Exodo 34:25 - Chol: I T’an Dios

²⁵ Che' mi la' wʌq'ueñon tsʌnsʌbil bʌ c majtan yic'ot i ñujp, mach yomic levadura. Mach yomic mi la' cʌyben i colojbal cha'an ti yijc'ʌlal, che' ti yorajlel jini q'uin cha'an Pascua.

Chol de Tumbalá Bible

²⁵ Che' mi la' wʌq'ueñon tsʌnsʌbil bʌ c majtan yic'ot i ñujp, mach yomic levadura. Mach yomic mi la' cʌyben i colojbal cha'an ti yijc'ʌlal, che' ti yorajlel jini q'uin cha'an Pascua.

Jiñi Tsiji' bʌ Wen T'añ cha'añ Estudio

²⁵ Che' mi la' wʌq'ueñon tsʌnsʌbil bʌ c majtañ, mach yomic mi la' xʌ' otsan waj am bʌ i levadurajlel, mi yomic mi la' cʌyben i colojbal cha'añ ti yijc'ʌlal, che' ti yorajlel i q'uiñilel Pascua.

Exodo 34:25 Iomraidhean Croise

Exodo 12:10

Mach yomic mi la' cʌy mi ts'ita'ic i colojbal che' mi' sʌc'an. Mi an i colojbal yom mi la' pul.

Exodo 12:20

Mach yomic mi la' c'ux waj am bʌ i levadurajlel. Ti pejtelel la' wotot tac yom mi la' c'ux waj mach bʌ anic i levadurajlel, che'en lac Yum.

Exodo 12:8

Mi caj i c'uxob we'elʌl ti jini ac'ʌlel, pojpobil, yic'ot waj mach bʌ anic i levadurajlel, yic'ot ch'aj bʌ pimel.

Exodo 23:18

Mach mejlic la' wʌq'ueñon i ch'ich'el c majtan yic'ot waj am bʌ i levadurajlel. I lewil jini we'elʌl mach mejlic la' lot c'ʌlʌl che' ti sʌc'ajel.

Exodo 29:34

Yom mi la' pul jini we'elʌl mu' bʌ i colojbʌyel ti yijc'ʌlal come ch'ujulʌch.

Levitico 2:11

Mach yomic xʌbʌl yic'ot levadura mi junchajpic jini majtañʌl mu' bʌ a wʌq'ueñon. Mach yomic che' xʌbʌl ti chab mic pulbentel c majtan.

Levitico 7:15

Jini alʌc'ʌl mu' bʌ cʌq'uentel cha'an mic subentel wocolix cʌlʌ mi caj i c'uxtʌl i bʌc'tal ti jini jach bʌ q'uin. Mach yomic mi' wis cʌytʌl i colobal cha'an yambʌ q'uin.

Numeros 9:12

Mach yomic mi' cʌybeñob i bʌc'tal jini we'elʌl cha'an mi' cha' c'uxob ti yambʌ q'uin. Mach yomic mi' c'ʌsbeñob i bʌquel. Che'ʌch yom mi' melob i q'uiñilel Pascua che' bajche' tsac subeyetla.

Mateo 13:33

Tsi' subeyob yambʌ t'an ti lajiya: I yumʌntel jini am bʌ ti panchan lajalʌch bajche' levadura. Tsi' ch'ʌmʌ juntiquil x'ixic. Tsi' yotsa ti uxp'is harina jinto tsi' xaxa ti pejtelel, che'en.

Deuteronomio 16:3

Yom mi la' c'ux we'el yic'ot waj mach bʌ anic i levadurajlel. Wucp'ejl q'uin mach yomic mi la' c'ux waj am bʌ i levadurajlel cha'an mi la' ña'tan bajche' tsa' loq'uiyetla ti' lumal Egipto. Ma'anic tsa' mejli a xʌb otsan i pajel cha'an tsa' bʌc' loq'uiyetla. Yom mi la' chʌn ña'tan ti pejtelel ora.

Deuteronomio 16:4

Wucp'ejl q'uin mach yomic mi' tajtʌl paj bʌ waj ti la' wotot. Ti ic'ajel che' ti' tejchibal q'uiñijel mi caj la' tsʌnsan wacax o mi tiñʌme'. Pero mach mejlic ti cʌytʌl i colojbal cha'an yambʌ q'uin.