Exodo 36:2 - Chol: I T’an Dios

² Moisés tsi' pʌyʌ Bezaleel yic'ot Aholiab, yic'ot pejtelel winicob tsa' bʌ aq'uentiyob i bʌxlel i pusic'al ti e'tel cha'an lac Yum. Tsi' pʌyʌ jini nijcʌbilo' bʌ i pusic'al cha'an mi' majlelob ti e'tel.

Chol de Tumbalá Bible

² Moisés tsi' pʌyʌ Bezaleel yic'ot Aholiab, yic'ot pejtelel winicob tsa' bʌ aq'uentiyob i bʌxlel i pusic'al ti e'tel cha'an lac Yum. Tsi' pʌyʌ jini nijcʌbilo' bʌ i pusic'al cha'an mi' majlelob ti e'tel.

Jiñi Tsiji' bʌ Wen T'añ cha'añ Estudio

² Moisés tsi' pʌyʌ Bezaleel yic'ot Aholiab, yic'ot pejtelel wiñicob tsa' bʌ aq'uentiyob i ña'tʌbal ti lac Yum cha'añ jiñi e'tel, yic'ot wiñicob tsa' bʌ yu'biyob ti' pusic'al cha'añ mi' tilelob ti jiñi e'tel.

Exodo 36:2 Iomraidhean Croise

1 Cronicas 28:21

Wʌ' añob jini motomajob yic'ot jini levíjob mu' bʌ caj i cha'leñob e'tel ti Templo ti mojt ti mojt yic'ot pejtelel mu' bʌ i c'ʌñob i pusic'al ti e'tel, jini año' bʌ i ña'tʌbal ti jujunchajp e'tel, yic'ot jini soldadojob, yic'ot pejtelel israelob. Mi caj i laj jac'beñetob a t'an. Che' tsi' yʌlʌ David.

1 Cronicas 29:5

Jini oro yic'ot plata mi caj i c'ʌjñel cha'an pejtelel yom bʌ melol ti oro yic'ot ti plata, yic'ot cha'an i ch'ʌjlil tac. Wʌle ¿majqui yom i yʌq'uen i majtan lac Yum? La' i yʌc' ti jump'ejl i pusic'al, che'en.

Exodo 25:40

Wen q'uele bajche' yilal wolic pʌsbeñet cha'an che'i mi la' mel pejtelel che' bajche' wolic pʌsbeñet ila ti wits. Che' tsi' yʌlʌ lac Yum.

Exodo 28:3

Añob p'i'p'o' bʌ i pusic'al winicob tsa' bʌ cʌq'ueyob i ña'tʌbal ti' melol wen tac bʌ e'tel. Yom ma' pejcañob cha'an mi' melbeñob i pislel Aarón, cha'an che' jini mi' mejlel i yʌc' i bʌ cha'an mi' melbeñon que'tel che' bajche' motomaj.

Exodo 31:6

Ña'tan ja'el joñon tsac pʌyʌ Aholiab i yalobil Ahisamac, loq'uem bʌ ti' p'olbal Dan. Tsac pʌyʌ cha'an mi' coltan jini Bezaleel. Pejtelel jini am bʌ i ña'tʌbal tsa'ix cʌq'ueyob i ch'ejlel cha'an pejtelel i p'ip'lel i pusic'al, cha'an mi' melob pejtelel chuqui tsa' bʌ c subeyet.

