Exodo 34:14 - Chol: I T’an Dios

¹⁴ Mach comic mi caj la' ch'ujutesan yambʌ dios, come mic mich'leñetla che' mi la' ch'ujutesan. Joñon jach yom mi la' ch'ujutesañon.

Chol de Tumbalá Bible

¹⁴ Mach comic mi caj la' ch'ujutesan yambʌ dios, come mic mich'leñetla che' mi la' ch'ujutesan. Joñon jach yom mi la' ch'ujutesañon.

Jiñi Tsiji' bʌ Wen T'añ cha'añ Estudio

¹⁴ Mach yomic mi caj la' ñucchocon la' bʌ cha'añ mi la' ch'ujutesan yam bʌ dios, come la' Yum mi caj i mich'leñetla. Joñon jach yom mi la' ch'ujutesañon.

Exodo 34:14 Iomraidhean Croise

1 Reyob 14:15

Lac Yum mi caj i yʌq'uen wocol Israel che' bajche' amʌy jats'bil bʌ ti ja'. Mi caj i boc loq'uel che' bajche' te'. Mi caj i loc'sañob ti jini uts'at bʌ lum tsa' bʌ i yʌq'ueyob i ñojte'elob. Mi caj i laj pucob majlel ti junwejl Eufrates, come tsi' meleyob i yejtal dios tac. Tsi' techbeyob i mich'ajel lac Yum.

1 Reyob 19:10

Elías tsi' jac'ʌ: Tsac wen melbeyet a we'tel i Yumet bʌ Panchan yic'ot Pañimil. Jini israelob tsi' laj tsʌnsayob jini x'alt'añob a cha'an ti oñiyi c'ʌlʌl wʌle. Tsi' cʌyʌyob jini xuc'ul bʌ a t'an. Tsi' jemeyob i pulʌntib a majtan. Tsi' tsʌnsayob x'alt'añob a cha'an. C bajñel jach tsa' cʌleyon. Woli' sʌclañoñob ja'el cha'an mi' tsʌnsañoñob, che'en.

Exodo 33:19

Lac Yum tsi' jac'ʌ: Pejtelel cutslel mi caj i tsictiyel ti a wut. Mi caj c tsictesan j C'aba' ti a tojlel, Joñoñʌch a Yumon. Mi caj c p'untan majqui com c p'untan. Uts mi caj j q'uel jini com bʌ j q'uel ti uts'at.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 9:6

Come mi caj i yilan pañimil alʌ ch'iton cha'an mi' coltañonla. Dios mi caj i yʌq'ueñonla i yalobil. Mi caj i yotsʌbentel i c'aba': C'ax Ñuc Bʌ, Caj Cʌntesa, P'ʌtʌl bʌ Dios, Lac Tat Am Bʌ ti Pejtelel Ora, Xlajmesaleto mu' bʌ i cha'len yumʌl.

Ezequiel 23:25

Tic mich'ajel mi caj c pʌy tilel winicob mu' bʌ caj i tic'lañet. Muq'uix i loc'sʌbeñet a ñi' yic'ot a chiquin. Jini cuxulob to bʌ ti a tojlel mi caj i jisʌntelob ti espada. Mi caj i pʌyob majlel ch'iton bʌ yic'ot xch'oc bʌ a walobilob. Mi caj i pulob a chubʌ'an mu' bʌ i cʌytʌl.

Nahum 1:2

Lac Yum Dios mi' mich'an che' mi' yʌñob i pusic'al i cha'año' bʌ. Mi' q'uextʌbeñob i mul, cabʌl i mich'lel. Mi' q'uextʌbeñob i mul i contrajob. Ma'anic mi' cʌy i mich'leñob.

Mateo 4:10

Jesús tsi' sube: Cucu, Satanás, come ts'ijbubil: “Yom ma' ch'ujutesan a Yum Dios. Cojach jini yom ma' yuman”, che'en.

1 Corintios 10:22

¿Mu' ba lac techben i mich'ajel lac Yum? ¿Ñumen p'ʌtʌlon ba la bajche' lac Yum?

Deuteronomio 29:20

Lac Yum ma'anic mi caj i ñusʌben i mul. Muq'uix cajel i pʌsben i mich'ajel yic'ot i tsʌytsʌyñʌyel i pusic'al. Mi caj i yʌq'uen pejtel jini wocol yic'ot c'amʌjel ts'ijbubil bʌ ti ili jun. Lac Yum mi caj i junyajlel ac' ti jilel i c'aba' ila ti pañimil.

Deuteronomio 32:16

Tsa' caji i tsajcañob yambʌ dioste' tac, Lac Yum tsi' mich'leyob, Tsʌytsʌyña i pusic'al tsi' q'ueleyob.

Deuteronomio 32:21

Tsa'ix i techbeyon i tsʌytsʌñʌyel c pusic'al cha'an i dioste' mach bʌ Diosic. Joñon mi caj cotsʌbeñob i tsʌytsʌyñʌyel i pusic'al Che' mij c'uxbin yambʌ tejclumob año' bʌ ti pañimil, jini cʌybilix bʌ.

Deuteronomio 4:24

Lajalʌch la' Yum Dios bajche' c'ajc yujil bʌ jisaya. Tsʌytsʌyña i pusic'al che' mi la' cʌy.

Deuteronomio 5:24

Tsa' la' wʌlʌ: Quelelix lac cha'an i ñuclel Dios yic'ot i p'ʌtʌlel. Lac Yum Dios tsa'ix i pʌsbeyonla. Tsa'ix la cubibe i t'an ya' ti' yojlil c'ajc. La cujilix melel mi mejlel i pejcan Dios winic come chʌn cuxulet.

Deuteronomio 5:7

Mach a ñop yambʌ dios cha'an ma' xʌb otsan yambʌ tic tojlel.

Deuteronomio 6:15

ame mi' mich'leñetla lac Yum Dios am bʌ ti la' tojlel, come tsʌytsʌyña i pusic'al che' mi la' cʌy cha'an la' mul. Jini cha'an yom tsajaletla ame i lu' jisañetla.

Josue 24:19

Josué tsi' subeyob jini winicob x'ixicob: Mach mejlic la' ch'ujutesan lac Yum, come ch'ujulʌch Dios, bʌc'ñʌbilʌch ja'el. Ma'anic mi caj i ñusʌbeñetla la' mul che' mi la' ñusʌben i t'an.

Juezob 6:10

Tsac subeyetla: A Yumon, a Dioson. Mach mi' la' bʌc'ñan i diosob amorreojob ba' woliyetla ti chumtʌl, cho'on, pero ma'anic tsa' la' jac'ʌ c t'an”. Che' tsi' yʌlʌ lac Yum, che'en jini x'alt'an.