pulbeñon c majtan.

1 Cronicas 17:21

¿Am ba yambʌ tejclum ti pañimil che' bajche' a tejclum Israel? Tsa'ix a pʌyʌyob loq'uel ti Egipto cha'an ma' wʌc' ti tsictiyel a p'ʌtʌlel ti' tojlelob. Tsa'ix a jisayob jini año' bʌ ti Canaán che' bʌ tsa' chajpʌbeyob i tejclum a cha'año' bʌ.

Nehemias 1:10

Jiñobʌch a winicob, a tejclumob, tsa' bʌ a colta ti ñuc bʌ a p'ʌtʌlel che' bʌ tsa' loc'sayob ti Egipto.

Salmos 77:16

Dios, che' bʌ tsa' mʌñʌ i p'olbal Jacob ya' bʌ añob ti colem ñajb, Jini ja' tsi' q'ueleyet yilal. Lʌmuña tsi' ñijca i bʌ. Tsiltsilña tsi' mele i bʌ jini tam bʌ ja'.

Salmos 81:11

Pero c winicob x'ixicob ma'anic tsi' ch'ujbibeyon c t'an. Ts'a' tsi' q'ueleyoñob.

Salmos 81:6

Dios tsi' yʌlʌ: Tsac chucbe jubel i cuch ti' pat, Tsac chucbe jubel jini al bʌ chiquib jich'iye'el bʌ i cha'an.

Salmos 81:7

Jatet tsa' pejcayon che' woliyet ti wocol, tsa cʌc'ʌyet ti libre. Tsac jac'beyet ya' ti tocal ba' woli ti t'an chajc. Tsa quilʌbeyet a pusic'al ya' ti ja' i c'aba' Meriba.

Exodo 1:11

Jini cha'an tsi' wa'choco mayordomojob cha'an mi' tic'lañob ti al bʌ i cuch. Jini israelob tsi' melbeyob Faraón jini tejclum tac i c'aba' Pitón yic'ot Ramesés ba' mi' much'quiñob trigo.

Exodo 12:41

Che' bʌ ñumenix jumbajc' yic'ot lujump'ejl i cha'c'al jab, ti jini jach bʌ q'uin tsa' loq'uiyob ti' lumal egiptojob pejtelel i cha'año' bʌ lac Yum.

Exodo 12:51

Ti jini jach bʌ q'uin lac Yum tsi' pʌyʌ loq'uel israelob ti' lumal egiptojob ti mojt ti mojt.

Exodo 13:14

Tal i yorajlel che' mi caj i c'ajtibeñetla la' walobilob: “¿Chuqui i sujmlel jini?” Mi che'ob, mi caj la' jac': “Ti' p'ʌtʌlel lac Yum tsi' pʌyʌyonla loq'uel ti Egipto, ya' ba chuculonla ti wocol e'tel.

Exodo 13:16

Jiñʌch i yejtal cha'an i cha'anetla lac Yum, che' bajche' jump'ejl ejtalʌl am bʌ ti la' c'ʌb o ti la' pam cha'an mi la' chʌn ña'tan tsi' pʌyʌyetla loq'uel ti Egipto lac Yum”. Che'i mi caj la' jac'ben la' wa'lobilob, che'en Moisés.

Exodo 13:3

Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Exodo 15:13

Ti' yutslel a pusic'al tsa' pʌyʌ majlel a cha'año' bʌ mʌmbilo' bʌ a cha'an. Ti a p'ʌtʌlel tsa' pʌyʌyob majlel ba'an ch'ujul bʌ a chumlib.

Exodo 16:6

Jini cha'an Moisés yic'ot Aarón tsi' subeyob: Che' ti ic'ajel mi caj la' ña'tan jiñʌch lac Yum tsa' bʌ i pʌyʌyetla loq'uel ti Egipto.

Exodo 18:1

Jetro, jini motomaj ya' ti Madián, i ñij'al Moisés, tsi' yubi pejtelel jini ñuc tac bʌ tsa' bʌ i mele Dios cha'an mi' coltan Moisés yic'ot i cha'año' bʌ che' bʌ tsi' pʌyʌyob loq'uel ti Egipto.

