Exodo 34:16 - Chol: I T’an Dios

¹⁶ Mach yomic mi la' c'ajtiñob xch'octaco' bʌ i yalobilob cha'an i yijñam la' walobilob che' mi' ch'ujutesañob i diosob, ame i xic'ob la' walobilob i cʌyoñob ja'el cha'an mi' ch'ujutesañob i diosob.

Chol de Tumbalá Bible

¹⁶ Mach yomic mi la' c'ajtiñob xch'octaco' bʌ i yalobilob cha'an i yijñam la' walobilob che' mi' ch'ujutesañob i diosob, ame i xic'ob la' walobilob i cʌyoñob ja'el cha'an mi' ch'ujutesañob i diosob.

Jiñi Tsiji' bʌ Wen T'añ cha'añ Estudio

¹⁶ yic'ot ame la' pʌyben xch'octaco' bʌ i yalobilob cha'añ i yijñam la' walobilob, che' mi' ch'ujutesañob i diosob jiñi xch'octacob, mi caj i xic'beñob la' walobilob cha'añ mi' ch'ujutesañob ja'el, che' jiñi la' walobilob mi caj i tsajcʌbeñob i diosob.

Exodo 34:16 Iomraidhean Croise

1 Reyob 11:1

Salomón mach cojic jach tsi' pʌyʌ ti' yijñam i yalobil Faraón. Tsi' cha'le ñujpuñel yic'ot yaño' bʌ ch'oyolo' bʌ ti Moab, yic'ot ti Amón, yic'ot ti Edom, yic'ot ti Sidón, yic'ot ti Het,

1 Reyob 21:25

Come ti isujm ma'anic yambʌ bajche' Acab tsa' bʌ i yʌc'ʌ i bʌ cha'an mi' mel chuqui jontol ti' wut lac Yum, come i yijñam tsi' xiq'ui ti maña jax bʌ i melbal.

2 Cronicas 21:11

Joram tsi' mele tac pulʌntib ya' ti' witsilel Judá. Tsi' xiq'uiyob jini año' bʌ ti Jerusalén yic'ot jini chumulo' bʌ ti Judá cha'an mi' ch'ujutesañob dioste'.

Esdras 9:12

Jini cha'an tsa' subeyon lojon cha'an ma'anic mic sijibeñob lojon jini xch'oc bʌ calobil lojon. Che' ja'el tsa' tiq'ui jini winic bʌ calobil lojon. Mach yomic mi' pʌyob jini xch'oc bʌ i yalobilob ti' yijñam. Tsa' subeyon lojon mach yomic mij coltan jini sajtemo' bʌ cha'an mi' p'ojlel i chubʌ'an. Tsa' subeyon lojon mi caj a wʌq'ueñon lojon i ñʌch'tʌlel c pusic'al lojon mi uts'at mic jac'beñet lojon. Mi caj a p'ojlesañon lojon ja'el. Xuc'ul mi caj j cʌytʌl lojon tic lum lojon quic'ot calobilob lojon ti pejtelel ora.

Esdras 9:2

Come jini winicob israelo' bʌ tsa'ix i pʌyʌyob xch'oc bʌ i yalobilob jini yambʌ tejclumob cha'an i yijñam. Jini ch'ujul bʌ i tejclum Dios tsa'ix xʌjbi yic'ot yambʌ tejclum tac. Jini yumʌlob tsi' pʌsbeyob maya i pi'ʌlob. Ñaxañob ti jini ñuc bʌ mulil.

Nehemias 10:30

Mach muq'uix lac sijibeñob xch'oc bʌ la calobilob jini mach bʌ lac pi'ʌlobic ti jini lum. Mach muq'uix laj c'ajtibeñob i yijñam la calobilob ti' tojlel jini mach bʌ lac pi'ʌlobic ti jini lum.

