Exodo 34:13 - Chol: I T’an Dios

¹³ Mi caj la' jembeñob i pulʌntib i majtan i diosob. Mi caj la' c'ʌsbeñob i dios tacob. Mi caj la' tsepbeñob jini ch'ujul tac bʌ i te'ob.

Chol de Tumbalá Bible

¹³ Mi caj la' jembeñob i pulʌntib i majtan i diosob. Mi caj la' c'ʌsbeñob i dios tacob. Mi caj la' tsepbeñob jini ch'ujul tac bʌ i te'ob.

Jiñi Tsiji' bʌ Wen T'añ cha'añ Estudio

¹³ Mi caj la' jembeñob i pulʌntib i majtañ i diosob, mi caj la' c'ʌsbeñob i yejtal i diosob yic'ot mi caj la' jisan i yejtal tac dios Asera.

Exodo 34:13 Iomraidhean Croise

1 Reyob 14:15

Lac Yum mi caj i yʌq'uen wocol Israel che' bajche' amʌy jats'bil bʌ ti ja'. Mi caj i boc loq'uel che' bajche' te'. Mi caj i loc'sañob ti jini uts'at bʌ lum tsa' bʌ i yʌq'ueyob i ñojte'elob. Mi caj i laj pucob majlel ti junwejl Eufrates, come tsi' meleyob i yejtal dios tac. Tsi' techbeyob i mich'ajel lac Yum.

2 Reyob 10:27

Tsi' xuluyob i yejtal tac Baal. Tsi' jisʌbeyob i c'ʌjñibal i templo Baal. Tsa' sujti ti' yotlel ta'jibʌl c'ʌlʌl wʌle.

2 Reyob 18:4

Ezequías tsi' jeme jini pulʌntib am bʌ ti bujbujtʌl. Tsi' laj top'o jini wa'al tac bʌ i yejtal tac Asera. Tsi' c'ʌsʌ jini lucum melbil bʌ ti bronce tsa' bʌ i mele Moisés, come jini israelob tsa' caji i ch'ujutesañob. Tsi' pulbeyob pom ti tojlel, anquese bronce jach.

2 Reyob 23:14

Josías tsi' laj xulu pejtel i yoyel tac yic'ot i yejtal tac dios quisintic jax bʌ ti q'uelol. Ya' ba' tsi' boco loq'uel ti lum tsi' choco ochel i bʌquel ch'ujlelʌl.

2 Cronicas 14:3

Come tsi' laj jeme jini pulʌntib tac i cha'an dioste'. Tsi' laj c'ʌsʌ jini dios tac yic'ot ja'el i yejtal tac Asera.

2 Cronicas 15:16

Jini rey Asa tsi' loc'sa i ña' ti' ye'tel ti' yumʌntel cha'an tsi' mele quisintic jax bʌ dios i c'aba' Asera. Asa tsi' bic'ti jeme. Tsa' majli i pul ya' ti pa' i c'aba' Cedrón.

2 Cronicas 17:6

Ñumen tsa' caji ti bʌx'an ti' ye'tel lac Yum. Tsi' laj jeme pejtelel jini pulʌntib am bʌ ti bujbujtʌl yic'ot i yejtal dios Asera ya' ti Judá.

2 Cronicas 24:18

Che' jini tsi' cha' cʌyʌyob i Dios i ñojte'elob yic'ot i Templo. Tsa' caji i cha' ch'ujutesañob jini quisintic jax bʌ dios Asera yic'ot yan tac bʌ dioste'. Che' jini lac Yum tsi' cha' mich'le Judá yic'ot Jerusalén.

2 Cronicas 31:1

Che' bʌ tsa' majliyob jini israelob, tsa' ñumiyob ti Jerusalén yic'ot ti pejtelel tejclum tac ti Judá, Benjamín, Efraín yic'ot Manasés. Tsi' laj c'ʌsʌyob jini dioste' yic'ot i yejtal tac jini quisintic jax bʌ dios Asera. Tsi' laj jemeyob jini pulʌntib tac. Che' jini tsa' cha' sujtiyob majlel ti' lumal, jujuntiquil ti' chumlib.