Exodo 2:11

Che' ñuquix Moisés tsa' majli ti xʌmbal ti' tojlel i pi'ʌlob. Tsi' q'uele woliyob ti wocol cha'an al i cuch. Tsi' q'uele woli' jajts'el juntiquil hebreo i pi'ʌl bʌ cha'an juntiquil egipto.

Exodo 3:17

Mi cʌq'ueñetla c t'an. Mi caj c loc'sañetla ti Egipto ba' woliyetla ti wocol. Mi caj c pʌyetla ochel ti yambʌ lum, i lumal cananeojob yic'ot heteojob yic'ot amorreojob yic'ot ferezeojob yic'ot heveojob yic'ot jebuseojob, ba'an cabʌl lech yic'ot chab”, che'en. Che' yom ma' subeñob, che'en Dios.

Exodo 3:8

Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Exodo 32:11

Pero ti wocol t'an Moisés tsi' pejca lac Yum Dios: C Yum, mach yomic ma' pʌs a mich'ajel ti' tojlel a tejclum tsa' bʌ a loc'sa ti' lumal Egipto ti a p'ʌtʌlel.

Exodo 6:2

Dios tsi' sube ja'el: Joñon a Yumon.

Exodo 6:29

tsi' yʌlʌ: Joñon a Yumon. Suben Faraón, rey bʌ ti Egipto, pejtel mu' bʌ c subeñet, che'en.

Exodo 6:8

Mi caj c pʌyetla ochel ti jini lum tsa' bʌ cʌq'ueyob Abraham yic'ot Isaac yic'ot Jacob che' bajche' tsac subeyob. Mi caj cʌq'ueñetla come la' Yumon”. Che' yom ma' subeñob, che'en lac Yum.

Exodo 7:4

ma'anic mi caj i ñich'tan a t'an. Jini cha'an joñon mi caj c ju'sʌbeñob i pusic'al egiptojob. Mi caj c loc'san ti' lumal Egipto jini israelob, come c cha'añob ti mojt ti mojt. Mi caj c pʌsbeñob bʌbʌq'uen tac bʌ c melbal.

Exodo 7:5

Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Isaias 9:17

Jini cha'an lac Yum ma'anic mi' p'untan jini ch'iton winicob. Ma'anic mi' p'untan meba' x'ixicob yic'ot meba' alʌlob, come ti pejtelelob mi' cha'leñob lot. Leco jax i t'an. Jini cha'an maxto lajmic i mich'ajel lac Yum. Sʌts'ʌl to i c'ʌb cha'an mi' contrajiñob.

Isaias 9:21

Manasés yic'ot Efraín mi caj i contrajiñob i bʌ. Ti cha'mojtlel mi caj i contrajiñob Judá. Anquese cabʌl mi' p'ojlel i wocol, mach lajmic i mich'ajel lac Yum. Sʌts'ʌl to i c'ʌb cha'an mi' tic'lañob.

Jeremias 21:5

Tic bajñel p'ʌtʌlel mi caj j contrajiñetla. Mi caj c jats'etla ti cabʌl c mich'ajel cha'an wen mich'on.

Jeremias 27:5

Joñon tsac mele pañimil. Tsac mele pejtel winicob ti pañimil yic'ot bʌte'el. Lu' c melbalʌch cha'an cabʌl c p'ʌtʌlel. Mi cʌq'uen i p'ʌtʌlel majqui jach com.

Jeremias 32:21

Tsa' loc'sa ti Egipto a tejclum Israel. Tsa' bʌc'tesa winicob che' bʌ tsa' pʌsʌ i yejtal tac a p'ʌtʌlel.

Ezequiel 20:33

Pero isujm mic subeñetla, cha'an tic p'ʌtʌlel yic'ot cha'an tic mich'ajel, mi caj c wersa cha'len yumʌl ti la' tojlel.

