Exodo 6:1 - Chol: I T’an Dios

¹ Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Chol de Tumbalá Bible

¹ Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Jiñi Tsiji' bʌ Wen T'añ cha'añ Estudio

¹ Lac Yum tsi' jac'be Moisés: —Wʌle mi caj a q'uel chuqui mi caj c mel ti' tojlel faraón, come ti' p'ʌtʌlel j c'ʌb wersa mi caj i chocob loq'uel, mi caj i wets'ob loq'uel ti' lumal.

Exodo 6:1 Iomraidhean Croise

2 Reyob 7:19

Jini am bʌ i ye'tel cha'an mi' coltan jini rey tsi' jac'ʌ, pero ma'anic tsi' ñopo. Tsi' yʌlʌ: “Muq'uic i yʌc' i t'an lac Yum ti panchan cha'an mi' yujtel che' bajche' jini, mach ts'ʌctiyic”, che'en. Pero Eliseo tsi' sube: “Mu'to caj a q'uel che' mi' yujtel, pero jatet ma'anix mi caj a c'ux”, che'en.

2 Reyob 7:2

Juntiquil am bʌ i ye'tel mu' bʌ i coltan jini rey tsi' sube i winic Dios: A lot. Muq'uic i yʌc' i t'an lac Yum ti panchan cha'an mi' yujtel che' bajche' jini, mach ts'ʌctiyic, che'en. Eliseo tsi' sube: Mu'to caj a q'uel che' mi' yujtel, pero jatet ma'anic mi caj a c'ux, che'en.

2 Cronicas 20:17

Ti ili guerra ma'anic mi caj la' cha'len leto. Che' jach wa'aletla yom. Ajñenla ti ñʌch'ʌl. Pijtan la' coltʌntel, come wʌ'an lac Yum la' wic'ot. Winicob ti Judá yic'ot ti Jerusalén, mach mi la' cha'len bʌq'uen. Mach mi la' mel la' pusic'al. Ijc'ʌl che' ti sʌc'ajel cucula ti guerra ti' tojel i wut, come joñon mi caj c majlel la' wic'ot”, che'en lac Yum. Che' tsi' yʌlʌ Jahaziel.

Salmos 12:5

Lac Yum woli ti t'an: Woli' tic'lʌntelob jini p'ump'uño' bʌ. Woliyob ti wocol jini mach bʌ añobic i chubʌ'an. Jini cha'an mux caj c tech meloñel. Mi caj cʌc' jini tic'lʌbilo' bʌ ba' xuc'ul mi' yajñelob che' bajche' yomob i pusic'al, che'en.

Salmos 12:6

Sʌcʌch i t'an lac Yum. Che' yilal bajche' tsucul taq'uin tsa' bʌ puli wucyajl ti c'ajc.

Salmos 136:12

Tsi' loc'sayob ti' tojlel i contrajob ti p'ʌtʌl bʌ i c'ʌb. Come ti pejtelel ora an i yutslel i pusic'al.

Salmos 89:13

Cabʌlʌch i p'ʌtʌlel a c'ʌb, cabʌlʌch a melbal. Ma'anic i p'isol a p'ʌtʌlel.

Exodo 11:1

Lac Yum tsi' sube Moisés: An to yom junyajl mic tic'lan Faraón yic'ot egiptojob. Ti wi'il mi caj i choquetla majlel. Che' mi' choquetla majlel, mi caj i wets'etla loq'uel ti junyajlel.

Exodo 12:31

Tsi' chocbeyob t'an Moisés yic'ot Aarón ti ac'ʌlel. Tsi' yʌlʌ: Ch'ojyenla. Loq'uenla ti' tojlel egiptojob, jatetla la' wic'ot jini israelob. Cucula, ch'ujutesan la' Yum che' bajche' tsa' la' wʌlʌ.

Exodo 12:33

Jini egiptojob tsi' subeyob loq'uel ti' lumal ti ora, come tsi' yʌlʌyob: Ame laj chʌmicon lojon tic pejtelel, che'ob.

