Exodo 4:15 - Chol: I T’an Dios

¹⁵ Mi caj a pejcan Aarón. Mi caj a wʌq'uen c t'an cha'an mi' sub. Mi caj cajñel quic'otetla ti la' cha'ticlel. Mi caj j coltañetla ti t'an. Mi caj cʌntesañetla chuqui yom mi la' mel.

Chol de Tumbalá Bible

¹⁵ Mi caj a pejcan Aarón. Mi caj a wʌq'uen c t'an cha'an mi' sub. Mi caj cajñel quic'otetla ti la' cha'ticlel. Mi caj j coltañetla ti t'an. Mi caj cʌntesañetla chuqui yom mi la' mel.

Jiñi Tsiji' bʌ Wen T'añ cha'añ Estudio

¹⁵ Mi caj a pejcan Aarón, mi caj a su'ben c t'añ cha'añ mi' su'b, mi caj cajñel quic'otetla ti la' cha'ticlel, mi caj j coltañetla ti t'añ, mi caj cʌntesañetla chuqui yom mi la' mel.

Exodo 4:15 Iomraidhean Croise

2 Samuel 14:3

Yom ma' majlel ba'an jini rey cha'an ma' suben chuqui mic subeñet. Che' tsi' yʌlʌ Joab.

Salmos 25:12

¿Majqui jini winic mu' bʌ i bʌc'ñan lac Yum? Lac Yum mi caj i cʌntesan majlel ti wen bʌ bij.

Salmos 51:15

C Yum, jambeñon quej Cha'an mic sub a ñuclel.

Exodo 3:12

Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Exodo 4:12

Cucu, che' jini. Mi caj cajñel yic'ot a wej. Mi caj cʌntesañet chuqui mi caj a sub, che'en.

Exodo 4:28

Moisés tsi' sube chuqui tsi' yʌlʌ lac Yum yic'ot bajche' yom melol jini ñuc tac bʌ i yejtal i p'ʌtʌlel che' bajche' cʌntesʌbil ti Dios.

Exodo 4:30

Aarón tsi' laj subeyob che' bajche' lac Yum tsi sube Moisés. Moisés tsi' pʌsbeyob i yejtal tac i p'ʌtʌlel.

Isaias 51:16

Tsa'ix c lich'i panchan. Tsac xuc'choco jini pañimil ti' yajñib. Tsa'ix cotsa c t'an ti a wej cha'an ma' sub. Tsaj cʌntayet tic p'ʌtʌlel. Tsac sube Sion: “Jatet c tejclumet”. Che' tsi' yʌlʌ lac Yum.

Isaias 59:21

Jiñʌch jini t'an mu' bʌ cʌq'ueñob: Jini quEspíritu mu' bʌ cʌq'ueñetla ma'anic mi caj i cʌyetla. Mi caj la' mulan chuqui tac uts'at. Mi caj la' ts'a'len chuqui tac mach uts'atic, jatetla yic'ot la' walobilob ti pejtelel ora. Che' tsi' yʌlʌ lac Yum.

Jeremias 1:9

Lac Yum tsi' sʌts'ʌ i c'ʌb. Tsi' tʌlʌ quej. Tsi' subeyon: Tsa'ix cotsa c t'an ti a wej.

Jeremias 36:32

Jini cha'an Jeremías tsi' ch'ʌmʌ yambʌ jun. Tsi' yʌq'ue jini sts'ijbaya Baruc (i yalobil Nerías). Baruc tsi' cha' otsa ti jun pejtel chuqui tsi' sube Jeremías che' bajche' ti ñaxan, come jini rey Joacim tsi' pulu ti c'ajc jini ñaxan bʌ jun. Pero tsi' cha' otsa yambʌ t'an i pi'ʌl bʌ.

Numeros 16:28

Che' jini tsi' yʌlʌ Moisés: Ti ili ora mi caj la' ña'tan chocbilon tilel i cha'an lac Yum cha'an mic mel pejtelel jini que'tel. Mach tic bajñel pusic'alic tsac ña'ta c mel.

Numeros 22:38

Balaam tsi' sube: Wʌ'ix añon ti a tojlel, pero mic wʌn subeñet, añon ti' wenta c Yum. Jini jach mu' bʌ i subeñon c Dios, mi mejlel c cha' sub, che'en.

Numeros 23:12

Balaam tsi' jac'ʌ: Tic'bilon ti isujm. Jini jach mi cʌl jini t'an mu' bʌ i subeñon lac Yum, che'en.

Numeros 23:16

Lac Yum tsa' tili i taj Balaam. Tsi' sube chuqui yom mi' yʌl. Tsi sube: Cha' cucux ba'an Balac cha'an ma' suben chuqui mic subeñet, che'en.

Numeros 23:5

Lac Yum tsi' sube: Cha' cucux ba'an jini rey Balac. Yom ma' suben ili t'an mu' bʌ c subeñet, che'en.

Mateo 28:20

Cʌntesanla cha'an mi' laj ch'ujbiñob pejtelel chuqui tac tsac subeyetla. Awilan, añon quic'otetla ti pejtelel ora c'ʌlʌl ti' jilibal pañimil. Che' tsi' yʌlʌ Jesús.

Lucas 21:15

Come joñon mi caj cʌq'ueñetla t'an mu' bʌ caj la' sub yic'ot la' ña'tʌbal mach bʌ mejlic i contrajintel.

1 Corintios 11:23

Come tsa'ix aq'uentiyon c sub i sujmlel i Cena lac Yum che' bajche' tsaj cʌntesayetla. Lac Yum Jesús tsi' ch'ʌmʌ waj ti jini jach bʌ ac'ʌlel che' bʌ tsa' ajq'ui ti' c'ʌb i contra.

1 Corintios 15:1

Mic subeñetla ja'el hermanojob, jiñʌch jini wen t'an tsa' bʌ c subeyetla, tsa'ix bʌ la' ñopo, woli bʌ la' chʌn ñop.

Deuteronomio 18:18

Muq'uix caj c wa'chobeñob X'alt'an loq'uem bʌ ti' pi'ʌlob, lajal bajche' jatet. Muq'uix caj cʌq'uen i sub t'an. Mi caj i cha' sub pejtel chuqui mic suben.

Deuteronomio 5:31

Pero jatet wʌ'to ma' cʌytʌl quic'ot cha'an mic subeñet pejtelel c t'an yic'ot c mandar, cha'an ma' cʌntesan jini winicob. Subeñob cha'an mi' jac'ob ti jini lum woli bʌ cʌq'ueñob, che'en lac Yum.

1 Samuel 16:3

Pʌyʌ majlel Isaí ya' ba' ma' tsʌnsʌbeñon c majtan. Ya'i mi caj c pʌsbeñet chuqui mi caj a mel. Mux caj a mul ti aceite jini yajcʌbil bʌ c cha'an mu' bʌ caj c pʌsbeñet, che'en lac Yum.