Nehemias 10:31

Che' ti' yorajlel c'aj o, mi talob yaño' bʌ winicob x'ixicob año' bʌ ti jini lum cha'an mi' choñob i chubʌ'an mi i bʌl ñʌc'ʌl, ma'anix mi lac mʌn. Mach muq'uix lac cha'len mʌñoñel che' ti ch'ujul bʌ q'uin tac ja'el. Ti' wucp'ejlel jab mach muq'uix lac cha'len pac'. Mux lac junyajlel yʌpben i bet lac pi'ʌlob.

Nehemias 13:23

Che' ti ili ora tsaj q'uele ja'el israelob tsa' bʌ i pʌyʌyob i yijñam ch'oyolo' bʌ ti Asdod, ti Amon, yic'ot ti Moab.

Nehemias 13:25

Tsa cʌ'leyob. Tsac subeyob chocbilobix ti Dios cha'an i mul. Tsac bajbeyob lamital winicob. Tsac bocbeyob i tsutsel i jol. Wersa tsi' yʌc'ʌyob i t'an ti' c'aba' Dios cha'an mi' cʌyob i mel bajche' jini. Tsac subeyob: Mach la' sijibeñob jini xch'oc bʌ la' walobilob jini winicob mach bʌ israelobic. Mach la' c'ajtin xch'oc bʌ i yalobilob cha'an i yijñam la' walobilob. Mach la' c'ajtiñob ja'el cha'an la' wijñam.

Salmos 106:39

Tsa' sojquiyob che' leco i melbalob. Cabʌlob i mul tsi' cha'leyob ts'i'lel.

Oseas 1:2

Jiñʌch ñaxan bʌ t'an tsa' bʌ subenti Oseas cha'an lac Yum: Yom ma' pʌy cha'an a wijñam juntiquil x'ixic mu' bʌ caj i cʌyet cha'an i ts'i'lel. Che' jini mi caj i yʌq'ueñet a majan alobil cha'an i ts'i'lel. Che'i mi caj c tsictesan i ts'i'lel c winicob x'ixicob. Woli' cʌyoñob. Woli' ch'ujutesañob dioste' tac, che'en.

Josue 23:12

Mi tsa' la' tʌts'ʌ la' bʌ, mi tsa' cajiyetla ti tem ajñel la' wic'ot jini tsa' bʌ cʌleyob ti la' lumal, mi tsa' la' cha'le ñujpuñel la' wic'ot, mi tsa' la' xʌbʌ la' bʌ yic'otob,

Josue 23:13

yom mi la' ña'tan ma'anix mi caj i chʌn chocob loq'uel ti la' tojlel lac Yum Dios. Mi caj i soquetla. Mi caj i chuquetla che' bajche' ti yac. Mi caj i ju'sʌbenet la' pusic'al che' bajche' ti asiyal. Mi caj i yʌp la' wut cha'an ma'anix mi la' ch'ʌmben isujm. Che' jini mi caj la' jilel.

Juezob 14:3

I tat yic'ot i ña' tsa' caji i subeñob: ¿Mach ba añobic xch'oc tacob ti' tojlel lac pi'ʌlob wʌ' ba' chumulonla? ¿Chucoch ma' majlel a pʌy i yalobil filisteo mach bʌ i cʌñʌyic Dios? che'ob. Sansón tsi' wersa sube i tat: Cajtibeñon jini xch'oc, come jiñʌch woli bʌ c mulan, che'en.

Juezob 3:5

Jini cha'an tsa' chumleyob israelob yic'ot cananeojob yic'ot heteojob yic'ot amorreojob, yic'ot ferezeojob, yic'ot heteojob, yic'ot jebuseojob.

Juezob 3:6

Tsi' pʌyʌyob xch'oc bʌ i yalobilob cha'an i yijñamob i yalobilob. Che' ja'el tsi' sijiyob i yalobilob cha'an mi' pʌjyelob. Tsi' ch'ujutesayob jini dioste' tac.

Juezob 8:27

Gedeón tsa' caji i mel jump'ejl efod yic'ot jini oro cha'an mi' choc majlel ti cʌntʌntel ya' ti Ofra. Pejtelel jini israelob tsa' caji i ch'ujutesañob jini efod c'ʌlʌl jinto tsa' sojqui ja'el Gedeón temel yic'ot i yalobilob.