Exodo 34:6 - Chol: I T’an Dios

⁶ Tsa' c'axi lac Yum ti' tojlel Moisés. Tsi' subu: Joñon Yumaloñʌch, a Yumon, a Dioson, cujil p'untaya, utson, jal mic mich'an, cabʌl mic p'untañob, xuc'ulon.

Chol de Tumbalá Bible

⁶ Tsa' c'axi lac Yum ti' tojlel Moisés. Tsi' subu: Joñon Yumaloñʌch, a Yumon, a Dioson, cujil p'untaya, utson, jal mic mich'an, cabʌl mic p'untañob, xuc'ulon.

Jiñi Tsiji' bʌ Wen T'añ cha'añ Estudio

⁶ Lac Yum tsa' ñumi ti' tojel Moisés, tsi' yʌlʌ ti c'am bʌ t'añ: —¡Yumʌlon, Yumʌlon! p'ʌtʌl bʌ Dioson, cujil bʌ p'untaya, utson, jal mic mich'an, ca'bʌl c p'untaya yic'ot isujmlelon,

Exodo 34:6 Iomraidhean Croise

Genesis 24:27

Tsi' yʌlʌ: La' sujbic i wenlel lac Yum, i Dios c yum Abraham. Ma'anic mi' cʌy i pʌsben c yum Abraham i yutslel yic'ot i sujmlel i t'an. Che' añon ti' bijlel lac Yum tsi' pʌsbeyon tilel c bijlel c'ʌlʌl tsi' pʌyʌyon julel ti' yotot i pi'ʌlob c yum, che'en.

2 Samuel 24:14

David tsi' jac'be Gad: Wen cabʌl jax wolic mel c pusic'al. La' i yʌq'ueñonla wocol lac Yum come cabʌlʌch i c'uxbiya. Pero mach yomic mic yajlel ti' p'ʌtʌlel j contrajob, che'en.

1 Reyob 19:11

Lac Yum tsi' jac'ʌ: Loq'uen ti pam lum. Wa'i' ti jini wits ti' tojel c wut, che'en. Awilan tsa' ñumi lac Yum ya'i. Jump'ejl tsʌts bʌ ic' tsi' jawʌ jini wits. Ti' p'ʌtʌlel Dios tsa' tojp'i xajlel, pero mach ya'ic an lac Yum ya' ti jini ic'. Tsa' tili i yujquel lum, pero mach ya'ic an lac Yum ti jini yujquel.

1 Reyob 8:30

A cha'añon. A cha'añob ja'el pejtelel israelob. Jini cha'an yom ma' wubibeñon lojon coración che' an chuqui mij c'ajtibeñet lojon ti' tojel a wotot. Ya' ba' chumulet ti panchan yom ma' ñich'tañon lojon. Che' ma' wubiñon lojon yom ma' ñusʌbeñon lojon c mul.

2 Cronicas 30:9

Mi uts'at mi la' cha' ac' la' bʌ ti' tojlel lac Yum, mi caj i cha' p'untʌntelob la' pi'ʌlob yic'ot la' walobilob ya' ba' cʌchbilob. Mi caj i cha' julelob ti' lumal. Come wen uts i pusic'al lac Yum Dios. Jal mi' mich'an. Ma'anic mi caj i junyajlel choquetla mi tsa' la' sutq'ui la' bʌ ti' tojlel, che'en.

Nehemias 9:17

Mach yomobic i ch'ujbin a t'an. Ma'anic tsi' yotsayob ti' pusic'al jini bʌbʌq'uen tac bʌ tsa' bʌ a melbeyob. Tsʌts tsi' meleyob i pusic'al c ñojte'el lojon. Ti' bajñel pusic'al tsi' yajcayob i yum cha'an mi' sujtelob ti to'ol e'tel ya' ti Egipto. Uts bʌ Dioset. A wujil i ñusʌntel mulil. Wen a wujil p'untaya. Jal ma' mich'an. Cabʌl a c'uxbiya. Ma'anic tsa' cʌyʌ c ñojte'el lojon

Salmos 108:4

Come mi' tsictiyel jini nuc bʌ a wutslel c'ʌlʌl ti panchan, Yic'ot i xuc'tilel a pusic'al ya' ti tocal.

Salmos 111:4

Tsi' yʌc'ʌ ti chʌn ña'tʌntel jini ñuc tac bʌ i melbal. Uts lac Yum, mi' p'untañonla.

