Exodo 5:6 - Chol: I T’an Dios

⁶ Ti jini jach bʌ q'uin Faraón tsi' yʌq'ueyob mandar jini mayordomojob yic'ot caporalob:

Chol de Tumbalá Bible

⁶ Ti jini jach bʌ q'uin Faraón tsi' yʌq'ueyob mandar jini mayordomojob yic'ot caporalob:

Jiñi Tsiji' bʌ Wen T'añ cha'añ Estudio

⁶ Ti jiñi jach bʌ q'uiñ faraón tsi' yʌq'ueyob mandar jiñi xq'uel e'telob i cha'añ faraón yic'ot jiñi xq'uel e'telob israelo' bʌ:

Exodo 5:6 Iomraidhean Croise

2 Cronicas 26:11

Uzías tsi' t'oxo soldadojob ti mojt ti mojt. Tsi' yotsa ti' wenta Jeiel jini sts'ijbaya yic'ot Maasías i yaj coltaya cha'an mi' xic'ob winicob cha'an mi' yochelob ti soldado. Jini ñuc bʌ i yum soldado jiñʌch Hananías.

Exodo 1:11

Jini cha'an tsi' wa'choco mayordomojob cha'an mi' tic'lañob ti al bʌ i cuch. Jini israelob tsi' melbeyob Faraón jini tejclum tac i c'aba' Pitón yic'ot Ramesés ba' mi' much'quiñob trigo.

Exodo 3:7

Lac Yum tsi' yʌlʌ: Tsa'ix j q'uelbe i wocol c winicob x'ixicob ti Egipto. Tsa'ix cubibe i yoñel cha'an jini xic' e'telob. Cʌmbil c cha'an i wocol.

Exodo 5:10

Che' jini, jini mayordomojob yic'ot caporalob tsa' majli i subeñob x'e'telob: Faraón tsi' yʌlʌ: “Ma'anix mi caj la' wʌq'uentel jam.

Exodo 5:19

Jini caporalob cha'an israelob tsi' p'isiyob ti wenta cabʌl jax i wocol cha'an tsa' subentiyob wersa mi caj i melob i yonlel i tsicol ladrillo che' bajche' ti yambʌ ora.

Exodo 5:7

Ma'anix mi caj la' wʌq'ueñob jam jini x'e'telob woli bʌ i melob ladrillo. La' i bajñel tempañob tilel jam.

Proverbios 12:10

Jini tojo' bʌ mi' cʌntañob i yʌlac' mu' bʌ ti xʌmbal ti pam otot, pero mach yujilic p'untaya jini xjontolil. Jontol jax i pusic'al.

Numeros 11:16

Jini cha'an lac Yum tsi' sube Moisés: Tempan lujuntiquil i chʌnc'al (70) winicob a cʌñʌyo' bʌ, ñoxobix bʌ ti' tojlel israelob año' bʌ i ye'tel. Pʌyʌyob tilel ti' ti' jini Tabernáculo. La' tem wa'lecob a wic'ot ya'i.

Deuteronomio 1:15

Jini cha'an tsac pʌyʌ jini ñuc taco' bʌ i ye'tel ti la' tojlel año' bʌ cabʌl i ña'tʌbal. Tsac wa'chocoyob ti' ye'tel cha'an mi' cʌntañob winicob. An tsa' bʌ i tajayob ti mil tac ti jujunmojt, yic'ot ti jo'jo'c'al tac, yic'ot ti lujuntiquil tac i yuxc'al, yic'ot ti lujuntiquil tac.

Deuteronomio 16:18

Yom mi la' wa'chocon jini juezob yic'ot año' bʌ i ye'tel ti pejtelel la' tejclum tac mu' bʌ caj i yʌq'ueñetla lac Yum Dios. Aq'ueñob i ye'tel ti meloñel cha'an mi' melob i pi'ʌlob ti toj.

Josue 24:1

Josué tsi' pʌyʌ tilel pejtelel jini israelob cha'an mi' tempañob i bʌ ya' ti Siquem. Tsi' pʌyʌ tilel jini año' bʌ i ye'tel yic'ot tatʌlob ti Israel yic'ot juezob yic'ot jini wa'chocobilo' bʌ. Tsa' ajñiyob ti' tojlel Dios.

Josue 24:4

Tsa cʌq'ue Isaac jini Jacob yic'ot Esaú. Tsa cʌq'ue Esaú jini wits tac i c'aba' Seir cha'an mi' ch'ʌm ti wenta. Pero Jacob yic'ot i yalobilob tsa' jubiyob majlel ti Egipto.

Josue 8:33

Ya' wa'alob pejtelel israelob, jini xñoxob yic'ot año' bʌ i ye'tel ti jujunwejl jini Arca ti' tojel i wut jini motomajob yic'ot levíjob mu' bʌ i q'uechob majlel jini Arca ba' lotol jini Xuc'ul bʌ i T'an lac Yum. Ya' añob ja'el jini ñajt bʌ ch'oyolob tsa' bʌ tiliyob ti chumtʌl ti' tojlelob. Lamital ya' añob ti yebal wits i c'aba' Gerizim. Yaño' bʌ ya' añob ti yebal wits i c'aba' Ebal. Che'ʌch tsi' meleyob cha'an mi' ts'ʌctesañob i mandar Moisés i winic lac Yum cha'an mi' yʌq'uentelob i yutslel i t'an lac Yum.