Exodo 5:2 - Chol: I T’an Dios

² Faraón tsi' c'ajtibeyob: ¿Majqui la' Yum? ¿Chucoch mic lon ñopben i t'an cha'an mic chocob majlel? Mach cʌmbilic c cha'an la' Yum. Ma'anic mi caj c choc majlel jini israelob, che'en.

Chol de Tumbalá Bible

² Faraón tsi' c'ajtibeyob: ¿Majqui la' Yum? ¿Chucoch mic lon ñopben i t'an cha'an mic chocob majlel? Mach cʌmbilic c cha'an la' Yum. Ma'anic mi caj c choc majlel jini israelob, che'en.

Jiñi Tsiji' bʌ Wen T'añ cha'añ Estudio

² Pero jiñi faraón tsi' jac'ʌ: —¿Majqui jiñi la' Yum? ¿Chucoch yom mic ñopben i t'añ cha'añ mic chocob majlel? Mach cʌmbilic c cha'añ la' Yum. Ma'añic mi caj c choc majlel jiñi israelob.

Exodo 5:2 Iomraidhean Croise

2 Reyob 18:35

Ti pejtelel i diosob ma'anic mi juntiquilic ti pañimil tsa' bʌ mejli i coltan i winicob che' bʌ tsac chilbeyob i lum. La' Yum ja'el mach mejlic i coltan Jerusalén”, che'en.

2 Cronicas 32:14

Ma'anic mi juntiquilic dios ti pañimil tsa' bʌ mejli i jisañon lojon mi junyajlic. Mach mi la' lon ña'tan mi caj i coltañetla la' dios.

2 Cronicas 32:15

Jini cha'an mach la' jac'ben i t'an Ezequías, come woli' lotiñetla. Mach la' ñopben i lot, come ma'anic dios ti pañimil mu' bʌ mejlel i coltan loq'uel i winicob tij c'ʌb lojon, yic'ot ti' c'ʌb c ñojte'el lojon. Cojco jini la' Dios, mach mejlic i coltañetla tij c'ʌb lojon, yic'ot ti' c'ʌb c ñojte'el lojon”, che'en Senaquerib. Che' tsi' yʌlʌyob jini chocbilo' bʌ tilel.

2 Cronicas 32:19

Tsi' lon ña'tayob lajal i Dios Jerusalén bajche' jini diosob ti pañimil melbil bʌ cha'an winicob.

Nehemias 9:10

Tsa' pʌsbe Faraón ñuc bʌ i yejtal a p'ʌtʌlel yic'ot bʌbʌq'uen tac bʌ che' bʌ tsa' wʌc'ʌ ti wocol yic'ot i winicob yic'ot pejtel año' bʌ ti' lumal. Come tsa' ña'ta bajche' tsi' contrajiyob c ñojte'el lojon che' bʌ tsi' chañ'esayob i bʌ. Jini cha'an tsa' pʌsbeyob a p'ʌtʌlel cha'an mi' cʌñetob che' bajche' mij cʌñet lojon wʌle.

Job 15:25

Tsi' sʌts'ʌ i c'ʌb i contrajin Dios. Tsi' ts'a'le jini mach bʌ p'isbilic i p'ʌtʌlel.

Job 15:26

Tsʌts tsi' yʌc'ʌ i bic'. Chucul i cha'an i mʌctijib, tsi' choco i bʌ ti' contra Dios.

Job 21:15

¿Majqui jini P'ʌtʌl bʌ Mach bʌ Anic I P'isol I P'ʌtʌlel? ¿Chucoch yom mic ch'ujutesan lojon? ¿Chuqui mi caj lac taj ti Dios?” che'ob.

Salmos 10:4

Jini jontol bʌ ma'anic mi' sʌclan Dios come mi' chañ'esan i bʌ, Mi' lon al ti' pusic'al ma'anic Dios.

Salmos 12:4

Mi' yʌlob: Ch'ejlonla. Mi mejlel lac mʌl ti lac t'an. Ñuconla, cabʌl i p'ʌtʌlel lac t'an. ¿Majqui lac yum? lon che'ob.