Exodo 12:39

Jini sa' tsi' meleyob ti waj che' ma'anic i levadurajlel, come ma'anic i levadurajlel che' bʌ tsa' chojquiyob loq'uel ti Egipto. Ma'anic tsa' mejli i jal'anob ti' yotot. Jini cha'an mach tic'anic tsi' ch'ʌmʌyob majlel ti bij.

Exodo 13:14

Tal i yorajlel che' mi caj i c'ajtibeñetla la' walobilob: “¿Chuqui i sujmlel jini?” Mi che'ob, mi caj la' jac': “Ti' p'ʌtʌlel lac Yum tsi' pʌyʌyonla loq'uel ti Egipto, ya' ba chuculonla ti wocol e'tel.

Exodo 13:16

Jiñʌch i yejtal cha'an i cha'anetla lac Yum, che' bajche' jump'ejl ejtalʌl am bʌ ti la' c'ʌb o ti la' pam cha'an mi la' chʌn ña'tan tsi' pʌyʌyetla loq'uel ti Egipto lac Yum”. Che'i mi caj la' jac'ben la' wa'lobilob, che'en Moisés.

Exodo 13:3

Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Exodo 13:9

Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Exodo 14:13

Moisés tsi' subeyob: Mach la' cha'len bʌq'uen. Ch'ejl'esan la' bʌ. Q'uelela bajche' mi caj i coltañet lac Yum wʌle. Come ma'anix mi caj la' chʌn q'uel jini egiptojob woli bʌ la' q'uel wʌle.

Exodo 15:6

C Yum, mi' wen tsictiyel i ñuclel a p'ʌtʌlel. C Yum, tsa' jili a contra cha'an ti a p'ʌtʌlel.

Exodo 7:4

ma'anic mi caj i ñich'tan a t'an. Jini cha'an joñon mi caj c ju'sʌbeñob i pusic'al egiptojob. Mi caj c loc'san ti' lumal Egipto jini israelob, come c cha'añob ti mojt ti mojt. Mi caj c pʌsbeñob bʌbʌq'uen tac bʌ c melbal.

Exodo 7:5

Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Isaias 63:12

¿Baqui an jini tsa' bʌ i t'oxo jini colem ñajb ti ñuc bʌ i p'ʌtʌlel che' bʌ tsi' sʌts'ʌ i c'ʌb Moisés? Che' jini tsi' yʌc'ʌ i bʌ ti cʌjñel cha'an mi' ña'tʌntel ti pejtelel ora.

Numeros 11:23

Lac Yum tsi' sube Moisés: ¿Tsa'ix ba jili c p'ʌtʌlel? Mu' to a q'uel mi ma'anic mi' ts'ʌctiyel c t'an, che'en lac Yum Dios.

Numeros 23:23

Ma'anic xwujtob mu' bʌ mejlel i contrajiñob Jacob. Ma'anic jini payxo x'alt'añob mu' bʌ mejlel i p'ajob. Mux caj i tsictiyel, Dios mi' contrajin xjontolilob ti ñuc bʌ i p'ʌtʌlel.

Hechos 13:17

I Dios israelob tsi' yajca lac ñojte'el. Tsi' yʌq'ueyob i ñuclel che' ya' añob ti' lumal Egipto mach bʌ i cha'añobic. Tsi' pʌyʌyob loq'uel ti Egipto ti' p'ʌtʌlel i c'ʌb.

Deuteronomio 32:39

Q'uelela. Joñon la' Dioson. Joñon jach, ma'anic yambʌ. Joñon mi cʌq'uetla ti chʌmel. Joñon mi cʌq'ueñetla la' cuxtʌlel. Mic lowetla, mic cha' lajmesañetla. Ma'anic majqui mi mejlel i loc'sañetla tic p'ʌtʌlel.

Deuteronomio 4:34

¿Tsa' ba tili yambʌ dios i coltan winicob che' bajche' tsi' coltayonla lac Yum Dios? Tsi' pʌsʌ i p'ʌtʌlel ti lac tojlel che' bʌ tsi' pʌyʌyonla loq'uel ti' p'ʌtʌlel laj contrajob. Tsi' yotsayonla ti' cha'an bʌ. Tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ yic'ot tsʌts tac bʌ ti la' tojlel che' bʌ tsi' loc'sayetla ti Egipto.