2 Cronicas 33:19

Laj ts'ijbubil ti' juñilel jini x'alt'añob i yoración Manasés, yic'ot i p'untʌntel ti Dios, yic'ot pejtelel i mul che' bʌ tsi' ñusʌbe i t'an Dios, yic'ot i c'aba' jini tejclum tac ba' tsi' wa'choco pulʌntib, yic'ot ba' tsi' mele jini dios Asera yic'ot yan tac bʌ dioste' che' maxto anic tsi' peq'uesa i bʌ.

Exodo 23:24

Mach yomic mi la' ch'ujutesan i dioste' tac. Mach yomic mi la' cha'libeñob i ye'tel. Mach yomic mi la' mel che' bajche' i melbalob. Yom mi la' jisañob ti pejtelelob. Yom mi la' jem pejtelel i dioste' tac.

Isaias 17:8

Ti jim bʌ ora mach chʌn cʌyʌlix i pusic'al ti pulʌntib tac tsa' bʌ i wa'chocoyob mi ti jini diosob tsa' bʌ i meleyob. Mach chʌn c'uxix mi caj i yubiñob i yejtal tac Asera mi i yejtalic q'uin.

Isaias 27:9

Che'ʌch tsi' pocbeyob loq'uel i mul Jacob. Tsi' jisa pejtelel jini dioste' yic'ot pulʌntib, yic'ot oy tac ba' tsi' ch'ujutesayob q'uin, cha'an ma'anix mi' chʌn cha'leñob jini quisintic jax bʌ. Tsi' yʌc'ʌ ti bic'tiyel jini xajlel am bʌ ti pulʌntib cha'an ma'anic mi' chʌn ch'ujutesañob.

Jeremias 17:2

Jini ch'itoñob ti Judá mi' yesmañob mulil. Mi' c'uxbiñob i yejtal Asera ti' yʌxñʌlel te' ya' ti' chañelal wits,

Miqueas 5:14

Mi caj c wersa choc loq'uel ti la' tojlel jini dios Asera yic'ot i templo tac. Pucujemel mi caj i cʌytʌl pejtel la' tejclum.

Numeros 33:52

Che' jini yom mi la' choc loq'uel pejtelel jini ya' bʌ chumulob. Yom mi la' laj jembeñob i diosob melbil tac bʌ ti xajlel, yic'ot ti taq'uin. Yom mi la' junyajlel jisʌbeñob i yajñibob ba' mi' ch'ujutesañob.

Deuteronomio 16:21

Mach mi la' wa'chocon jini dioste' tac ti' t'ejl jini pulʌntib i cha'an lac Yum Dios.

Deuteronomio 16:22

Mach yomic mi la' wa'chocon oy tac mi wa'al bʌ xajlel ti' t'ejl i pulʌntib, come ts'a' mi' q'uel lac Yum Dios.

Deuteronomio 7:5

Pero yom mi la' mel che' bajche' jini: Jembenla jini wa'chocobil bʌ baqui mi' pulbeñob i majtan i diosob. Xulbenla jini ch'ujul bʌ oy i cha'añob. Yom mi la' laj jisʌbeñob i dios Asera. Yom mi la' pul ti pejtelel.

Juezob 2:2

Pero mach yomic mi la' laj la' t'an yic'ot chumulo' bʌ ti ili lum. Jembenla i yajñib i dioste', cho'on. Pero jatetla ma'anic tsa' la' jac'ʌ c t'an. ¿Chucoch tsa' la' cha'le bajche' iliyi?

Juezob 6:25

Awilan ti jini jach bʌ ac'ʌlel lac Yum tsa' caji' pejcan: Loc'san tat wacax ti' potrero a tat, juncojt tat wacax am bʌ jump'ejl i jabilel. Yom ma' jem jini pulʌntib i cha'an Baal am bʌ ti' yotot a tat. Bic'ti top'o jini dios Asera ya' bʌ lotol ti' t'ejl.

Juezob 6:26

Cha' wa'chocobeñon pulʌntib cha'an ma' wʌq'uen i majtan a Yum Dios ti' pam jini xuc'ul bʌ xajlel. Tsolol yom jini xajlel tac. Pʌyʌ tilel jini wacax. Yom ma' pulbeñon c majtan ya' ti pulʌntib. Pulu jini dioste' Asera che' bajche' si', che'en.