Exodo 34:15 - Chol: I T’an Dios

¹⁵ Jini cha'an mach yomic mi la' laj la' t'an yic'ot jini año' bʌ ya' ti tejclum tac, come an cabʌlob ya'i mach bʌ anic mi' ñopoñob, mu' bʌ i ch'ujutesañob i diosob melbil tac bʌ. Mi caj i yʌq'ueñob i majtan i diosob. Mi caj i pʌyetla majlel cha'an mi la' c'uxben i we'el aq'uebilix bʌ i cha'an i diosob.

Chol de Tumbalá Bible

¹⁵ Jini cha'an mach yomic mi la' laj la' t'an yic'ot jini año' bʌ ya' ti tejclum tac, come an cabʌlob ya'i mach bʌ anic mi' ñopoñob, mu' bʌ i ch'ujutesañob i diosob melbil tac bʌ. Mi caj i yʌq'ueñob i majtan i diosob. Mi caj i pʌyetla majlel cha'an mi la' c'uxben i we'el aq'uebilix bʌ i cha'an i diosob.

Jiñi Tsiji' bʌ Wen T'añ cha'añ Estudio

¹⁵ Jiñi cha'añ mach yomic mi la' laj la' t'añ yic'ot jiñi xchumtʌlob año' bʌ ya' ti jiñi tejclum tac, ame che'ic mi cajelob ti leco bʌ q'uiñijel, che' mi' i ch'ujutesañob i diosob yic'ot che' mi yʌq'ueñob i majtañ, mi caj i pʌyetla majlel cha'añ mi la' c'uxben i we'el aq'uebilix bʌ i cha'añ i diosob;

Exodo 34:15 Iomraidhean Croise

1 Cronicas 5:25

Ma'anic tsi' tsajcʌbeyob i Dios i ñojte'elob. Jini jach tsi' tsajcʌbeyob i dioste' tac winicob tsa' bʌ i jisa tac lac Yum.

Esdras 6:9

Aq'uenla jini motomajob ti Jerusalén ti jujump'ejl q'uin pejtelel chuqui anto yom i cha'añob, alʌ tat wacax, yic'ot tat tiñʌme', yic'ot alʌ tiñʌme', cha'an mi' pulbeñob i majtan jini Dios am bʌ ti panchan. Jac'ʌla ti uts'at ti pejtelel chuqui mi' c'ajtiñob jini motomajob año' bʌ ti Jerusalén. Mi ats'am, mi trigo, mi vino, mi aceite, yom mi la' wʌq'ueñob.

Esdras 9:12

Jini cha'an tsa' subeyon lojon cha'an ma'anic mic sijibeñob lojon jini xch'oc bʌ calobil lojon. Che' ja'el tsa' tiq'ui jini winic bʌ calobil lojon. Mach yomic mi' pʌyob jini xch'oc bʌ i yalobilob ti' yijñam. Tsa' subeyon lojon mach yomic mij coltan jini sajtemo' bʌ cha'an mi' p'ojlel i chubʌ'an. Tsa' subeyon lojon mi caj a wʌq'ueñon lojon i ñʌch'tʌlel c pusic'al lojon mi uts'at mic jac'beñet lojon. Mi caj a p'ojlesañon lojon ja'el. Xuc'ul mi caj j cʌytʌl lojon tic lum lojon quic'ot calobilob lojon ti pejtelel ora.

Salmos 106:28

Tsi' chʌn cha'leyob mulil. Tsi' tsajcayob jini dioste' i c'aba' Baal ya' ti Peor. Tsi' c'uxuyob tsʌnsʌbil bʌ i majtan tac jini dioste' mach bʌ anic i cuxtʌlel.

Salmos 73:27

Q'uele bajche' mi' jilelob jini mu' bʌ i tʌts'ob i bʌ ba' añet. Mi caj a jisan pejtel mu' bʌ i cʌyet.

Exodo 22:19

Mi an mu' bʌ i pi'len alʌc'ʌl wersa mi' tsʌnsʌntel.