Exodo 35:10

Pejtelel wen yujil bʌ e'tel ti' c'ʌb, la' tilic cha'an mi' melob chuqui tac tsi' yʌlʌ lac Yum: Jini Tabernáculo yic'ot i pislel, yic'ot i majc tac, yic'ot i joc'lib tac, yic'ot i tablajlel tac yic'ot i barajlel tac, yic'ot jini i yoyel, yic'ot i c'ʌclib. Jini Arca yic'ot i barajlel tac, yic'ot i majc ba' mi' ñusʌntel mulil, yic'ot jini joc'ol bʌ pisil ya' ti mal, yic'ot jini mesa, yic'ot pejtelel chuqui tac yom c'ʌñol, yic'ot jini waj mu' bʌ i pʌsbentel Dios, yic'ot i ts'ʌjbib c'ajc, yic'ot mu' bʌ i c'ʌjñel, yic'ot aceite cha'an i ya'lel jini c'ajc, yic'ot i pulʌntib pom, yic'ot i barajlel, yic'ot aceite cha'an bojñibʌl, yic'ot jini xojocña bʌ pom yic'ot pisil mu' bʌ i yajñel ya' ti' ti' i yotot Dios ba' mi la cochel ya' ti Tabernáculo, yic'ot jini pulʌntib ba' mi' pulel majtañʌl, yic'ot i yajñib majtañʌl melbil bʌ ti bronce, yic'ot i barajlel, yic'ot pejtelel chuqui mi' c'ʌjñel, yic'ot i yajñib ja', yic'ot i buchlib, yic'ot jini cortina tac cha'an i patiojlel jini Tabernáculo, yic'ot i te'el tac, yic'ot ba' mi' buchtʌl, yic'ot jini pisil cha'an i ti' jini patio, yic'ot i te'el tac jini Tabernáculo, yic'ot te' tac cha'an patio, yic'ot pejtelel i cʌjchil, yic'ot jalbil bʌ pisil cha'an mi' c'ʌjñel, cha'an mi la' mel la' we'tel ya' ti Ch'ujul bʌ Ajñibʌl, yic'ot jini c'ax sʌc bʌ i pislel Aarón jini motomaj, yic'ot i pislel i yalobilob ja'el cha'an mi' melob i ye'tel ti motomaj. Che' tsi' yʌlʌ lac Yum, che'en.

Exodo 35:2

Wʌcp'ejl jach q'uin yom mi la' cha'len e'tel. Ch'ujulʌch jini wucp'ejlel q'uin q'uin come i q'uiñilelʌch c'aj o cha'an lac Yum. Majqui jach mi' cha'len e'tel ti jini q'uin mi caj i tsʌnsʌntel.

Exodo 36:1

Bezaleel yic'ot Aholiab, yic'ot pejtelel winicob tsa' bʌ aq'uentiyob i ña'tʌbal yic'ot i ch'ejlel cha'an lac Yum yujilob bajche' yom melol pejtelel jini e'tel tac ya' ti Tabernáculo che' bajche' tsi' yʌlʌ lac Yum, che'en Moisés.

Exodo 36:3

Bezaleel yic'ot Aholiab tsi' ch'ʌmbeyob Moisés jini majtañʌl tac tsa' bʌ i ch'ʌmʌyob c'otel jini israelob cha'an mi' mejlel i yotot Dios. Jini winicob yic'ot x'ixicob tsi' chʌn ch'ʌmʌyob c'otel jini majtañʌl tac tilemo' bʌ ti' pusic'al cha'an mi' yʌc'ob ti jujump'ejl sʌc'ajel.

Hechos 14:23

Tsi' wa'chocoyob ancianojob ti jujump'ejl tejclum ba'an xñopt'añob. Tsi' cha'leyob oración yic'ot ch'ajb. Tsi' yʌc'ʌyob ti' c'ʌb lac Yum jini tsa' bʌ i ñopoyob.

Colosenses 4:17

Subenla Arquipo: “Chʌcʌ q'uele a bʌ cha'an ts'ʌcʌl ma' mel a we'tel tsa' bʌ i yʌq'ueyet lac Yum”. Che' yom mi la' suben.

Hebreos 5:4

Ma'anic majch mi' bajñel ch'ʌm jini ñuc bʌ e'tel, cojach jini mu' bʌ i pʌjyel ti Dios che' bajche' tsa' pʌjyi Aarón.