Salmos 12:5

Lac Yum woli ti t'an: Woli' tic'lʌntelob jini p'ump'uño' bʌ. Woliyob ti wocol jini mach bʌ añobic i chubʌ'an. Jini cha'an mux caj c tech meloñel. Mi caj cʌc' jini tic'lʌbilo' bʌ ba' xuc'ul mi' yajñelob che' bajche' yomob i pusic'al, che'en.

Salmos 14:1

Jini tontojo' bʌ mi' lon alob ti' pusic'al: Ma'anic Dios, che'ob. Sojquemob jax, leco jax i melbalob. Ma'anic mi juntiquilic mu' bʌ i mel chuqui uts'at.

Exodo 3:19

Cujil ma'anic mi caj i yʌc' permiso jini rey jinto tsa'ix c pʌsbe c p'ʌtʌlel.

Exodo 7:17

Jini cha'an lac Yum woli' yʌl: Mux caj a ña'tan joñon Yumʌlon che' mi' jats' jini ja' Nilo jini c winic Moisés”. Che' mi caj a suben Faraón. Mi caj a c'ʌn ili barate' chucul bʌ a cha'an. Jini ja' mi caj i pʌntiyel ti ch'ich'.

Proverbios 30:9

ame c ñusañet che' ñajonix, ame c sub ¿bac'an tsiquil lac Yum? ame cho'onic, ame cajicon ti xujch' mi pobrejon, ame c p'ajben i c'aba' lac Dios.

Jeremias 42:13

Pero mi mach la' womic la' jac'ben i t'an la' Yum Dios, mi ma'anic mi la' cʌytʌl ti ili lum,

Jeremias 48:26

La' i cha'len yʌc'ajel. La' i ñolq'uin i bʌ ti' xej. La' wajlentic, come chan tsi' mele i bʌ ti' tojlel lac Yum.

Daniel 3:15

Ma'anic chuqui mi caj c tumbeñetla wʌle mi chajpʌbiletixla cha'an mi la' ñoctʌl. Che' mi' cha' jajts'el jini música tac, yom mi la' ch'ujutesan i yejtal winic tsa' bʌ c wa'choco. Pero mi ma'anic mi la' ch'ujutesan, mi caj la' chojquel ochel ti' yajñib c'ajc woli bʌ ti lejmel. Che' jini, ¿majqui jini dios mu' bʌ mejlel i coltañetla? che'en Nabucodonosor.

Juan 16:3

Che'ʌch mi caj i cha'leñob, come mach i cʌñʌyobic c Tat. Ma'anic tsi' cʌñʌyoñob ja'el.

Romanos 1:28

Mach yomobic i wis ña'tan Dios. Jini cha'an Dios tsi' cʌyʌyob cha'an mi' ña'tañob chuqui tac bibi' yic'ot cha'an mi' cha'leñob chuqui tac mach wenic.

2 Tesalonicenses 1:8

Mi caj i tilel yic'ot c'ajc cha'an mi' q'uextʌbeñob i jontolil jini mach bʌ anic mi' cʌñob Dios yic'ot jini mach bʌ anic mi' ch'ujbibeñob i wen t'an lac Yum Jesucristo.

Juezob 2:10

Tsa' chʌmiyob pejtelel jini winicob x'ixicob año' bʌ ti jini ora. Ti wi'il tsa' p'ojliyob yaño' bʌ mach bʌ cʌñʌlobic i cha'an lac Yum. Ma'anic tsi' cʌñʌyob i ye'tel lac Yum tsa' bʌ i mele ti' tojlel israelob.

1 Samuel 2:12

Jontolob i yalobilob Elí. Ma'anic tsi' p'isiyob ti wenta lac Yum mi i ye'telic motomaj. Ma'anic tsi' meleyob che' bajche' yom Dios. Come i tilel ti Israel ba' ora mi' tilelob winicob x'ixicob cha'an mi' tsʌnsʌbeñob i majtan lac Yum, che' woli to ti tic'an jini we'elʌl, jini motomaj mi' suben jini x'e'tel i cha'an, cha'an mi' yotsan ya' ti perol jini junts'ijt e'tʌjibʌl am bʌ uxts'ijt i ni' cha'an mi' loc'san jini we'elʌl.

1 Samuel 25:10

Nabal tsi' jac'beyob: ¿Majqui jini David? Mach j cʌñʌyic i yalobil Isaí. Añobix cabʌl x'e'telob mu' bʌ i puts'elob loq'uel ti' wenta i yumob.