Exodo 5:3 - Chol: I T’an Dios

³ Tsi' yʌlʌyob: I Dios hebreojob tsi' pejcayon lojon. Jini cha'an wersa mic majlel lojon uxp'ejl q'uin xʌmbal ya' ti colem bʌ i tiquiñal lum. Mi caj cʌq'uen lojon tsʌnsʌbil bʌ i majtan c Yum Dios, ame i tsʌnsañon lojon ti c'amʌjel yic'ot ti guerra, che'ob.

Chol de Tumbalá Bible

³ Tsi' yʌlʌyob: I Dios hebreojob tsi' pejcayon lojon. Jini cha'an wersa mic majlel lojon uxp'ejl q'uin xʌmbal ya' ti colem bʌ i tiquiñal lum. Mi caj cʌq'uen lojon tsʌnsʌbil bʌ i majtan c Yum Dios, ame i tsʌnsañon lojon ti c'amʌjel yic'ot ti guerra, che'ob.

Jiñi Tsiji' bʌ Wen T'añ cha'añ Estudio

³ Tsi' yʌlʌyob: —I Dios hebreojob tsi' pejcayon lojon. Jiñi cha'añ wersa mic majlel lojon uxp'ejl q'uiñ xʌmbal ya' ti colem bʌ i tiquiñal pañimil. Mi caj cʌq'uen lojon tsʌnsʌbil bʌ i majtañ c Yum Dios, ame i tsʌnsañon lojon ti c'am-ʌjel yic'ot ti guerra.

Exodo 5:3 Iomraidhean Croise

2 Reyob 17:25

Che' bʌ tsa' cajiyob ti chumtʌl ya'i, ma'anic tsi' ch'ujutesayob lac Yum. Jini cha'an tsi' choco tilel bajlum ti' tojlelob cha'an mi' lamital jisañob.

2 Cronicas 30:8

Mach la' tsʌts'esan la' pusic'al che' bajche' la' ñojte'elob. Ac'ʌ la' bʌ ti' wenta lac Yum. Yom mi la' tilel ti jini ch'ujul bʌ Templo i cha'an ti pejtelel ora. Ch'ujutesanla lac Yum Dios cha'an mi' lajmel i mich'ajel ti la' tojlel.

Esdras 7:23

Chuqui tac jach yom jini Dios ti panchan, la' mejlic ti ora ya' ti Templo, ame muq'uic i mich'leñon temel quic'ot calobilob mi mach wen melbilic.

Exodo 3:18

Mi caj i jac'ob a t'an. Jatet yic'ot jini ñoxo' bʌ israelob mi caj la' majlel ba'an jini rey ti Egipto. Mi caj la' suben: “C Yum lojon, i Dios hebreojob, tsa'ix tili i pejcañon lojon. Jini cha'an mij c'ajtibeñet lojon ti wocol t'an: La' majlicon lojon uxp'ejl q'uin ya' ti colem bʌ i tiquiñal pañimil cha'an mic ch'ujutesan lojon c Yum Dios”. Che' yom mi la' suben.

Exodo 7:16

Suben Faraón: “C Yum lojon, i Dios hebreojob, tsi' chocoyon tilel ba' añet. Tsi' yʌlʌ: La' majlicob jini winicob x'ixicob c cha'año' bʌ cha'an mi' ch'ujutesañoñob ya' ti colem bʌ i tiquiñal pañimil, che'en. Pero maxto anic tsa' jac'ʌ.

Exodo 8:1

Lac Yum tsi' sube Moisés: Cucu ba'an Faraón. Suben: “Lac Yum woli' yʌl: La' majlicob winicob x'ixicob c cha'año' bʌ cha'an mi' ch'ujutesañoñob.

Exodo 8:20

Lac Yum tsi' sube Moisés: Ch'ojyen ti sʌc'ajel. Cucu pejcan Faraón che' mi' majlel ti ja'. Suben: “Lac Yum woli yʌl: La' majlicob jini winicob x'ixicob c cha'año' bʌ cha'an mi' ch'ujutesañoñob.

Exodo 8:27

Wersa mic majlel lojon uxp'ejl q'uin xʌmbal ti colem bʌ i tiquiñal lum cha'an mi cʌq'uen lojon tsʌnsʌbil bʌ i majtan c Yum lojon Dios che' bajche' mi caj i subeñon lojon, che'en.

Ezequiel 6:11

Lac Yum Dios tsi' yʌlʌ: Pʌsʌ a c'ʌb, jats'ʌ a woc cha'an mi' ñich'tañob. Subeñob: “Mi caj i tajetla wocol cha'an pejtelel la' jontolil. Mi caj i jilelob israelob ti guerra, yic'ot ti wi'ñal, yic'ot ti jontol bʌ c'amʌjel.

Levitico 26:25

Mi caj ti jisañetla espada cha'an ti caj tsa' la' ñusʌbeyon c t'an. Anquese mi la' lon ña'tan la' coltan la' bʌ ya' ti la' tejclum tac, ya'i mi caj cʌq'ueñetla leco bʌ la' c'amʌjel. Wersa mi caj i jisañetla jini la' contrajob.

Deuteronomio 28:21

Lac Yum mi caj i choc tilel cabʌl chʌmel ti a tojlel c'ʌlʌl jinto ma' sʌc jilel ya' ti lum baqui ma' majlel ti chumtʌl.