Exodo 34:1 - Chol: I T’an Dios

¹ Lac Yum tsi' sube Moisés: Pajlin cha'q'uejl xajlel lajal bajche' ti ñaxan, cha'an mic ts'ijban ya' ti xajlel jini t'an am bʌ ti ñaxan tsa' bʌ a top'o.

Chol de Tumbalá Bible

¹ Lac Yum tsi' sube Moisés: Pajlin cha'q'uejl xajlel lajal bajche' ti ñaxan, cha'an mic ts'ijban ya' ti xajlel jini t'an am bʌ ti ñaxan tsa' bʌ a top'o.

Jiñi Tsiji' bʌ Wen T'añ cha'añ Estudio

¹ Lac Yum tsi' su'be Moisés: —Chajpan cha'q'uejl xajlel lajal bʌ che' bajche' jiñi ñaxan bʌ, cha'añ mic ts'ijban ya' ti xajlel jiñi t'añ am bʌ ti ñaxan bʌ xajlel tsa' bʌ a top'o.

Exodo 34:1 Iomraidhean Croise

Salmos 119:89

Ti pejtelel ora tsʌts xuc'ul a t'an ti panchan.

Exodo 24:12

Lac Yum tsi' sube Moisés: La' ti wits ba' añon. Pijtañon ilayi. Mi caj cʌq'ueñet wechel bʌ xajlel ba' tsac ts'ijba jini mandar tac cha'an ma' cʌntesan jini winicob x'ixicob, che'en.

Exodo 31:18

Che' bʌ lac Yum tsa' ujti i pejcan Moisés ya' ti wits i c'aba' Sinaí, tsi' yʌq'ue Moisés cha'q'uejl xajlel ba' ts'ijbubil i t'an ti' c'ʌb Dios.

Exodo 32:16

Jini xajlel i melbalʌch Dios. Jini i ts'ijbal i ts'ijbubalʌch Dios.

Exodo 32:19

Pero che' tsa' c'oti ya' ba' tempʌbilob, tsi' q'uele ya'an alʌ tat wacax. Woli' soñiñob. Tsa' mich'a Moisés. Ya' ti yebal jini wits tsi' choco jini cha'q'uejl xajlel am bʌ ti' c'ʌb. Tsi' top'o.

Exodo 34:28

Ya'i tsa' ajni Moisés yic'ot lac Yum cha'c'al q'uin yic'ot cha'c'al ac'ʌlel. Ma'anic tsi' c'uxu waj, mi tsa'ic i japʌ ja'. Ya'i tsi' ts'ijba jini xajlel tac jini xuc'ul bʌ t'an. Jiñʌch lujump'ejl mandar.

Exodo 34:4

Moisés tsi' chajpa jini cha'q'uejl xajlel lajal bajche' jini ñaxan bʌ tsa' bʌ i top'o. Tsa' ch'ojyi ti sʌc'ajel. Tsa' letsi ya' ti wits i c'aba' Sinaí che' bajche' tsi' sube lac Yum. Tsi' ch'ʌmʌ majlel ti' c'ʌb jini cha'q'uejl xajlel.

Jeremias 36:32

Jini cha'an Jeremías tsi' ch'ʌmʌ yambʌ jun. Tsi' yʌq'ue jini sts'ijbaya Baruc (i yalobil Nerías). Baruc tsi' cha' otsa ti jun pejtel chuqui tsi' sube Jeremías che' bajche' ti ñaxan, come jini rey Joacim tsi' pulu ti c'ajc jini ñaxan bʌ jun. Pero tsi' cha' otsa yambʌ t'an i pi'ʌl bʌ.

Deuteronomio 4:13

Lac Yum tsi' tsictesʌbeyetla i t'an cha'an mi la' jac'. An lujump'ejl jini mandar. Lac Yum tsi' ts'ijbu ti cha'q'uejl xajlel.