Exodo 4:23 - Chol: I T’an Dios

²³ Mic subeñet: La' majlic calobil cha'an mi' ch'ujutesañon. Mi ma'anic ma' choc majlel jini calobil, mi caj c tsʌnsan jini ascuñʌl bʌ a walobil. Che' tsi' yʌlʌ lac Yum”. Che' yom ma' suben Faraón, che'en lac Yum.

Chol de Tumbalá Bible

²³ Mic subeñet: La' majlic calobil cha'an mi' ch'ujutesañon. Mi ma'anic ma' choc majlel jini calobil, mi caj c tsʌnsan jini ascuñʌl bʌ a walobil. Che' tsi' yʌlʌ lac Yum”. Che' yom ma' suben Faraón, che'en lac Yum.

Jiñi Tsiji' bʌ Wen T'añ cha'añ Estudio

²³ Tsa'ix c su'beyet cha'añ yom ma' choc majlel calobil cha'añ mi' ch'ujutesañon; mi ma'añic ma' choc majlel, mi caj c tsʌnsan jiñi ascuñʌl bʌ a walobil.”

Exodo 4:23 Iomraidhean Croise

Salmos 105:36

Lac Yum tsi' tsʌnsa pejtelel ascuñʌlo' bʌ ti' lumal, Jini ñaxan bʌ i yalobilob.

Salmos 135:8

Tsi' jisa jini ascuñʌl bʌ winicob año' bʌ ti Egipto, Yic'ot ñaxan bʌ i yal alʌc'ʌl.

Salmos 136:10

Suben wocolix i yʌlʌ Dios tsa' bʌ i jisa jini ascuñʌlo' bʌ ti Egipto, Come ti pejtelel ora an i yutslel i pusic'al.

Salmos 78:51

Tsi' tsʌnsa pejtelel jini ascuñʌlo' bʌ ti jujump'ejl xchumtʌl am bʌ ti' lumal Egipto.

Exodo 10:3

Jini cha'an Moisés yic'ot Aarón tsa' majliyob ba'an Faraón. Tsi' subeyob: Lac Yum, i Dios hebreojob, woli' yʌl: “¿Jala to ba mi caj a peq'uesan a bʌ tic tojlel? Choco majlel c cha'año' bʌ cha'an mi' ch'ujutesañoñob.

Exodo 10:4

Mi ma'anic ma' chocob majlel, ijc'ʌl mi caj c choc tilel sajc' ti a lumal.

Exodo 11:5

Pejtel ascuñulo' bʌ ti Egipto mi caj i chʌmelob c'ʌlʌl ti ascuñʌl bʌ i yalobil Faraón c'ʌlʌl ti ascuñʌl bʌ i yalobil jini mozojob woliyo' bʌ ti e'tel ti molino, yic'ot ja'el pejtel ñaxan bʌ alʌc'ʌl.

Exodo 12:29

Che' ti' ojlil ac'ʌlel lac Yum tsi' tsʌnsa pejtel ascuñʌlo' bʌ ti Egipto, c'ʌlʌl ti ascuñʌl bʌ i yalobil Faraón jini rey c'ʌlʌl ti ascuñʌl bʌ i yalobil xmʌjquel am bʌ ti mʌjquibʌl, yic'ot pejtel ñaxan bʌ i yal alʌc'ʌl tac ja'el.

Exodo 13:15

Come ba' ora Faraón mach yomic i yʌc'onla ti loq'uel, lac Yum tsi' tsʌnsa pejtel yʌx alʌlob ti Egipto yic'ot i yʌx'al pejtel i yʌlac'. Jini cha'an mi la cʌq'uen lac Yum pejtel i yʌx'al la cʌlac' cha'an tsʌnsʌbil bʌ i majtan, pero mi laj q'uex pejtel yʌx alʌlob lac cha'an ti tiñʌme'.

