Exodo 34:23 - Chol: I T’an Dios

²³ Uxyajl ti jujump'ejl jab yom mi' tilel ba' añon pejtelel winicob la' cha'an.

Chol de Tumbalá Bible

²³ Uxyajl ti jujump'ejl jab yom mi' tilel ba' añon pejtelel winicob la' cha'an.

Jiñi Tsiji' bʌ Wen T'añ cha'añ Estudio

²³ Uxyajl ti jujump'ejl ja'b yom mi' tilel pejtelel wiñicob x'ixicob ti' tojlel la' Yum i Dios Israel.

Exodo 34:23 Iomraidhean Croise

Genesis 32:28

Jini winic tsi' yʌlʌ: Ma'anix mi caj a chʌn pejcʌntel ti Jacob. Mi caj a pejcʌntel ti Israel, come tsa' cha'le wersa. Tsa' mʌjli a cha'an ti' tojlel Dios, yic'ot ti' tojlel winicob, che'en.

Genesis 33:20

Tsi' wa'choco i pulʌntib i majtan Dios ya'i. Tsi' yotsʌbe i c'aba' El Elohé Israel, “Dios i Diosʌch Israel”.

2 Cronicas 8:13

Ti jujump'ejl q'uin tsi' yʌq'ue che' bajche' jaycojt yom, che' bajche' ts'ijbubil ti' mandar Moisés, ti' q'uiñilel tac c'aj o, yic'ot ti' pasibal uw, yic'ot ti ñuc tac bʌ q'uiñijel uxyajl ti jab. Jiñʌch i q'uiñilel Pascua, yic'ot i q'uiñilel Semana tac, yic'ot i q'uiñilel Lejchempat.

Salmos 84:7

Mux i yʌq'uentelob i p'ʌtʌlel che' mi' majlelob, Jinto mi' c'otelob ba'an Dios ya' ti Sion.

Exodo 23:14

Uxyajl mi caj la' melbeñon q'uiñijel ti jujump'ejl jab.

Exodo 23:17

Uxyajl ti jujump'ejl jab wersa mi la' pʌs la' bʌ tic tojlel ti la' pejtelel.

Ezequiel 46:9

Pero ba' ora mi' yochelob winicob x'ixicob ti corredor am bʌ ti norte cha'an mi' yʌc'ob majtañʌl tac che' ti' yorajlel q'uin, yom mi' loq'uelob ti corredor am bʌ ti sur. Jini mu' bʌ i yochelob ti sur yom mi' loq'uelob ti norte. Mach yomic mi' chʌn loq'uelob ya' ba' mi' yochelob.

Deuteronomio 16:16

Uxyajl ti jujump'ejl jab mi caj i majlelob winicob yic'ot ch'iton bʌ la' walobilob ya' ti ajñibʌl yajcʌbil bʌ i cha'an lac Yum Dios che' ti' q'uiñilel jini waj mach bʌ anic i pajel, yic'ot i q'uiñilel jini semana tac, yic'ot i q'uiñilel jini Tabernáculo. Mach yomic to'ol meq'uel la' c'ʌb mi' la' tilel.

1 Samuel 1:3

Ti jujump'ejl jab i tilel mi' letsel majlel ili winic ti tejclum i c'aba' Silo cha'an mi' ch'ujutesan lac Yum, jiñʌch i Yum Panchan yic'ot Pañimil. Tsa' majli i tsʌnsʌben i majtan. Ya' añob i yalobilob Elí. Jiñobʌch Ofni yic'ot Finees, motomajob i cha'an lac Yum.