Exodo 4:5 - Chol: I T’an Dios

⁵ Lac Yum tsi' yʌlʌ: Che' jini mi caj i ña'tañob tsac pʌsʌ c bʌ ba' añet. A Yumon, i Dioson a tatob, Abraham yic'ot Isaac yic'ot Jacob, che'en.

Chol de Tumbalá Bible

⁵ Lac Yum tsi' yʌlʌ: Che' jini mi caj i ña'tañob tsac pʌsʌ c bʌ ba' añet. A Yumon, i Dioson a tatob, Abraham yic'ot Isaac yic'ot Jacob, che'en.

Jiñi Tsiji' bʌ Wen T'añ cha'añ Estudio

⁵ —Che' jiñi mi caj i ña'tañob tsa' c pʌsʌ c bʌ ti a tojlel. A Yumon, i Dioson a tatob, i Dioson Abraham, i Dioson Isaac yic'ot i Dioson Jacob.

Exodo 4:5 Iomraidhean Croise

Genesis 12:7

Tsa' tsictiyi lac Yum ti' wut Abram. Tsi' sube: Mi caj cʌq'uen a p'olbal ili lum, che'en. Abram tsi' wa'chocobe i pulʌntib i majtan lac Yum ya' ba' tsi' pʌsʌ i bʌ lac Yum ti' wut Abram.

Genesis 17:1

Che' lujump'ejlix yic'ot bolomp'ejl i jo'c'al (99) i jabilel Abram, lac Yum tsi' pʌsbe i bʌ Abram. Tsi' sube: Joñon P'ʌtʌl bʌ Dioson. Yom ma' wajñel tic tojlel. Ts'ʌcʌl yom i wenlel a pusic'al ti pejtelel ora. Ts'ʌcʌl yom i yuts'atlel a pusic'al.

Genesis 18:1

Tsi' pʌsʌ i bʌ lac Yum ti' tojlel Abraham ba'an jini c'olol te' ya' ti Mamre. Ya' buchul Abraham ti' ti' pisil bʌ i yotot che' c'uxix q'uin.

Genesis 26:2

Lac Yum tsi' pʌsʌ i bʌ ba'an Isaac. Tsi' yʌlʌ: Mach ma' majlel ti Egipto. Wʌ jach yom ma' chumtʌl ti jini lum ba' mic subeñet.

Genesis 28:13

Ya' wa'al lac Yum ti' chañelal. Tsi' yʌlʌ: Joñon Yumʌlon, i Dioson Abraham a tat, i Dioson Isaac. Mi caj cʌq'ueñet yic'ot a p'olbal jini lum ba' ñololet.

Genesis 48:15

Israel tsi' yʌq'ue José i yutslel i t'an. Tsi' yʌlʌ: Dios jiñʌch tsa' bʌ i tsajcayob majlel c tatob, Abraham yic'ot Isaac. Jiñʌch tsa' bʌ i we'sayon che' bʌ tsaj q'uele pañimil c'ʌlʌl wʌle.

Genesis 48:3

Jacob tsi' sube José: Dios, Jini Mach bʌ Anic i P'isol i P'ʌtʌlel, tsi' yʌc'ʌ i bʌ ti cʌjñel tic tojlel ya' ti Luz, ti' lumal Canaán. Tsi' yʌq'ueyon i yutslel i t'an.

1 Reyob 18:36

Che' bʌ tsa' c'oti i yorajlel cha'an mi' pulbentel i majtan lac Yum, tsi' lʌc'tesa i bʌ Elías. Tsi' yʌlʌ: C Yum, i Dioset bʌ Abraham yic'ot Isaac yic'ot Israel, la' tsictiyic wʌle a winicon ti isujm. Tsac laj mele che' bajche' tsa' subeyon.

2 Cronicas 20:20

Che' ti sʌc'ajel tsa' loq'uiyob majlel. Tsa' c'otiyob ti colem bʌ i tiquiñal lum i c'aba' Tecoa. Che' woli' loq'uelob majlel, Josafat tsa' wa' cʌle. Tsi' yʌlʌ: Ñich'tanla winicob chumulet bʌ la ti Jerusalén yic'ot ti Judá. Xuc'chocon la' pusic'al ti' tojlel lac Yum Dios. Che' jini mi caj la' coltʌntel, che'en.

Exodo 19:9

Lac Yum tsi' sube: Awilan, talon ba' añet ti i'ic' bʌ tocal, cha'an mi' yubiñob jini israelob che' mic pejcañet, cha'an mi' q'ueletob ti ñuc ti pejtelel ora.

Exodo 3:15

Dios tsi' sube ja'el: Subeñob israelob: “Lac Yum, i Dios lac tat, Abraham, Isaac, yic'ot Jacob, tsa'ix i chocoyon tilel ba' añetla”. Che'ʌch yom ma' subeñob. Jiñʌch j c'aba' ti pejtelel ora. Che' yom mic pejcʌntel ti pejtelel ora.