Exodo 18:8

Moisés tsi' tsictesʌbe i nij'al pejtelel tsa' bʌ i mele lac Yum ti' tojlel Faraón yic'ot ti' tojlel egiptojob cha'an i c'uxbintel israelob. Tsi' tsictesʌbe ja'el bajche' tsi' coltayob lac Yum ti pejtelel jini wocol tac bʌ tsa' bʌ i yubiyob ti bij.

Exodo 3:18

Mi caj i jac'ob a t'an. Jatet yic'ot jini ñoxo' bʌ israelob mi caj la' majlel ba'an jini rey ti Egipto. Mi caj la' suben: “C Yum lojon, i Dios hebreojob, tsa'ix tili i pejcañon lojon. Jini cha'an mij c'ajtibeñet lojon ti wocol t'an: La' majlicon lojon uxp'ejl q'uin ya' ti colem bʌ i tiquiñal pañimil cha'an mic ch'ujutesan lojon c Yum Dios”. Che' yom mi la' suben.

Exodo 5:1

Moisés yic'ot Aarón tsa' majliyob ba'an Faraón. Tsi' subeyob: Lac Yum i Dios Israel tsi' pejcayon lojon. Tsi' yʌlʌ: “La' majlicob c tejclumob cha'an mi' melbeñoñob q'uin ya' ti colem bʌ i tiquiñal pañimil”. Che' woli' yʌl lac Yum, i Dios Israel, che'ob.

Exodo 7:16

Suben Faraón: “C Yum lojon, i Dios hebreojob, tsi' chocoyon tilel ba' añet. Tsi' yʌlʌ: La' majlicob jini winicob x'ixicob c cha'año' bʌ cha'an mi' ch'ujutesañoñob ya' ti colem bʌ i tiquiñal pañimil, che'en. Pero maxto anic tsa' jac'ʌ.

Exodo 8:1

Lac Yum tsi' sube Moisés: Cucu ba'an Faraón. Suben: “Lac Yum woli' yʌl: La' majlicob winicob x'ixicob c cha'año' bʌ cha'an mi' ch'ujutesañoñob.

Exodo 8:16

Lac Yum tsi' sube Moisés: Suben Aarón: “Sʌts'ʌ a te'. Jats'ʌ i ts'ubeñal lum cha'an mi' pʌntiyel ti uch' ti pejtelel i lumal Egipto”. Che' yom ma' suben Aarón, che'en lac Yum.

Exodo 8:17

Che'ʌch tsi' meleyob. Aarón tsi' sʌts'ʌ jini te'. Tsi' jats'ʌ i ts'ubeñal lum cha'an mi' pʌntiyel ti uch'. Tsa' caji' tic'lan winicob yic'ot alʌc'ʌl jini uch'. I ts'ubeñal lum ya' ti Egipto tsa' pʌntiyi ti uch'.

Exodo 8:20

Lac Yum tsi' sube Moisés: Ch'ojyen ti sʌc'ajel. Cucu pejcan Faraón che' mi' majlel ti ja'. Suben: “Lac Yum woli yʌl: La' majlicob jini winicob x'ixicob c cha'año' bʌ cha'an mi' ch'ujutesañoñob.

Exodo 9:1

Lac Yum tsi' sube Moisés: Cucu ba'an Faraón. Suben ili t'an: “C Yum lojon i Dios hebreojob woli' yʌl: La' majlicob c cha'año' bʌ cha'an mi' ch'ujutesañoñob.

Exodo 9:13

Lac Yum tsi' sube Moisés: Ch'ojyen ti wen sʌc'ajel. Cucu suben Faraón: “C Yum lojon i Dios hebreojob woli' yʌl: La' majlicob c cha'año' bʌ cha'an mi' ch'ujutesañoñob.

Exodo 9:2

Mi ma'anic ma' wʌc' a t'an cha'an mi' majlelob, mi mux a chʌn mʌctañob,

Oseas 11:1

Che' maxto anic i jabilel yilal jini calobil Israel, tsac wen c'uxbi. Tsac pʌyʌ loq'uel ti Egipto.