Exodo 22:20

Wersa mi' tsʌnsʌntel jini mu' bʌ i yʌq'uen i majtan dioste'. Cojach lac Yum mi' yʌq'uentel i majtan.

Exodo 23:32

Mach mi la' mel trato yic'otob. Mach yomic mi la' pejcan i dioste' tac.

Exodo 32:8

Ti ora jach tsa' sajtiyob ya' ti bij ba' tsac pʌsbeyob. Tsa'ix i meleyob juncojt alʌ wacax ti oro. Tsa'ix i ch'ujutesayob. Tsa'ix i yʌq'ueyob i majtan tac. Tsa'ix i yʌlʌyob israelob: “Jiñʌch iliyi lac dios tsa' bʌ i loc'sayonla ti' lumal Egipto”, che'ob. Che' tsi' yʌlʌ lac Yum.

Exodo 34:10

Lac Yum tsi' jac'ʌ: Joñon mi caj c sub xuc'ul bʌ t'an ti' tojlelob pejtelel winicob x'ixicob. Mi caj c mel bʌbʌq'uen tac bʌ, mach bʌ anic ba' ujtem ti yan tac bʌ pañimil mi ti yan tac bʌ lum. Pejtelel jini winicob baqui añet mi caj i q'uel c ñuclel, come wen bʌbʌq'uen mu' bʌ caj c pʌs ti a tojlel.

Exodo 34:12

Jini cha'an tsajin la' bʌ cha'an ma'anic mi la' laj la' t'an yic'ot jini winicob ba' mi caj la' c'otel cha'an ma'anic mi la' tsajcʌbeñob i melbalob.

Jeremias 3:9

Tsa' caji' ch'ujutesan dios tac melbil bʌ ti te' yic'ot ti xajlel. Che' jini tsi' bib'esa jini lum cha'an i ts'i'lel.

Oseas 9:1

Mach yomix tijicñayetla, israelob, che' bajche' yambʌ tejclumob, come tsa'ix la' cʌyʌ la' Dios. Wolix la' ch'ujutesan dioste' tac ti jujump'ejl patio ba' mi' jajts'el trigo.

Levitico 17:7

Pero mach yomic mi' chʌn bajñel ac'ob majtañʌl winicob cha'an mi' yʌq'ueñob jini xibajob. Mach yomic mi' wis ñajʌyel la' cha'an ili mandar ti pejtelel ora.

Numeros 15:39

Che' mi la' q'uel yom mi la' c'ajtesan ti la' pusic'al pejtelel c mandar, cha'an ts'ʌcʌl mi la' chʌn mel, cha'an mach yomic mi la' mel jini mu' bʌ la' bajñel ña'tan ti la' pusic'al. Mach yomic mi la' tsʌclan jini mu' bʌ i bajñel q'uel la' wut cha'an mi' yʌq'ueñetla la' taj la' ts'i'lel.

Numeros 25:1

Che' ya' to chumulob israelob ti Sitim, jini winicob tsa' caji i melob i ts'i'lel yic'ot x'ixicob año' bʌ ti Moab.

Numeros 25:2

Come jini año' bʌ ti Moab tsi' pʌyʌyob winicob israelo' bʌ cha'an mi' melob q'uin che' bʌ tsi' pulbeyob i majtan i dioste' tac.

Hechos 15:20

Cojach yom mi la' ts'ijbubeñob ti jun cha'an mi' cʌyob i c'ux chuqui tac aq'uebil dioste', yic'ot chuqui tac milbil yic'ot i ch'ich'el, cha'an mi' cʌyob i ts'i'lel ja'el.

1 Corintios 10:27

Mi tsi' pʌyʌyetla ti' yotot jini mach bʌ wolic i ñop Dios, cucula mi la' wom majlel. C'uxula chuqui tac mi' yʌq'ueñetla. Mach la' c'ajtiben mi aq'uebil dioste' tac ame tejchic t'an ti la' pusic'al.

1 Corintios 8:10

Come mi tsi' q'ueleyet jini mach bʌ xuc'ulic i pusic'al che' buchulet ti mesa ya' ti' templo dioste' tac, come a wujil uts'at jini we'elʌl, mi caj i ñijcʌyel i pusic'al jini mach bʌ xuc'ulic cha'an mi' c'ux chuqui tac aq'uebil dioste' tac, anquese mi' lon ña'tan mach uts'atic.