Exodo 3:16

Cucu. Tempan jini ñoxobix bʌ israelob. Subeñob: “Jini lac Yum, i Dios la' tat, i Dios Abraham, i Dios Isaac, i Dios Jacob, tsa'ix i pʌsʌ i bʌ ba' añon. Tsi' subeyon: Julemonix cha'an mic pejcañetla. Tsa'ix j q'uele chuqui woli la' wubin ti Egipto.

Exodo 3:18

Mi caj i jac'ob a t'an. Jatet yic'ot jini ñoxo' bʌ israelob mi caj la' majlel ba'an jini rey ti Egipto. Mi caj la' suben: “C Yum lojon, i Dios hebreojob, tsa'ix tili i pejcañon lojon. Jini cha'an mij c'ajtibeñet lojon ti wocol t'an: La' majlicon lojon uxp'ejl q'uin ya' ti colem bʌ i tiquiñal pañimil cha'an mic ch'ujutesan lojon c Yum Dios”. Che' yom mi la' suben.

Exodo 3:4

Che' bʌ lac Yum tsi' q'uele woli' majlel Moisés cha'an mi' q'uele', Dios tsi' pejca ti jini alʌ te': Moisés, Moisés, che'en. Tsi' jac'ʌ: Wʌ' añon, che'en.

Exodo 3:6

Tsi' yʌlʌ: Joñon i Dioson a tat, i Dioson Abraham, i Dioson Isaac, i Dioson Jacob, che'en. Moisés tsi' mʌcʌ i wut come mach yomic i q'uel Dios cha'an bʌq'uen.

Exodo 4:1

Moisés tsi' yʌlʌ: Ma'anic mi caj i ñopoñob. Mi caj i yʌlob: “Mach isujmic. Ma'anic tsi' pʌsʌ i bʌ lac Yum ba' añet”. Che' mi caj i yʌlob, che'en Moisés.

Exodo 4:31

Jini ñoxo' bʌ tsi' ñopoyob che' bʌ tsi' yubiyob mux caj i coltañob lac Yum come q'uelel i cha'an pejtel i wocol jini israelob. Tsi' lijiyob i bʌ cha'an mi' ch'ujutesañob Dios.

Exodo 4:4

Lac Yum tsi' sube: Sʌts'ʌ a c'ʌb. Chucben i ñej, che'en. Moisés tsi' sʌts'ʌ i c'ʌb cha'an mi' chuc jini lucum. Tsa' cha' sujti ti barate'.

Isaias 7:9

Jini colem tejclum ti Efraín ba' mi' cha'len yumʌl Peka jiñʌch Samaria. Ya' jach jaxʌl i yumʌntel. Ma'anic mi caj i ñuc'an. Mi mach xuc'ulic a pusic'al tic t'an, mach xuc'ulic mi caj a wajñel”. Che'ʌch yom ma' suben Acaz, che'en lac Yum.

Jeremias 31:3

Wʌ' ti Sion lac Yum tsa' tsictiyi tic tojlel. Tsi' yʌlʌ: C'uxbibilet c cha'an c'ʌlʌl che' maxto anic pañimil. Mach yujilic jilel j c'uxbiya. Jini cha'an tsac pʌsbeyet i yutslel c pusic'al.

Juan 11:15

Tijicñayon cha'an mach ya'ic añon, come che' jini mi caj la' ñop. Conixla ya' ba'an, che'en.

Juan 11:42

Cujil ma' wubibeñon c t'an ti pejtelel ora. Tsa' jach c subeyet jini t'an cha'an mi' yubiñob jini año' bʌ tic joytilel, cha'an mi' ñopob tsa' chocoyon tilel, che'en Jesús.

Juan 20:27

Jesús tsi' sube Tomás: Otsan i yal a c'ʌb ilayi. Q'uele j c'ʌb. Sʌts'ʌ a c'ʌb, otsan ti' yebal c ch'i'lat. Mach yomic tsʌts a pusic'al. Ñopoyon, che'en.

Juan 20:31

Tsa' ts'ijbunti ili i yejtal tac i p'ʌtʌlel cha'an mi la' ñop Cristojʌch jini Jesús. I Yalobilʌch Dios. Tsa' ts'ijbunti cha'an, mi la' wʌq'uentel la' cuxtʌlel ti' c'aba' che' mi la' ñop.

Juan 5:36

Anto yan tac bʌ mu' bʌ i yʌc'on ti cʌjñel. Ñumen ñuc jini bajche' i t'an Juan. Jiñʌch que'tel tsa' bʌ i yʌq'ueyon c Tat cha'an mic mel ti ts'ʌcʌl. Jini que'tel mu' bʌ c cha'len, mi' yʌc'on ti cʌjñel cha'an mi la' ña'tan tsi' chocoyon tilel c Tat.

Hechos 7:2

Esteban tsi' yʌlʌ: Winicob c pi'ʌlob, ñich'tanla. Jini Dios am bʌ i ñuclel tsa' tsictiyi ti' wut lac tat Abraham che' ya'to an ti Mesopotamia che' maxto anic tsa' majli ti Harán.

Hebreos 11:16

Pero tsi' pijtayob jini ñumen wen bʌ i lumal am bʌ ti panchan. Jini cha'an ma'anic mi' cha'len quisin Dios che' mi' diosiñob, come tsa'ix i melbeyob i tejclum.