Exodo 4:31 - Chol: I T’an Dios

³¹ Jini ñoxo' bʌ tsi' ñopoyob che' bʌ tsi' yubiyob mux caj i coltañob lac Yum come q'uelel i cha'an pejtel i wocol jini israelob. Tsi' lijiyob i bʌ cha'an mi' ch'ujutesañob Dios.

Chol de Tumbalá Bible

³¹ Jini ñoxo' bʌ tsi' ñopoyob che' bʌ tsi' yubiyob mux caj i coltañob lac Yum come q'uelel i cha'an pejtel i wocol jini israelob. Tsi' lijiyob i bʌ cha'an mi' ch'ujutesañob Dios.

Jiñi Tsiji' bʌ Wen T'añ cha'añ Estudio

³¹ Jiñi wiñicob x'ixicob tsi' ñopoyob che' bʌ tsi' yu'biyob mux caj i coltañob lac Yum come q'uelel i cha'añ pejtelel i wocol jiñi israelob, tsi' lijiyob i bʌ, tsi' ch'ujutesayob Dios.

Exodo 4:31 Iomraidhean Croise

Genesis 24:26

Jini winic tsi' ju'sa i jol. Tsi' ch'ujutesa lac Yum.

Genesis 29:32

Lea tsa' caji' cʌntan i yalobil. Tsi' yila pañimil ch'iton bʌ i yalobil. Tsi' yotsʌbe i c'aba' Rubén, “Dios tsi' q'uele c wocol”, come tsi' yʌlʌ: Lac Yum tsi' q'uele ts'a'lebilon. Wʌle c ñoxi'al mi caj i c'uxbiñon, che'en.

Genesis 50:24

José tsi' sube i pi'ʌlob: I yorajlelix mic chʌmel. Isujm Dios mi caj i ña'tañetla cha'an mi' pʌyetla loq'uel ti ili lum. Mi caj i pʌyetla majlel ti lum tsa' bʌ i wersa subeyob Abraham yic'ot Isaac yic'ot Jacob cha'an mi caj i yʌq'ueñob, che'en José.

1 Cronicas 29:20

David tsi' sube jini tempʌbilo' bʌ winicob: Subenla i ñuclel lac Yum Dios, che'en. Che' jini pejtelel israelob tsa' caji i subeñob i ñuclel lac Yum i Dios i ñojte'elob. Tsi' c'uchchocoyob i bʌ ti' tojlel lac Yum yic'ot ti' tojlel jini rey.

2 Cronicas 20:18

Jini cha'an Josafat tsi' c'uchchoco i bʌ ti lum yic'ot pejtelel año' bʌ ti Judá yic'ot ti Jerusalén. Tsi' ñʌch'chocoyob i bʌ ti' tojlel lac Yum. Tsa' caji i ch'ujutesañob.

2 Cronicas 32:8

Talix yic'ot cabʌl soldadojob, pero winicob jach. Joñonla an la quic'ot lac Yum Dios mu' bʌ i coltañonla, mu' bʌ caj i mʌjlel i cha'an che' mi lac majlel ti guerra, che'en. Tijicñayob tsi' yubiyob pejtelel jini winicob.

2 Cronicas 7:3

Che' bʌ tsi' q'ueleyob i ñuclel, tsi' pʌcchocoyob i bʌ ti lum jini israelob. Tsi' ch'ujutesayob lac Yum. Tsi' subeyob wocolix i yʌlʌ: Come wen uts'at lac Yum, come ti pejtelel ora an i yutslel i pusic'al, che'ob.

Nehemias 8:6

Esdras tsi' ch'ujutesa lac Yum jini ñuc bʌ Dios. Pejtel winicob x'ixicob uts'at tsi' yubibeyob i t'an. Tsi' yʌlʌyob: Che'ʌch yom, che'ʌch yom, che'ob. Tsi' letsayob i c'ʌb ti oración. Tsi' pʌcchocoyob i bʌ ti lum. Tsi' ch'ujutesayob lac Yum.

Job 1:20

Tsa' wa'le Job. Tsi' tsili i bujc. Tsi' set'e i jol cha'an ch'ijiyem i pusic'al. Tsi' choco i bʌ ti lum. Tsi' ch'ujutesa Dios.

Exodo 12:27

mi caj la' jac': “Jiñʌch i majtan lac Yum mu' bʌ lac tsʌnsʌben cha'an Pascua, come lac Yum tsa' ñumi ti pam i yotot tac israelob ya' ti Egipto che' bʌ tsi' tsʌnsa egiptojob. Ma'anic tsi' tsʌnsayon lojon”. Che' yom mi la' subeñob, che'en Moisés. Jini israelob tsi' lijiyob i bʌ. Tsi' ch'ujutesayob Dios.

