Exodo 34:12 - Chol: I T’an Dios

¹² Jini cha'an tsajin la' bʌ cha'an ma'anic mi la' laj la' t'an yic'ot jini winicob ba' mi caj la' c'otel cha'an ma'anic mi la' tsajcʌbeñob i melbalob.

Chol de Tumbalá Bible

¹² Jini cha'an tsajin la' bʌ cha'an ma'anic mi la' laj la' t'an yic'ot jini winicob ba' mi caj la' c'otel cha'an ma'anic mi la' tsajcʌbeñob i melbalob.

Jiñi Tsiji' bʌ Wen T'añ cha'añ Estudio

¹² Cʌntan la' bʌ cha'añ ma'añic mi la' laj la' t'añ yic'ot jiñi wiñicob x'ixicob ya' ba' mi caj la' c'otel, cha'añ ma'añic mi la' tsajcʌbeñob i melbal.

Exodo 34:12 Iomraidhean Croise

1 Reyob 11:2

anquese tic'bil cha'an mi' pʌyob ti' yijñam jini ch'oyolo' bʌ ti yan tac bʌ lum. Come i tilel jini x'ixicob mi' subeñob i ñoxi'al cha'an mi' ch'ujutesan dioste' tac. Pero Salomón ma'anic tsi' jac'ʌ i tic'ol.

2 Reyob 17:10

Tsi' meleyob wa'al bʌ xajlel tac yic'ot dioste' tac ya' ti bujbujtʌl, yic'ot ti yebal jini yʌxte' ti pejtelel i lumal.

2 Cronicas 24:18

Che' jini tsi' cha' cʌyʌyob i Dios i ñojte'elob yic'ot i Templo. Tsa' caji i cha' ch'ujutesañob jini quisintic jax bʌ dios Asera yic'ot yan tac bʌ dioste'. Che' jini lac Yum tsi' cha' mich'le Judá yic'ot Jerusalén.

Salmos 106:36

Tsi' ch'ujutesayob i dioste' tac sajtemo' bʌ. Jini cha'an tsa' sojquiyob.

Numeros 33:52

Che' jini yom mi la' choc loq'uel pejtelel jini ya' bʌ chumulob. Yom mi la' laj jembeñob i diosob melbil tac bʌ ti xajlel, yic'ot ti taq'uin. Yom mi la' junyajlel jisʌbeñob i yajñibob ba' mi' ch'ujutesañob.

Deuteronomio 20:18

Yom mi la' laj jisañob ame sojquiquetla ti yambʌ cʌntesa ts'a'lebil bʌ ti Dios, ame la' lon ñopben i melbal tac, come leco bajche' mi' melob ti' tojlel i dioste' tac. Jiñʌch ñuc bʌ mulil ti' wut lac Yum Dios.

Deuteronomio 31:5

Lac Yum mi caj i yʌc'ob ti la' wenta jini chumulo' bʌ ya'i. Yom mi la' jisañob che' bajche' tsac subeyetla.

Deuteronomio 7:16

Yom mi la' laj jisan jini tejclum tac mu' bʌ caj i yʌq'ueñetla lac Yum Dios. Mach yomic mi la' p'untañob. Mach yomic mi la' yuman i diosob, ame chujquiquetla che' bajche' ti yac.

Deuteronomio 7:2

Lac Yum Dios mi caj i yʌc'ob ti a p'ʌtʌlel cha'an mi la' jisañob. Che' mʌlbilix la' cha'an, yom mi' la' junyajlel jisañob ti pejtelob. Mach yomic mi la' laj la' t'an yic'otob. Mach yomic mi la' p'untañob.

Josue 9:7

Jini israelob tsi' subeyob jini heveojob: ¿Mach ba wʌ'ic chumuletla ti lʌc'ʌl? ¿Bajche' mi mejlel c laj lojon c t'an la' wic'ot? che'ob.

Juezob 6:10

Tsac subeyetla: A Yumon, a Dioson. Mach mi' la' bʌc'ñan i diosob amorreojob ba' woliyetla ti chumtʌl, cho'on, pero ma'anic tsa' la' jac'ʌ c t'an”. Che' tsi' yʌlʌ lac Yum, che'en jini x'alt'an.

Juezob 8:27

Gedeón tsa' caji i mel jump'ejl efod yic'ot jini oro cha'an mi' choc majlel ti cʌntʌntel ya' ti Ofra. Pejtelel jini israelob tsa' caji i ch'ujutesañob jini efod c'ʌlʌl jinto tsa' sojqui ja'el Gedeón temel yic'ot i yalobilob.