Exodo 38:9 - Chol: I T’an Dios

⁹ Tsi' mele jini patio. Ya' ti sur tsi' joc'choco wen jalbil bʌ lino. I tamlel jiñʌch lujump'ejl i yuxc'al (50) metro.

Chol de Tumbalá Bible

⁹ Tsi' mele jini patio. Ya' ti sur tsi' joc'choco wen jalbil bʌ lino. I tamlel jiñʌch lujump'ejl i yuxc'al (50) metro.

Jiñi Tsiji' bʌ Wen T'añ cha'añ Estudio

⁹ Tsi' mele ja'el jiñi patio. Ya' ti sur tsi' joc'choco cortina melbil bʌ ti wen jalbil bʌ pisil i c'aba' lino am bʌ i tamlel ti jo'p'ejl i yuxc'al (45) metro.

Exodo 38:9 Iomraidhean Croise

1 Reyob 6:36

Uxlajm i pimlel i ts'ajquil jini patio yic'ot junlajm ch'ujte'.

Salmos 100:4

Ochenla ti' ti' tac i yotot lac Yum. Subenla wocolix i yʌlʌ. Subenla i ñuclel che' mi la' c'otel ti' pam i yotot. Subenla wocolix i yʌlʌ. Ch'ujutesanla i c'aba'.

Salmos 84:10

Come uts'at jump'ejl q'uin ya' ti mal a Templo. Mach uts'atic jump'ejl mil q'uin ti jumpat. Uts'at mi tsa' wʌq'ueyon j cʌntʌben i ti' a wotot c Dios. Mach uts'atic mi chumulon ti' yotot jontolo' bʌ.

Salmos 84:2

C Yum, cabʌl mij c'uxbin a wajñib ba' com c ch'ujutesañet. Wen tijicña c pusic'al che' mij c'ʌyiñet, come cuxul bʌ Dioset.

Salmos 89:7

Jini ángelob año' bʌ i ye'tel mi' bʌc'ñañob Dios. Wen ñuc Dios ya' ti' tojlel pejtel año' bʌ ti' joytilel.

Salmos 92:13

Che'ʌch yilalob pejtel año' bʌ i wi' ti' yotot lac Yum. Cabʌl mi' cha'leñob nich, cabʌl mi' yʌc'ob i wut.

Exodo 26:1

Woli' chʌn al lac Yum: Che' mi la' mel jini Tabernáculo, jini pisil bʌ otot, yom mi la' c'ʌn lujumpajc lino bʌ pisil, wen uts'at bʌ jalbil, yʌjyʌx bʌ yic'ot chʌccojan bʌ yic'ot chʌchʌc bʌ. Yom jalbil ja'el i yejtal ángelob. Wen melbil yom. Chʌnlujump'ejl (14) metro yom i tamlel jini cortina. Cha'p'ejl metro yom ti' xujc. Yom lajal i ñuclel ti jujump'ejl jini cortina.

Exodo 38:10

Cʌchʌl jini cortina ti junc'al i te'el am bʌ junc'al i c'ʌclib melbil bʌ ti bronce. Melbil i joc'lib ti plata.

Exodo 40:33

Tsi' tich'iyob i pislel patio ti' joytʌlel jini Tabernáculo yic'ot ya' ti pulʌntib. Tsi' yʌc'ʌ jini pisil ti' tojel ba' mi' yochelob ya' ti patio. Che'i tsa' ujti i mel Moisés pejtelel jini e'tel.

Exodo 40:8

Yom ma' mel jini patio ti' joytʌlel ti pisil. Yom ma' joc'chocon jini pisil ya' ti' ti' jini patio.

Numeros 4:26

Che' ja'el mi caj i ch'ʌmob majlel jini colem bʌ pisil i cha'an bʌ patio, yic'ot i cha'an bʌ i ti' jini patio am bʌ ti' joytʌlel Tabernáculo. Mi caj i ch'ʌmob majlel jini pulʌntib yic'ot pejtelel i ch'ajñal tac, yic'ot e'tijibʌl tac. An ti' wenta i yalobilob Gersón cha'an mi' ch'ʌmob majlel.