Salmos 111:8

Xuc'chocobil i t'an ti pejtelel ora. Mi' laj ts'ʌctiyel cha'an i xuc'tilel i pusic'al yic'ot i tojel.

Salmos 112:4

An i c'ajc che' mi' yic'an pañimil. Uts i pusic'al jini toj bʌ yujil bʌ p'untaya.

Salmos 116:5

Uts lac Yum, toj ja'el. Mi' p'untañonla lac Dios.

Salmos 138:2

Mic ch'ujutesañet ti' tojel ch'ujul bʌ a Templo. Mic subeñet wocolix a wʌlʌ cha'an ñuc a c'aba'. Ti' xuc'tilel a pusic'al ma' c'uxbiñon lojon. Ñumen ñuc a t'an bajche' pejtel yan tac bʌ a melbal.

Salmos 145:8

Uts lac Yum, wen yujil p'untaya. Jal mi' mich'an. C'ux mi' yubiñonla.

Salmos 146:6

Jiñʌch tsa' bʌ i mele panchan yic'ot pañimil Yic'ot colem ñajb yic'ot pejtel i bʌl.

Salmos 31:19

Wen ñuc i yutslel a pusic'al mu' bʌ caj a pʌsben jini mu' bʌ i bʌc'ñañet. Chajpʌbilet cha'an ma' pʌsben a wutslel jini mu' bʌ i ñopet ti' tojlel i pi'ʌlob.

Salmos 57:10

Come mi' tsictiyel jini ñuc bʌ a c'uxbiya c'ʌlʌl ti panchan. C'ʌlʌl ba'an tocal ya'an i xuc'tilel a pusic'al.

Salmos 86:15

C Yum, ma' p'untan winicob x'ixicob. Ma' pʌsbeñob i yutslel a pusic'al. Ma' cuchbeñob i sajtemal. Cabʌlʌch a wutslel, wen xuc'ulet.

Salmos 86:5

Isujm uts'atet, c Yum, ma' ñusʌbeñon lojon c mul. Ma' pʌsbeñob i yutslel a pusic'al pejtel mu' bʌ i pejcañetob.

Salmos 91:4

Dios mi caj i cʌntañet ti' yebal i wich' yilal che' bajche' mi' luts' i yal i ña'al mut. I xuc'tʌlel i pusic'al jiñʌch lac mʌctijib ba' mi laj cʌntʌntel.

Exodo 20:5

Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

Exodo 22:27

Come jini pisil lʌpbil bʌ i cha'an jiñʌch i mosil che' ti ac'ʌlel. Mi ma'anic ma' sutq'uiben, ¿bajche' mi' caj ti wʌyel? Che' c'am mi' pejcañon mi caj cubiben i t'an, come cujil c'uxbiya.

Exodo 33:19

Lac Yum tsi' jac'ʌ: Pejtelel cutslel mi caj i tsictiyel ti a wut. Mi caj c tsictesan j C'aba' ti a tojlel, Joñoñʌch a Yumon. Mi caj c p'untan majqui com c p'untan. Uts mi caj j q'uel jini com bʌ j q'uel ti uts'at.

Proverbios 3:3

Mach a cʌy p'untaya yic'ot xuc'ul bʌ t'an. Mach a wis cʌy. Ts'ijban cʌytʌl ti a pusic'al.

Eclesiastes 8:11

Dios ma'anic mi' bʌc' aq'ueñob i toj i mul xmulilob. Jini cha'an winicob mi' lon ña'tañob uts'at mi' chʌn cha'leñob jontolil, come ma'anic i tojol mulil, lon che'ob.

Isaias 12:4

Ti jim bʌ q'uin mi' caj la' wʌl: Wocolix i yʌlʌ lac Yum. Uts'atax i c'aba'. Suben winicob ti pejtelel pañimil cabʌl mi' c'uxbiñonla. Cabʌl jax i p'ʌtʌlel.

Isaias 65:16

Majqui jach yom i tajben i yutslel Dios ti jini lum mi caj i wa'chocon i t'an ti' c'aba' jini isujm bʌ Dios, come ma'anix i ña'tʌntel wocol am bʌ ti yambʌ ora. Yajpemix tic wut a mul, che'en.

Jeremias 32:18

Jatet ma' pʌsbeñob i yutslel a pusic'al bajc'ʌl winicob. Ma' wʌq'ueñob i tojbeñob i mul i tatob, jini i yalobilob. Ñuquet, cabʌl a p'ʌtʌlel, Dios. I Yumet Panchan yic'ot Pañimil. Che'ʌch a c'aba'.