Hechos 13:17

I Dios israelob tsi' yajca lac ñojte'el. Tsi' yʌq'ueyob i ñuclel che' ya' añob ti' lumal Egipto mach bʌ i cha'añobic. Tsi' pʌyʌyob loq'uel ti Egipto ti' p'ʌtʌlel i c'ʌb.

Deuteronomio 11:2

La' wujilix bajche' tsi' ju'sʌbeyetla la' pusic'al jini lac Yum Dios, pero maxto anic tsi' yubiyob la' walobilob i ju'sʌntel i pusic'al. Cʌmbil la' cha'an i ñuclel lac Yum yic'ot i p'ʌtʌlel yic'ot i yejtal i p'ʌtʌlel.

Deuteronomio 15:15

Yom mi la' ña'tan bajche' añetla ti yambʌ ora che' añetla ti la' yum ti Egipto, pero lac yum Dios tsi' loc'sayetla. Jini cha'an wersa yom ma' jac' ili mandar.

Deuteronomio 26:8

Jini cha'an lac Yum tsi' loc'sayonla ti Egipto ti ñuc bʌ i p'ʌtʌlel. I bajñel tsi' coltayonla yic'ot bʌbʌq'uen tac bʌ i yejtal i p'ʌtʌlel tsa' bʌ i pʌsbeyonla.

Deuteronomio 4:23

Jini cha'an yom wen tsajiletla cha'an ma'anic mi' ñajʌyel la' cha'an i t'an lac Yum Dios tsa' bʌ i yʌq'ueyetla. Mach mi la' mel i yejtal tac, come lac Yum Dios tsa'ix i tiq'uiyetla.

Deuteronomio 4:34

¿Tsa' ba tili yambʌ dios i coltan winicob che' bajche' tsi' coltayonla lac Yum Dios? Tsi' pʌsʌ i p'ʌtʌlel ti lac tojlel che' bʌ tsi' pʌyʌyonla loq'uel ti' p'ʌtʌlel laj contrajob. Tsi' yotsayonla ti' cha'an bʌ. Tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ yic'ot tsʌts tac bʌ ti la' tojlel che' bʌ tsi' loc'sayetla ti Egipto.

Deuteronomio 5:15

Yom ma' ña'tan mozojet ti yambʌ ora ti' lumal Egipto, pero lac Yum Dios tsi' loc'sayet yic'ot pejtelel i p'ʌtʌlel. Jini cha'an lac Yum Dios mi' wersa subeñet cha'an ma' c'aj a wo.

Deuteronomio 6:12

Tsajaletme la che' jini ame ñajʌyic la' cha'an lac Yum tsa' bʌ i loc'sayetla ti' lumal Egipto ba'an majtan e'tel.

Deuteronomio 7:19

Q'uelelix lac cha'an jini bʌbʌq'uen tac bʌ i yejtal tac bʌ i p'ʌtʌlel Dios, yic'ot jini ñuc tac bʌ i p'ʌtʌlel tsa' bʌ i c'ʌñʌ che' bʌ tsi' loc'sayonla ti Egipto. Che'ʌch mi caj i melbeñetla lac Yum ti' tojlel jini tejclum tac mu' bʌ la' bʌc'ñan.

Deuteronomio 7:8

Pero cha'an jach tsi' c'uxbiyetla lac Yum tsi' yajcayetla cha'an mi' ts'ʌctesan i t'an tsa' bʌ i wʌn subeyob la' ñojte'el. Jini cha'an lac Yum tsi' c'ʌñʌ i p'ʌtʌlel cha'an mi' loc'sañetla baqui woliyetla ti majtan e'tel ti yambʌ ora ti' tojlel jini rey Faraón ti Egipto.

Deuteronomio 9:29

Pero a cha'añobʌch jini israelob, yajcʌbilo' bʌ a cha'an. Tsa' loc'sayob ti Egipto cha'an cʌbʌl a p'ʌtʌlel. Tsa' pʌsbeyob i yejtal tac a p'ʌtʌlel, cho'on tsac pejca Dios.