Exodo 4:12 - Chol: I T’an Dios

¹² Cucu, che' jini. Mi caj cajñel yic'ot a wej. Mi caj cʌntesañet chuqui mi caj a sub, che'en.

Chol de Tumbalá Bible

¹² Cucu, che' jini. Mi caj cajñel yic'ot a wej. Mi caj cʌntesañet chuqui mi caj a sub, che'en.

Jiñi Tsiji' bʌ Wen T'añ cha'añ Estudio

¹² Jiñi cha'añ, cucu, mi caj cajñel yic'otet che' ma' cha'len t'añ, yic'ot mi caj cʌntesañet chuqui mi caj a su'b.

Exodo 4:12 Iomraidhean Croise

Salmos 105:26

Tsi' choco tilel Moisés, i winic, Yic'ot Aarón, yajcʌbil bʌ i cha'an.

Salmos 143:10

Cʌntesañon chuqui a wom mic mel, come c Dioset. La' i pʌyon majlel ti toj bʌ bij a wEspíritu come jiñʌch wen bʌ.

Salmos 32:9

Mach yomic lajalet bajche' caballo mi mula mach bʌ anic i ña'tʌbal. Mi' toj'esʌntel majlel ti freno. Machiqui, mach majlic ya' baqui awom, che'en.

Exodo 3:12

Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Exodo 4:13

Pero tsi' yʌlʌ: Awocolic c Yum, choco majlel yambʌ, che'en.

Exodo 4:15

Mi caj a pejcan Aarón. Mi caj a wʌq'uen c t'an cha'an mi' sub. Mi caj cajñel quic'otetla ti la' cha'ticlel. Mi caj j coltañetla ti t'an. Mi caj cʌntesañetla chuqui yom mi la' mel.

Exodo 4:16

Aarón mi caj i pejcan winicob x'ixicob. Mi caj i cha' sub chuqui tac ma' suben. I wentajet Dios ti' tojlel Aarón.

Isaias 49:2

Tsi' yʌq'ue i c'ʌjñibal quej che' bajche' espada jay bʌ i ni'. Tsi' mucuyon ti mal i c'ʌb. Tsi' meleyon che' bajche' i te'el jalʌjb wen jay bʌ i ni'. Lajalon ti' c'ʌb Dios che' bajche' i te'el jalʌjb lotol bʌ ti' yajñib.

Isaias 50:4

Lac Yum Dios tsi' yʌq'ueyon c ña'tʌbal cha'an mic ñuq'uesʌbeñob i pusic'al jini lujbo' bʌ. Mi' ñijcañon ch'ojyel ti jujump'ejl sʌc'ajel. Mi' jambeñon c chiquin cha'an mic wen ubin.

Jeremias 1:9

Lac Yum tsi' sʌts'ʌ i c'ʌb. Tsi' tʌlʌ quej. Tsi' subeyon: Tsa'ix cotsa c t'an ti a wej.

Numeros 16:28

Che' jini tsi' yʌlʌ Moisés: Ti ili ora mi caj la' ña'tan chocbilon tilel i cha'an lac Yum cha'an mic mel pejtelel jini que'tel. Mach tic bajñel pusic'alic tsac ña'ta c mel.

Marcos 13:11

Ba' ora mi' chuquetla majlel ti meloñel cha'an mi' yʌq'uetla ti' c'ʌb yumʌlob, mach mi la' wʌn mel la' pusic'al cha'an chuqui mi caj la' sub yic'ot chuqui mi caj la' ña'tan. Subula jini t'an mu' bʌ caj la' wʌq'uentel ti jini jach bʌ ora. Mach jateticla mi la' caj ti t'an pero mu' ti t'an jini Ch'ujul bʌ Espíritu.

Lucas 11:1

Tsa' majli Jesús ba' tsi' pejca Dios. Che' bʌ tsa' ujti ti oración, juntiquil xcʌnt'an i cha'an tsi' sube: C Yum, cʌntesañon lojon bajche' yom mic pejcan lojon Dios, che' bajche' Juan tsi' cʌntesa xcʌnt'añob i cha'an ja'el, che'en.

Juan 14:26

C Tat mi caj i choc tilel la' waj Pi'leya tij c'aba'. Jiñʌch Ch'ujul bʌ Espíritu. Jini mi caj i cʌntesañetla pejtelel chuqui an. Mi caj i yʌq'ueñetla la' cha' ña'tan pejtelel chuqui tsac subeyetla.

Efesios 6:19

Cha'lenla oración cha'añon ja'el, cha'an mi cʌq'uentel t'an ba' ora com c sub, cha'an ch'ejl mi cʌc' ti cʌjñel jini wen t'an mach bʌ tsictiyemic ti yambʌ ora.

Deuteronomio 18:18

Muq'uix caj c wa'chobeñob X'alt'an loq'uem bʌ ti' pi'ʌlob, lajal bajche' jatet. Muq'uix caj cʌq'uen i sub t'an. Mi caj i cha' sub pejtel chuqui mic suben.