Jeremias 9:24

Jini mu' bʌ i chañ'esan i bʌ, la' i ña'tan an i ñuclel cha'an woli' ch'ʌmben isujm yic'ot cha'an woli' cʌñon i Yumon. Wolic pʌsben i yutslel c pusic'al. Mic cha'len chuqui toj. Mic mel winicob x'ixicob ti toj ila ti pañimil. Come tijicñayon che' bajche' jini.

Lamentaciones 3:23

Mi' pʌsbeñonla i yutslel ti jujump'ejl sʌc'an. Xuc'ul i pusic'al ti pejtelel ora.

Joel 2:13

Mach mi la' tsil la' pislel che' ch'ijiyem la' pusic'al, pero yom pec' mi la' mel la' pusic'al. Sutq'uin la' bʌ ba'an lac Yum Dios, come an i yutslel i pusic'al. Yujil i p'untañetla. Mach orajic mi' mich'an. Cabʌl i yutslel i pusic'al. C'ux mi' yubiñet che' mi' ju'sʌbeñet la' pusic'al.

Jonas 4:2

Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.

Miqueas 7:18

¿Am ba yambʌ Dios lajal bajche' jatet? Jatet jach ma' ñusan mulil. Ma' wʌc' ti ñajʌyel ti a pusic'al i jontolil a winicob tsa' bʌ colobʌjiyob. Come mach mich'etic ti pejtelel ora, Dios. Tijicña a pusic'al che' ma' pʌsbeñon lojon a c'uxbiya.

Miqueas 7:20

Mi caj a wʌq'ueñon lojon i yutslel a t'an che' bajche' tsa' sube Jacob ti wajali. Mi caj a c'uxbiñon lojon che' bajche' tsa' sube Abraham yic'ot yambʌ c ñojte'el lojon.

Nahum 1:3

Jal mi' tejchel i mich'ajel lac Yum. Cabʌl i p'ʌtʌlel. Ma'anic mi' to'ol q'uel ti toj jini am bʌ i mul. Lac Yum mi' pʌs i p'ʌtʌlel ti sutujt ic' yic'ot ti p'ʌtʌl bʌ ic'. Lac Yum mi' pʌs i p'ʌtʌlel ti tocal.

Numeros 12:8

Mic cha'len t'an yic'ot Moisés che' bajche' mi la' pejcan la' bʌ ti jamʌl. Mach muculic c t'an ti' tojlel. Mi cʌc' c bʌ ti cʌjñel cha'an mi' q'uel bajche' quilal. ¿Chucoch ma'anic tsa' la' cha'le bʌq'uen che' bʌ tsa' la' wulwul a'le c winic Moisés? che'en lac Yum.

Juan 1:17

Come tsa' c'oti jini mandar ti' tojlel Moisés. Pero ti' caj Jesucristo tsa' tili i yutslel i pusic'al Dios yic'ot i sujmlel.

Romanos 2:4

¿Mu' ba a lon ñusʌben on bʌ i yutslel i pusic'al Dios? ¿Mu' ba a lon ñusan che' jal woli' cuchbeñet a mul ti' yutslel i pusic'al? ¿Mach ba a wujilic, Dios mi' pʌsbeñet i yutslel i pusic'al cha'an ma' cʌy a mul?

Deuteronomio 32:3

Mi caj c sub i ñuclel lac Yum. Wen an i ñuclel ti chan.

Deuteronomio 4:31

Come wen uts i pusic'al lac Yum Dios. Ma'anic mi' caj i cʌyetla ti pejtelel ora. Ma'anic mi caj i jisañetla. Mach ñajʌyic i cha'an ti pejtelel ora jini t'an tsa' bʌ i subeyob la' ñojte'elob.

Deuteronomio 5:10

Mi cutsi p'ojlesʌbeñob i yutslel c pusic'al mu' bʌ i c'uxbiñoñob, mu' bʌ i jac'ob c mandar c'ʌlʌl ti jump'ejl mil i lajm la' p'olbal.

Santiago 5:11

La cujil tijicñayobix cha'an tsi' cuchuyob wocol. Tsa'ix la' wubi bajche' tsi' cuchu wocol ti uts'at jini Job. Tsa'ix la' wubi chuqui tsi' cha'le lac Yum ti' tojlel Job che' ti' yujtibal, come uts i pusic'al lac Yum. Wen yujil p'untaya.