Exodo 6:12 - Chol: I T’an Dios

¹² Pero Moisés tsi' sube lac Yum: Ma'anic tsi' jac'beyoñob jini israelob. ¿Bajche' mi' caj i jac'on Faraón? Mach wen cujilic t'an, che'en.

Chol de Tumbalá Bible

¹² Pero Moisés tsi' sube lac Yum: Ma'anic tsi' jac'beyoñob jini israelob. ¿Bajche' mi' caj i jac'on Faraón? Mach wen cujilic t'an, che'en.

Jiñi Tsiji' bʌ Wen T'añ cha'añ Estudio

¹² Pero Moisés tsi' jac'be lac Yum: —Jiñi israelob ma'añic mi' yu'biñob c t'añ, ¿bajche' mi' caj i yu'bibeñon c t'añ faraón che' mach wen cujilic t'añ?

Exodo 6:12 Iomraidhean Croise

Exodo 3:11

Pero Moisés tsi' sube Dios: ¿Chuqui to j cʌjñibal? Ma'anic cabʌl c ña'tʌbal. ¿Mu' ba mejlel c majlel joñon ba'an Faraón cha'an mic pʌy loq'uel ti Egipto jini israelob? Mach mejlicon, che'en.

Exodo 3:13

Moisés tsi' sube: Che' mij c'otel ba'an israelob, che' mic subeñob: “Tsa'ix i chocoyon tilel i Dios la' tat”, mi caj i yʌlob: “¿Chuqui i c'aba'?” Mi che'ob, ¿bajche' yom mic jac'beñob? che'en.

Exodo 4:1

Moisés tsi' yʌlʌ: Ma'anic mi caj i ñopoñob. Mi caj i yʌlob: “Mach isujmic. Ma'anic tsi' pʌsʌ i bʌ lac Yum ba' añet”. Che' mi caj i yʌlob, che'en Moisés.

Exodo 4:10

Moisés tsi' sube lac Yum: A winicon. C'ʌlʌl che' ch'itoñon to mach wen cujilic t'an anquese wola' pejcañon. C'unte' mic cha'len t'an. Wocol mi' loq'uel c t'an, che'en.

Exodo 6:13

Lac Yum tsi' pejca Moisés yic'ot Aarón. Tsi' subeyob bajche' yom mi' cha' subeñob israelob yic'ot Faraón jini rey ti Egipto cha'an mi' yʌc'ob ti loq'uel israelob ya' ti Egipto.

Exodo 6:30

Moisés tsi' jac'ʌ lac Yum: Mach wen cujilic t'an. ¿Bajche' mi' caj i ñich'tañon Faraón? che'en.

Exodo 6:9

Moisés tsi' laj subeyob israelob, pero ma'anic tsi' jac'ʌyob come wen wocol jax woli yubiñob jini tsʌts bʌ e'tel.

Isaias 6:5

Joñon tsa cʌlʌ: Obol jax c bʌ come sajtemon. Come tsa'ix j q'uele tic wut c Rey, i Yum Panchan yic'ot Pañimil. Xmulilon, bibi' c t'an, tem chumulon quic'ot winicob bibi' bʌ i t'an, cho'on.

Jeremias 1:6

Tsa cʌlʌ: Mach mejlicon, c Yum Dios. Mach cujilic t'an. Maxto anic c jabilel, ch'o'ch'ocon to, cho'on.

Jeremias 6:10

¿Majqui mi caj c pejcan? ¿Majqui yom i yubin c t'an? Awilan laj mʌcʌlob i chiquin. Jini cha'an ma'anic mi' ch'ʌmbeñob isujm. Ts'a' mi' yubiñob c t'an i wenta a'leya. Leco mi' yubiñob.

Jeremias 9:26

Egipto, Edom, i yalobilob Amón yic'ot Moab yic'ot jini arabob chumulo' bʌ ti tiquin bʌ lum yic'ot ja'el jini año' bʌ ti Judá. Come junlajalob pejtelel ili tejclum tac mach bʌ anic mi' tsepob i pʌchʌlel. Pero jatet Judá, ma'anic ma' tsep a pusic'al cha'an ma' c'uxbiñon. Lolom jach ma' tsep a pʌchʌlel.

Levitico 26:41

Jini cha'an tsac ts'a'leyob. Tsa cʌc'ʌyob ti jisʌntel ti' tojlel i contrajob. Mi che' jini mi' peq'uesañob i bʌ che' mic ju'sʌbeñob i pusic'al yic'ot wocol,

Hechos 7:51

Tsʌtsatax la' pusic'al. Mach sʌq'uesʌbilic la' pusic'al. Mʌcʌl la' chiquin. Ti pejtelel ora jatetla mi la' mʌctan jini Ch'ujul bʌ Espíritu. Che' bajche' tsi' mele la' ñojte'el, che' ja'el mi la' mel jatetla.

Deuteronomio 30:6

Lac Yum Dios mi caj i sʌq'uesan a pusic'al yic'ot i pusic'al a walobilob i wentajʌch tsep pʌchʌlel, che' ma' c'uxbin lac Yum Dios ti pejtelel a pusic'al, yic'ot ti pejtelel a ña'tʌbal, cha'an ma' taj a cuxtilel.