Exodo 14:31

Che' bʌ tsi' q'ueleyob jini ñuc bʌ i melbal Dios ti' tojlelob, tsi' ch'ujtesayob lac Yum. Tsi' ñopoyob lac Yum. Tsi' ñopoyob i winicʌch lac Yum jini Moisés.

Exodo 19:8

Comol tsi' jac'ʌyob pejtel winicob x'ixicob: Mi caj c mel lojon che' bajche' tsi' yʌlʌ lac Yum, che'ob. Moisés tsi' cha' sube lac Yum chuqui tsi' yʌlʌyob.

Exodo 19:9

Lac Yum tsi' sube: Awilan, talon ba' añet ti i'ic' bʌ tocal, cha'an mi' yubiñob jini israelob che' mic pejcañet, cha'an mi' q'ueletob ti ñuc ti pejtelel ora.

Exodo 2:25

Dios tsi' q'uele jini israelob ti' yutslel i pusic'al. Tsi' ch'ʌmʌyob ti' wenta.

Exodo 3:16

Cucu. Tempan jini ñoxobix bʌ israelob. Subeñob: “Jini lac Yum, i Dios la' tat, i Dios Abraham, i Dios Isaac, i Dios Jacob, tsa'ix i pʌsʌ i bʌ ba' añon. Tsi' subeyon: Julemonix cha'an mic pejcañetla. Tsa'ix j q'uele chuqui woli la' wubin ti Egipto.

Exodo 3:18

Mi caj i jac'ob a t'an. Jatet yic'ot jini ñoxo' bʌ israelob mi caj la' majlel ba'an jini rey ti Egipto. Mi caj la' suben: “C Yum lojon, i Dios hebreojob, tsa'ix tili i pejcañon lojon. Jini cha'an mij c'ajtibeñet lojon ti wocol t'an: La' majlicon lojon uxp'ejl q'uin ya' ti colem bʌ i tiquiñal pañimil cha'an mic ch'ujutesan lojon c Yum Dios”. Che' yom mi la' suben.

Exodo 3:7

Lac Yum tsi' yʌlʌ: Tsa'ix j q'uelbe i wocol c winicob x'ixicob ti Egipto. Tsa'ix cubibe i yoñel cha'an jini xic' e'telob. Cʌmbil c cha'an i wocol.

Exodo 33:10

Che' jini pejtelel jini winicob tsi' q'ueleyob jini wa'al bʌ Tocal ya' bʌ an ti' jini Tabernáculo. Ti pejtelel ora che' mi' q'uelob jini, mi' tejchelob ti' ti' i yotot cha'an mi' ch'ujutesañob lac Yum.

Exodo 34:8

Che' jini Moisés ti ora jach tsi' ju'sa i jol ti lum. Tsi' ch'ujutesa lac Yum.

Exodo 4:5

Lac Yum tsi' yʌlʌ: Che' jini mi caj i ña'tañob tsac pʌsʌ c bʌ ba' añet. A Yumon, i Dioson a tatob, Abraham yic'ot Isaac yic'ot Jacob, che'en.

Sofonias 2:7

Ya' mi caj i majlelob ti chumtʌl i colojbal i p'olbal Judá. Ya' mi caj i c'ajob i yo ti' yotot tac Ascalón ba' ma'añobix i yum. Come lac Yum mi caj i cha' pʌsbeñob i yutslel. Mi caj i cha' aq'ueñob i wenlel.

Lucas 1:68

La' sujbic ti ñuc lac Yum Dios, i Dios Israel. Tsa'ix tili ba'an i cha'año' bʌ. Tsa'ix i mʌñʌyob.

Lucas 8:13

Jini año' bʌ ti xajlelol, jiñobʌch mu' bʌ i yubiñob jini t'an. Ti' tijicñʌyel i pusic'al mi' bʌc' jac'ob, pero ma'anic i wi' ti' pusic'al. Mi' poj ñopob, pero che' mi' yilʌbentelob i pusic'al mi' cha' cʌyob.

xRut 1:6

Che' bʌ ya'to an Noemí yic'ot cha'tiquil i yʌ'lib ti' lumal Moab, tsi' yubi cha' añix i bʌl i ñʌc' i pi'ʌlob cha'an tsi' p'untayob lac Yum. Tsi' chajpa i bʌ Noemí cha'an mi' sujtel ti' lumal.