Exodo 34:7 - Chol: I T’an Dios

⁷ Mic p'untan cabʌlob, mic ñusan mulil, yic'ot i ñusʌntel mandar, yic'ot jontolil, pero ma'anic mic ñusʌben i mul jini mu' bʌ i chʌn cha'len mulil cha'an i tsʌtslel i pusic'al. Mi cʌq'ueñob i tojob i mul tatʌlob, yic'ot i yalobilob, yic'ot i butsob, c'ʌlʌl ti' yuxlajmlel yic'ot i chʌnlajmlel i p'olbalob. Che' tsi' yʌlʌ lac Yum Dios.

Chol de Tumbalá Bible

⁷ Mic p'untan cabʌlob, mic ñusan mulil, yic'ot i ñusʌntel mandar, yic'ot jontolil, pero ma'anic mic ñusʌben i mul jini mu' bʌ i chʌn cha'len mulil cha'an i tsʌtslel i pusic'al. Mi cʌq'ueñob i tojob i mul tatʌlob, yic'ot i yalobilob, yic'ot i butsob, c'ʌlʌl ti' yuxlajmlel yic'ot i chʌnlajmlel i p'olbalob. Che' tsi' yʌlʌ lac Yum Dios.

Jiñi Tsiji' bʌ Wen T'añ cha'añ Estudio

⁷ mic p'untan bajc'ʌl wiñicob x'ixicob, mic ñusan mulil, yic'ot jontolil, pero ma'añic mic ñusʌben i mul jiñi mu' bʌ i chʌn cha'leñob jontolil; mi cʌq'uen i tojob i mul tatʌlob, yic'ot i yalobilob, yic'ot i butsob, c'ʌlʌl ti' yuxlajmlel yic'ot ti' chʌnlajmlel i p'olbalob.

Exodo 34:7 Iomraidhean Croise

Genesis 19:16

Pero tsa' to jal'a Lot. Jini winicob tsi' chucbeyob i c'ʌb Lot yic'ot i c'ʌb i yijñam yic'ot i c'ʌb cha'tiquil xch'oc bʌ i yalobil. Lac Yum tsi' p'unta Lot. Tsi' pʌyʌyob loq'uel. Tsa' majli i cʌyob ti' ti' tejclum.

1 Reyob 8:30

A cha'añon. A cha'añob ja'el pejtelel israelob. Jini cha'an yom ma' wubibeñon lojon coración che' an chuqui mij c'ajtibeñet lojon ti' tojel a wotot. Ya' ba' chumulet ti panchan yom ma' ñich'tañon lojon. Che' ma' wubiñon lojon yom ma' ñusʌbeñon lojon c mul.

1 Reyob 8:32

che' jini yom ma' ñich'tʌben i t'an ti panchan. Yom ma' mel che' bajche' an i melbal. Mi an i mul jini winic, la' ajnic ti' wenta cha'an mi' toj. Mi isujm ma'anic i mul, la' ajnic ti uts'at.

2 Cronicas 30:9

Mi uts'at mi la' cha' ac' la' bʌ ti' tojlel lac Yum, mi caj i cha' p'untʌntelob la' pi'ʌlob yic'ot la' walobilob ya' ba' cʌchbilob. Mi caj i cha' julelob ti' lumal. Come wen uts i pusic'al lac Yum Dios. Jal mi' mich'an. Ma'anic mi caj i junyajlel choquetla mi tsa' la' sutq'ui la' bʌ ti' tojlel, che'en.

Nehemias 1:5

Tsa cʌlʌ: C Yum Dios añet bʌ ti panchan, mic pejcañet. P'ʌtʌl bʌ Dioset cabʌl a ñuclel. Mic bʌc'ñañet lojon. Ma' pʌsbeñob a wutslel yic'ot i sujmlel a pacto pejtel mu' bʌ i jac'beñetob a mandar, mu' bʌ i c'uxbiñetob.

Nehemias 9:32

C Dios lojon, ñuc bʌ Dioset, p'ʌtʌlet, bʌc'ñʌbilet. Ma' ts'ʌctesan jini xuc'ul bʌ a t'an. Cabʌl ma' pʌs a c'uxbiya. Jini cha'an q'ueleyon lojon. Cabʌlʌchix c wocol tsa' bʌ tili tic tojlel lojon, ti' tojlel c rey lojon, yic'ot c yumob lojon, yic'ot c motomajob lojon, yic'ot x'alt'añob tsa' bʌ a chocbeyon lojon tilel, yic'ot c tat lojon, yic'ot pejtel winicob x'ixicob a cha'año' bʌ. An c wocol c'ʌlʌl che' bʌ tsi' cha'leyob yumʌntel jini asiriajob c'ʌlʌ wʌle. Ma'anic mi' lajmel.

Job 10:14

Mi tsac cha'le mulil q'uelel a cha'an. Ma'anic mi caj a ñusʌbeñon.

