Exodo 36:8 - Chol: I T’an Dios

⁸ Pejtelel jini p'ip'o' bʌ i pusic'al woliyo' bʌ ti e'tel ti Tabernáculo tsi' c'ʌñʌyob fino bʌ lino i melob lujumpajc cortina tac, yʌjyʌx bʌ, chʌccojan bʌ, yic'ot chʌchʌc bʌ. Tsi' meleyob yic'ot i yejtal ángelob, wen i t'ojol bʌ melbil.

Chol de Tumbalá Bible

⁸ Pejtelel jini p'ip'o' bʌ i pusic'al woliyo' bʌ ti e'tel ti Tabernáculo tsi' c'ʌñʌyob fino bʌ lino i melob lujumpajc cortina tac, yʌjyʌx bʌ, chʌccojan bʌ, yic'ot chʌchʌc bʌ. Tsi' meleyob yic'ot i yejtal ángelob, wen i t'ojol bʌ melbil.

Jiñi Tsiji' bʌ Wen T'añ cha'añ Estudio

⁸ Pejtelel jiñi p'ip'o' bʌ i pusic'al woliyo' bʌ ti e'tel, tsi' meleyob jiñi Tabernáculo, tsi' c'ʌñʌyob lujumpajc cortina tac ti wen i t'ojol bʌ lino, yʌjyʌx bʌ pisil, chʌccojan bʌ pisil, yic'ot chʌchʌc bʌ pisil; tsi' melbeyob i yejtal querubiñob wen i t'ojol bʌ.

Exodo 36:8 Iomraidhean Croise

1 Reyob 6:23

Tsi' mele cha'tiquil i yejtal ángelob ti olivote'. Jujuntiquil an i chanlel jo'p'ejl metro. Ti jujuntiquil añob i wich' ojlil i yuxp'ejl metro. Jo'p'ejl metro i tamlel che' tich'il i wich'. Junlajalob ti cha'ticlel. Lajal i chanlel, lajal i tamlel i wich'. Tsi' yotsayob jini melbil bʌ ángelob ti' mal Templo. Ti junwejl i wich' tsi' tajayob bojte'. Ti ojlil tsi' tajayob i bʌ i wich'. Laj tep'bil ti oro jini ángelob ja'el.

1 Cronicas 15:1

David tsi' wa'choco i yotot tac ti Jerusalén. Tsi' chajpa jump'ejl tsiji' bʌ Tabernáculo cha'an jini Arca i cha'an bʌ Dios.

2 Cronicas 3:10

Ya' ti' mal jini C'ax Ch'ujul bʌ Ajnibʌl tsi' wa'choco cha'tiquil ángelob melbil bʌ ti te' tep'bil bʌ ti oro.

Exodo 25:18

Yom mi la' mel cha'tiquil i yejtal ángelob ti puro oro, melbil yom ti martillo.

Exodo 25:22

Mi caj lac taj lac bʌ ya'i. Mi caj lac tem cha'len t'an ya' ti' pam jini Ajñibʌl ba' mic ñusan mulil ya' ti' yojlil jini cha'tiquil i yejtal ángelob. Pejtelel jini t'an mu' bʌ caj c subeñet mi caj i yajñel ya' ti' mal Arca. Mi caj c subeñet pejtelel jini mandar tac yom bʌ mi' jac'ob jini israelob.

Exodo 31:6

Ña'tan ja'el joñon tsac pʌyʌ Aholiab i yalobil Ahisamac, loq'uem bʌ ti' p'olbal Dan. Tsac pʌyʌ cha'an mi' coltan jini Bezaleel. Pejtelel jini am bʌ i ña'tʌbal tsa'ix cʌq'ueyob i ch'ejlel cha'an pejtelel i p'ip'lel i pusic'al, cha'an mi' melob pejtelel chuqui tsa' bʌ c subeyet.

Exodo 31:7

Jini yom bʌ melol jiñʌch Tabernáculo, yic'ot jini Arca yic'ot i majc jini Arca ba' mi' ñusʌntel mulil, yic'ot pejtelel chuqui mi' c'ʌjñel ya' ti Tabernáculo,

Exodo 35:10

Pejtelel wen yujil bʌ e'tel ti' c'ʌb, la' tilic cha'an mi' melob chuqui tac tsi' yʌlʌ lac Yum: Jini Tabernáculo yic'ot i pislel, yic'ot i majc tac, yic'ot i joc'lib tac, yic'ot i tablajlel tac yic'ot i barajlel tac, yic'ot jini i yoyel, yic'ot i c'ʌclib. Jini Arca yic'ot i barajlel tac, yic'ot i majc ba' mi' ñusʌntel mulil, yic'ot jini joc'ol bʌ pisil ya' ti mal, yic'ot jini mesa, yic'ot pejtelel chuqui tac yom c'ʌñol, yic'ot jini waj mu' bʌ i pʌsbentel Dios, yic'ot i ts'ʌjbib c'ajc, yic'ot mu' bʌ i c'ʌjñel, yic'ot aceite cha'an i ya'lel jini c'ajc, yic'ot i pulʌntib pom, yic'ot i barajlel, yic'ot aceite cha'an bojñibʌl, yic'ot jini xojocña bʌ pom yic'ot pisil mu' bʌ i yajñel ya' ti' ti' i yotot Dios ba' mi la cochel ya' ti Tabernáculo, yic'ot jini pulʌntib ba' mi' pulel majtañʌl, yic'ot i yajñib majtañʌl melbil bʌ ti bronce, yic'ot i barajlel, yic'ot pejtelel chuqui mi' c'ʌjñel, yic'ot i yajñib ja', yic'ot i buchlib, yic'ot jini cortina tac cha'an i patiojlel jini Tabernáculo, yic'ot i te'el tac, yic'ot ba' mi' buchtʌl, yic'ot jini pisil cha'an i ti' jini patio, yic'ot i te'el tac jini Tabernáculo, yic'ot te' tac cha'an patio, yic'ot pejtelel i cʌjchil, yic'ot jalbil bʌ pisil cha'an mi' c'ʌjñel, cha'an mi la' mel la' we'tel ya' ti Ch'ujul bʌ Ajñibʌl, yic'ot jini c'ax sʌc bʌ i pislel Aarón jini motomaj, yic'ot i pislel i yalobilob ja'el cha'an mi' melob i ye'tel ti motomaj. Che' tsi' yʌlʌ lac Yum, che'en.

Exodo 36:9

Che' bajche' chʌnlujump'ejl (14) metro i tamlel jujumpajc jini cortina. Cha'p'ejl metro i xuc. Lajal i ñuclel.

Exodo 39:3

Tsi' cujuyob jini oro cha'an mi' pech i bʌ. Che' pechelix tsi' bic'ti tsiliyob cha'an i wentajlel puy, cha'an mi' jalob jini yʌjyʌx bʌ pisil, yic'ot chʌccojan bʌ, yic'ot chʌchʌc bʌ yic'ot wen jalbil bʌ lino. Che'i tsi' laj ts'isbeyob ochel i sajl oro cha'an wen uts'atax mi' cʌytʌl.