1 Corintios 8:4

¿Yom ba mi laj c'ux we'elʌl aq'uebil bʌ dioste' tac ti' majtan? La cujil ma'anic i c'ʌjñibal dioste' tac ti pañimil, come ma'anic yambʌ Dios, juntiquil jach.

1 Corintios 8:7

Mach laj yujilobic i sujmlel jini t'an. Lamital mi' chʌn ña'tañob dioste' tac c'ʌlʌl wʌle che' mi' c'uxob we'elʌl aq'uebil bʌ dioste' tac. Come tile bixelob i pusic'al, mi' sojquelob che' mi' c'uxob.

Deuteronomio 31:16

Lac Yum tsi' sube Moisés: Mi caj a majlel ba'an a ñojte'elob. Mi caj a chʌmel. Jixcu ili winicob x'ixicob, che' mi' c'otelob ti chumtʌl ya' ba'an yaño' bʌ tejclumob, mi caj i tsajcʌbeñob i dioste' tac. Mi caj i cʌyoñob. Mi caj i ñusʌbeñoñob jini xuc'ul bʌ t'an tsa' bʌ c mele quic'otob.

Deuteronomio 31:18

Mi caj j cʌyob cha'an ti' caj i mulob cha'an tsi' ch'ujutesayob yambʌ diosob.

Deuteronomio 32:37

Che' jini lac Yum mi caj i c'ajtibeñob: ¿Bac'an la' dioste'? ¿Bac'an la' xajlel cha'an mi la' majlel ti puts'el?

Deuteronomio 32:38

¿Bac'an la' dios xajlel? Tsa' la' wʌq'ueyob i majtan tac, lew yic'ot vino. La' i coltañetla, la' i yotsañetla ti' wenta.

Deuteronomio 7:2

Lac Yum Dios mi caj i yʌc'ob ti a p'ʌtʌlel cha'an mi la' jisañob. Che' mʌlbilix la' cha'an, yom mi' la' junyajlel jisañob ti pejtelob. Mach yomic mi la' laj la' t'an yic'otob. Mach yomic mi la' p'untañob.

Deuteronomio 7:3

Mach yomic mi la' ñujpuñijel yic'otob. Mach yomic mi la' sijibeñob xch'oc bʌ la' walobilob. Mach yomic mi la' c'ajtiben xch'oc bʌ i yalobilob cha'an la' walobilob,

Josue 23:12

Mi tsa' la' tʌts'ʌ la' bʌ, mi tsa' cajiyetla ti tem ajñel la' wic'ot jini tsa' bʌ cʌleyob ti la' lumal, mi tsa' la' cha'le ñujpuñel la' wic'ot, mi tsa' la' xʌbʌ la' bʌ yic'otob,

Apocalipsis 2:20

Mic subeñetla ja'el chuqui mach wenic ti la' tojlel. Mi la' cuchben i jontolil jini x'ixic Jezabel, mu' bʌ i cuy i bʌ ti x'alt'an. Mi' cʌntesan c winicob. Mi' socbeñob i pusic'al cha'an mi' cha'leñob ts'i'lel, cha'an mi' c'uxob we'elʌl aq'uebil bʌ dios tac.

Juezob 2:17

Pero ma'anic tsi' jac'beyob i yaj coltayajob ja'el. Tsi' tsajcayob dios tac. Tsi' ch'ujutesayob. Tsi' bʌc' cʌyʌyob jini bij tsa' bʌ i xʌñʌyob majlel i ñojte'elob tsa' bʌ i jac'beyob i mandar lac Yum. Ma'anic tsi' jac'beyob lac Yum.

Juezob 3:6

Tsi' pʌyʌyob xch'oc bʌ i yalobilob cha'an i yijñamob i yalobilob. Che' ja'el tsi' sijiyob i yalobilob cha'an mi' pʌjyelob. Tsi' ch'ujutesayob jini dioste' tac.