Exodo 5:17 - Chol: I T’an Dios

¹⁷ Faraón tsi' subeyob: Wen ts'ubetla. Jini cha'an woli la' wersa ña'tan majlel cha'an mi la' tsʌnsʌben i majtan la' Yum.

Chol de Tumbalá Bible

¹⁷ Faraón tsi' subeyob: Wen ts'ubetla. Jini cha'an woli la' wersa ña'tan majlel cha'an mi la' tsʌnsʌben i majtan la' Yum.

Jiñi Tsiji' bʌ Wen T'añ cha'añ Estudio

¹⁷ Faraón tsi' su'beyob: —Wen ts'u'betla, jiñi cha'añ woli la' wʌl: “Conla, la' lac tsʌnsʌben i majtañ lac Yum.”

Exodo 5:17 Iomraidhean Croise

Exodo 5:16

Ma'anix woli' yʌq'uentelob jam jini x'e'telob. Pero jini mayordomojob mi' chʌn subeñob cha'an mi' chʌn melob. Awilan woli' jats'ob jini x'e'telob, pero mach i mulic. Jontolob jini mayordomojob. Che' tsi' yʌlʌyob jini caporalob.

Exodo 5:18

Cucula ti la' we'tel come ma'anic mi caj la' wʌq'uentel jam, pero wersa mi caj la' mel ti ts'ʌcʌl jini ladrillo, che'en Faraón.

Exodo 5:8

Pero wersa lajal mi' caj i melob i yonlel i tsicol ladrillo che' bajche' ti yambʌ ora. Mach mi' cʌyob i mel ti ts'ʌcʌl. Cha'an ts'ubob jini cha'an woli' yʌlob: “La' majlicon lojon cha'an mi cʌq'uen lojon tsʌnsʌbil bʌ i majtan Dios”, che'ob.

Mateo 26:8

Che' bʌ tsi' q'ueleyob xcʌnt'añob i cha'an, tsa' cajiyob ti mich'ajel. Tsi' yʌlʌyob: ¿Chuqui i ye'tel tsi' lon jisa jini ts'ac?

Juan 6:27

Mach mi la' cha'len e'tel cha'an jini we'elʌl mu' bʌ i jilel. Cha'lenla e'tel cha'an jini we'elʌl mu' bʌ i jalijel cha'an mi la' taj la' cuxtʌlel mach bʌ anic mi' jilel. I Yalobil Winic mi caj i yʌq'ueñetla jini we'elʌl, come Dios c Tat tsa'ix i yʌq'ueyon c p'ʌtʌlel cha'an ili e'tel. Che' tsi' yʌlʌ Jesús.