Salmos 103:3

Jiñʌch mu' bʌ i ñusʌbeñon pejtelel c mul. Mi' lajmesʌbeñon pejtelel j c'amʌjel.

Salmos 109:14

C Yum, ña'tʌben i jontolil i tat. Mach yomic mi' ñajʌyel ti a pusic'al i mul i na'.

Salmos 130:4

Pero ma' ñusʌbeñon lojon c mul, Cha'an awom mic bʌc'ñañet lojon.

Salmos 136:10

Suben wocolix i yʌlʌ Dios tsa' bʌ i jisa jini ascuñʌlo' bʌ ti Egipto, Come ti pejtelel ora an i yutslel i pusic'al.

Salmos 136:15

Tsi' choco ochel Faraón yic'ot i soldadojob ya' ti ojlil Chʌchʌc bʌ Ñajb, Come ti pejtelel ora an i yutslel i pusic'al.

Salmos 25:11

Cha'an ma' wʌc' ti cʌjñel a c'aba', C Yum, ñusʌbeñon c mul come cabʌl.

Salmos 86:15

C Yum, ma' p'untan winicob x'ixicob. Ma' pʌsbeñob i yutslel a pusic'al. Ma' cuchbeñob i sajtemal. Cabʌlʌch a wutslel, wen xuc'ulet.

Salmos 99:8

C Yum lojon Dios, tsa' pejcayob. Tsa' ñusʌbeyob i mul, Pero tsa' wʌq'ueyob i toj che' bʌ tsa' jultesʌbeyob i pusic'al.

Exodo 23:21

P'isi ti la' wenta. Jac'benla i t'an. Mach la' ñusʌben i t'an, come ma'anic mi caj i ñusʌbeñet la' mul. Mi caj c tsictesan c bʌ ti la' tojlel quic'ot cAngel.

Exodo 23:7

Mach ma' jop'ben i mul yambʌ. Mach ma' wʌc' ti tsʌnsʌntel jini mach bʌ anic i mul, come ma'anic mi caj c ñusʌbeñet a mul che' jini.

Exodo 33:19

Lac Yum tsi' jac'ʌ: Pejtelel cutslel mi caj i tsictiyel ti a wut. Mi caj c tsictesan j C'aba' ti a tojlel, Joñoñʌch a Yumon. Mi caj c p'untan majqui com c p'untan. Uts mi caj j q'uel jini com bʌ j q'uel ti uts'at.

Exodo 34:9

Tsi' yʌlʌ Moisés: Mi tsa'ix c taja i yutslel a pusic'al, c Yum, yom ma' majlel tic tojlel lojon, come wen tsʌtsob i pusic'al jini tejclum. Ñusʌbeñon lojon contolil yic'ot pejtelel c mul lojon. Ch'ʌmʌyon lojon che' bajche' a cha'an bʌ, che'en.

Isaias 45:21

Mi tsi' coltayetla dioste' subula. Teme la' t'an. Tsictesanla i sujmlel. ¿Majqui tsi' wʌn subu jini woli bʌ i yujtel? ¿Mach ba' anic tsac subu ti wajali? Ma'anic yambʌ Dios. Joñon jach Dioson. Tojon, Xcoltayajon. Ma'anic yambʌ. Joñon jach.

Jeremias 30:11

Añon quic'otet cha'an mi cʌq'uet ti libre, che'en lac Yum. Mi caj c lu' jisʌbeñob i yumʌntel jini winicob ba' tsac chocoyet ti pujquel, pero ma'anic mi caj c lu' jisañet. Mi caj c ju'sʌbeñet a pusic'al cha'an a mul. Ma'anic mic to'ol ñusan mulil.

Jeremias 32:18

Jatet ma' pʌsbeñob i yutslel a pusic'al bajc'ʌl winicob. Ma' wʌq'ueñob i tojbeñob i mul i tatob, jini i yalobilob. Ñuquet, cabʌl a p'ʌtʌlel, Dios. I Yumet Panchan yic'ot Pañimil. Che'ʌch a c'aba'.

Jeremias 9:24

Jini mu' bʌ i chañ'esan i bʌ, la' i ña'tan an i ñuclel cha'an woli' ch'ʌmben isujm yic'ot cha'an woli' cʌñon i Yumon. Wolic pʌsben i yutslel c pusic'al. Mic cha'len chuqui toj. Mic mel winicob x'ixicob ti toj ila ti pañimil. Come tijicñayon che' bajche' jini.

Daniel 9:4

Tsac pejca ti oración lac Yum Dios. Tsac sube c mul yic'ot i mul c pi'ʌlob israelob. Tsac sube: C Yum, ñuc bʌ Dioset, wen bʌc'ñʌbilet. Ma' chʌn ña'tan a t'an cha'an ma' ts'ʌctesʌbeñob jini mu' bʌ i c'uxbiñetob yic'ot jini mu' bʌ i jac'ob a mandar.

Daniel 9:9

Pero jatet, c Yum lojon Dios, awujil p'untaya. Ma' ñusʌbeñob i mul a contrajob.

