Exodo 33:9 - Chol: I T’an Dios

⁹ Che' wolix ti ochel Moisés ya' ti otot, tsa' jubi ti wa'tʌl ya' ti' tojel i ti' jini Tabernáculo, jump'ejl wa'al bʌ Tocal, cha'an mi' pejcañob i bʌ lac Yum yic'ot Moisés.

Chol de Tumbalá Bible

⁹ Che' wolix ti ochel Moisés ya' ti otot, tsa' jubi ti wa'tʌl ya' ti' tojel i ti' jini Tabernáculo, jump'ejl wa'al bʌ Tocal, cha'an mi' pejcañob i bʌ lac Yum yic'ot Moisés.

Jiñi Tsiji' bʌ Wen T'añ cha'añ Estudio

⁹ Che' wolix ti ochel Moisés ya' ti otot, tsa' ju'bi ti wa'tʌl ya' ti' tojel i ti' jiñi Tabernáculo, jump'ejl wa'al bʌ tocal, cha'añ mi' pejcañob i bʌ lac Yum yic'ot Moisés.

Exodo 33:9 Iomraidhean Croise

Genesis 17:22

Che' bʌ tsa' ujti i pejcan Abraham, tsa' letsi majlel Dios.

Genesis 18:33

Lac Yum tsa' majli che' bʌ tsa' ujti i pejcan Abraham. Tsa' cha' sujti majlel Abraham ti' yotot.

Salmos 99:7

Ya' ti wa'al bʌ tocal tsi' cʌntesayob. Tsi' jac'beyob i t'an yic'ot jini mandar tsa' bʌ i yʌq'ueyob.

Exodo 25:22

Mi caj lac taj lac bʌ ya'i. Mi caj lac tem cha'len t'an ya' ti' pam jini Ajñibʌl ba' mic ñusan mulil ya' ti' yojlil jini cha'tiquil i yejtal ángelob. Pejtelel jini t'an mu' bʌ caj c subeñet mi caj i yajñel ya' ti' mal Arca. Mi caj c subeñet pejtelel jini mandar tac yom bʌ mi' jac'ob jini israelob.

Exodo 31:18

Che' bʌ lac Yum tsa' ujti i pejcan Moisés ya' ti wits i c'aba' Sinaí, tsi' yʌq'ue Moisés cha'q'uejl xajlel ba' ts'ijbubil i t'an ti' c'ʌb Dios.

Exodo 33:10

Che' jini pejtelel jini winicob tsi' q'ueleyob jini wa'al bʌ Tocal ya' bʌ an ti' jini Tabernáculo. Ti pejtelel ora che' mi' q'uelob jini, mi' tejchelob ti' ti' i yotot cha'an mi' ch'ujutesañob lac Yum.

Exodo 33:11

Lac Yum tsi' pejca Moisés ti' wut che' bajche' juntiquil winic mi' pejcan jini cʌñʌl bʌ i cha'an. Che' jini tsa' cha' sujti Moisés ya' ti tejclum. Pero jini ch'iton Josué (i yalobil Nun), jini x'e'tel i cha'an, ma'anic tsa' sujti. Ya' tsa' cʌle ti Tabernáculo.

Exodo 33:8

Che' baqui ora tsa' majli Moisés ya' ti Tabernáculo, ti' pejtelelob jini winicob tsa' wa'leyob ti jujuntiquil ya' ti' ti'ob i yotot cha'an mi' q'uelob Moisés jinto tsa' c'ʌlʌ ochi ya' ti Tabernáculo.

Exodo 34:3

Mach yomic mi' letsel yambʌ winic a wic'ot. Ma'anic majch yom mi' c'otel ya' ti wits, mi tiñʌme'ic, mi wacaxic. Mach yomic mi' cha'leñob xʌmbal ya' ti wits, che'en.

Exodo 34:5

Lac Yum tsa' jubi tilel ti Tocal. Tsa' ajni ya'i yic'ot Moisés. Lac Yum tsi' yʌlʌ: Joñon Diosoñʌch, Yumʌloñʌch mu' bʌ c cha'len p'untaya, che'en.

Exodo 34:9

Tsi' yʌlʌ Moisés: Mi tsa'ix c taja i yutslel a pusic'al, c Yum, yom ma' majlel tic tojlel lojon, come wen tsʌtsob i pusic'al jini tejclum. Ñusʌbeñon lojon contolil yic'ot pejtelel c mul lojon. Ch'ʌmʌyon lojon che' bajche' a cha'an bʌ, che'en.

Ezequiel 3:22

Tsa cubi i c'ʌb lac Yum tic tojlel. Tsi' cha' subeyon: Ch'ojyen, yom ma' majlel ti joctʌl. Ya'i mi caj c pejcañet, che'en.

Numeros 11:17

Che' jini mi caj c jubel tilel cha'an mic pejcañet. Mi caj cʌq'ueñob jini Espíritu che' bajche' tsa cʌq'ueyet. Che' jini temel mi caj la' cuch ili wocol. Mi caj i coltañetob ili lujuntiquil i chʌnc'al winicob.

Numeros 7:89

Che' bʌ tsa' ochi ti Tabernáculo Moisés cha'an mi' pejcan Dios, tsi' yubibe i T'an ya' ba' tsi' pʌsʌ i yutslel Dios ti' yojlil i yejtal ángelob am bʌ ti' pam Arca.

Deuteronomio 31:14

Lac Yum tsi' sube Moisés: Wʌle lʌc'ʌlix i yorajlel cha'an ma' chʌmel. Pʌyʌ majlel Josué ya' ti Tabernáculo baqui mi caj cʌq'uen i ye'tel, che'en. Che' jini Moisés tsa' majli yic'ot Josué. Tsi' pijtayob lac Yum.

Deuteronomio 31:15

Lac Yum tsi' pʌsʌ i bʌ ya' ti pam Tabernáculo ti wa'al bʌ Tocal. Jini wa'al bʌ Tocal tsa' wa'le ya' ti' ti' Tabernáculo.