Miqueas 6:11

¿Yom ba mic to'ol ñusʌbeñob i mul jini xchoñoñelob mu' bʌ i lotiñob i pi'ʌlob yic'ot jechojc bʌ balanza?

Miqueas 7:18

¿Am ba yambʌ Dios lajal bajche' jatet? Jatet jach ma' ñusan mulil. Ma' wʌc' ti ñajʌyel ti a pusic'al i jontolil a winicob tsa' bʌ colobʌjiyob. Come mach mich'etic ti pejtelel ora, Dios. Tijicña a pusic'al che' ma' pʌsbeñon lojon a c'uxbiya.

Nahum 1:6

Ma'anic majqui mi' mejlel ti wa'tʌl ti' tojlel i mich'lel lac Yum. Ma'anic majqui mi mejlel i cuchben i mich'lel. Come ticʌw che' bajche' c'ajc. Mi' bic'ti tojp'ejl xajlel cha'an ti' mich'lel.

Mateo 12:31

Jini cha'an mic subeñetla, pejtelel mulil yic'ot p'ajoñel mi mejlel i ñusʌbentel winicob x'ixicob. Cojach jini p'ajoñel ti' contra Espíritu mach mejlic ti ñusʌbentel.

Mateo 6:12

Ñusʌbeñon lojon c mul che' bajche' mic ñusʌbeñob i mul c pi'ʌlob lojon.

Lucas 7:42

Ma'añobic i chubʌ'an ili xbetob cha'an mi' tojob i bet. Jini winic tsi' ñusʌbeyob i bet ti cha'ticlelob. Ti cha'ticlel mi caj i c'uxbiñob jini winic tsa' bʌ i ñusʌbeyob i bet. Alʌ, che' jini ¿majqui mi caj i ñumen c'uxbin? che'en Jesús.

Lucas 7:48

Tsi' sube x'ixic: Ñusʌbilix a mul, che'en.

Hechos 13:38

Ña'tanla, che' jini, winicob c pi'ʌlob, cha'añʌch ti' ye'tel Jesús mi' ñusʌntel lac mul che' bajche' wolic subeñetla.

Hechos 5:31

Dios tsi' yʌq'ue i ñuclel ya' ti' ñoj. Colem yumʌlʌch, Xcoltayajʌch. Mi' yʌq'ueñob i cʌy i mul jini israelob cha'an mi' ñusʌbeñob i mul.

Efesios 1:7

Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Efesios 4:32

Yom mi la' coltan la' pi'ʌlob ti' yutslel la' pusic'al. P'untan la' pi'ʌlob. Ñusʌben la' bʌ la' mul che' bajche' Dios tsi' ñusʌbeyetla la' mul ti Cristo.

Deuteronomio 32:35

Joñon mi caj j q'uextʌbeñob i mul i contrajob. Mi caj cʌq'ueñob castigo. Mach jalix mi caj i yajlelob, che'en.

Deuteronomio 7:10

Mi' q'uextʌbeñob i mul pejtelob mu' bʌ i ts'a'leñob, mu' bʌ i ñusʌbeñob i t'an. Mi caj i jisañob. Ma'anic mi' jalʌtesan i bʌ cha'an mi' yʌq'ueñob i toj i mul. Muq'uix i yʌq'ueñob i toj.

Deuteronomio 7:9

Ña'tanla che' jini Diosʌch lac Yum, jini jach bʌ Dios, xuc'ul bʌ ti pejtelel ora. Mi' chʌn ña'tan jini xuc'ul bʌ t'an tsa' tʌ i yʌc'ʌ ti lac tojlel. Mi' pʌsbeñob i yutslel i pusic'al jini mu' bʌ i jac'beñob i mandar c'ʌlʌl ti jump'ejl mil i lajm la' p'olbal.

Hebreos 12:29

Come Dios yujil jisaya che' bajche' c'ajc.

Josue 24:19

Josué tsi' subeyob jini winicob x'ixicob: Mach mejlic la' ch'ujutesan lac Yum, come ch'ujulʌch Dios, bʌc'ñʌbilʌch ja'el. Ma'anic mi caj i ñusʌbeñetla la' mul che' mi la' ñusʌben i t'an.

1 Juan 1:9

Mi woli lac suben lac mul Dios mu' bʌ i melonla ti toj, an i xuc'tʌlel i pusic'al che' mi' ñusʌbeñonla lac mul. Mi' pocbeñonla loq'uel pejtelel lac jontolil.

Apocalipsis 20:15

Majqui jach mach ts'ijbubilic i c'aba' ti jun ba' ts'ijbubil i c'aba' jini año' bʌ i cuxtʌlel, tsa' chojqui ochel ti colem c'ajc.

Apocalipsis 21:8

Jini muc'o' bʌ ti bʌq'uen, yic'ot jini mach bʌ anic mi' ñopob, yic'ot jini bibi'o' bʌ, yic'ot stsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre. Jiñʌch i cha'yajlel mi' chʌmelob, che'en.