Exodo 33:4 - Chol: I T’an Dios

⁴ Che' bʌ tsi' yubiyob ili t'an winicob x'ixicob, wen ch'ijiyem tsa' cʌleyob. Ma'anic majqui lʌpbil i ch'ʌjlil come

Chol de Tumbalá Bible

⁴ Che' bʌ tsi' yubiyob ili t'an winicob x'ixicob, wen ch'ijiyem tsa' cʌleyob. Ma'anic majqui lʌpbil i ch'ʌjlil come

Jiñi Tsiji' bʌ Wen T'añ cha'añ Estudio

⁴ Che' bʌ tsi' yu'biyob ili t'añ, jiñi wiñicob x'ixicob, wen ch'ijiyem tsa' cʌleyob. Ma'añic majqui lʌpbil i ch'ʌjlil,

Exodo 33:4 Iomraidhean Croise

2 Samuel 19:24

Mefiboset (i buts Saúl) tsa' tili i taj David che' woli' sujtel ti' yotot. Maxto anic tsi' poco i yoc. Maxto jujchibilic i tsucti'. Maxto q'uextʌyemic i pislel c'ʌlʌl ti jini q'uin che' bʌ tsa' loq'ui David ti Jerusalén ti' tejchibal guerra c'ʌlʌl tsa' sujti ti uts'at.

1 Reyob 21:27

Acab tsi' yubibe i t'an Elías. Tsi' jet' tsili i pislel. Tsa' caji i lʌp coxtal ti q'uiñil yic'ot ti ac'ʌlel. Tsi' cha'le ch'ajb. Wen ch'ijiyem tsa' caji ti ajñel.

2 Reyob 19:1

Jini rey Ezequías tsi' wʌc' tsili i bujc che' bʌ tsi' yubi jini t'an. Tsi' lʌpʌ coxtal i yejtal i ch'ijiyemlel i pusic'al. Tsa' majli ti' yotot lac Yum.

Esdras 9:3

Che' bʌ tsa cubi iliyi, tsac tsili c pislel. Tsac xʌt'ʌ c jol yic'ot c tsucti'. Tsa' majliyon ti buchtʌl cha'an ch'ijiyem c pusic'al.

Job 1:20

Tsa' wa'le Job. Tsi' tsili i bujc. Tsi' set'e i jol cha'an ch'ijiyem i pusic'al. Tsi' choco i bʌ ti lum. Tsi' ch'ujutesa Dios.

Job 2:12

Che' bʌ tsi' ñajti q'ueleyob, ma'anic tsi' cʌñʌyob. C'am tsa' cajiyob ti uq'uel. Tsi' tsiliyob i bʌjq'uil. Tsi' mujlayob i bʌ ti ts'ubejn.

Exodo 33:6

Jini israelob tsi' laj loc'sayob i ch'ʌjlil ya' ti wits i c'aba' Horeb.

Isaias 32:11

Cha'lenla bʌq'uen x'ixicob mu' bʌ la' to'ol ñusan q'uin. Yom mi' toj sajtel la' pusic'al chan bʌ mi la' mel la' bʌ. Cha'lenla uq'uel. Jochola i t'ojol jax bʌ la' pislel cha'an mi la' lʌp coxtal.

Ezequiel 24:17

Yom ma' tic' a pusic'al ame tsictiyic a ch'ijiyemlel. Cʌchʌ a jol yic'ot i cʌjchil, lʌpʌ a zapato che' bajche' a tilel. Mach ma' mos a wut ti rebozo che' bajche' mi' melob x'uq'uelob. Mach ma' c'ux waj yic'otob. Che' tsi' yʌlʌ lac Yum.

Ezequiel 24:23

Ma'anic mi caj la' joch i cʌjchil la' jol yic'ot la' zapato. Ma'anic mi caj la' cha'len uq'uel. Pero mi caj la' jisʌntel yic'ot cabʌl wocol cha'an ti' caj la' mul. Ti jujuntiquiletla mi caj la' cha'len ajcʌn.

Ezequiel 26:16

Pejtel jini yumʌlob año' bʌ i ye'tel ti' ti' colem ñajb mi caj i jubelob ti' buchlib. Mi caj i jochob i pislel yic'ot joch'bil bʌ i bujc. Tsiltsilñayob ti bʌq'uen mi caj i buchtʌlob ti lum che' mi' q'uelob a jilibal.

Oseas 7:14

Che' cañal i wut ti' wʌyib cha'an tsic pusic'al, ma'anic mi' c'ajtibeñoñob i coltʌntel. Mi' lon ch'ujutesañob yambʌ dios. Mi' lon c'ajtiñob ixim yic'ot vino yic'ot pejtel chuqui yom ti pañimil. Mi' tsepob i bʌ. Mi' ñusañob c t'an.

Levitico 10:6

Moisés tsi' sube Aarón yic'ot jini cha'tiquil i yalobilob, Eleazar yic'ot Itamar: Mach yomic mi la' cha'len uq'uel. Mach mi la' tsil la' pislel i yejtal bʌ la' ch'ijiyemlel, ame chʌmiquetla ja'el, ame mich'lenticob pejtelel israelob ti' tojlel Dios. La' i cha'leñob uq'uel yaño' bʌ israelob cha'an tsa' chʌmiyob Nadab yic'ot Abiú che' bʌ tsi' choco tilel lac Yum jini bʌbʌq'uen bʌ c'ajc.

Jonas 3:6

Tsa' c'oti jini t'an ba'an i yum Nínive. Tsi' cʌyʌ i buchlib ba' woli ti yumʌntel. Tsi' jocho i t'ojol jax bʌ i bujc. Tsi' xojo coxtal. Tsa' buchle ti' tʌñil c'ajc.

Zacarias 7:3

Tsi' c'ajtibeyob jini motomajob yic'ot jini x'alt'añob mi yom to mi' chʌn cha'leñob ch'ajb yic'ot uq'uel ti agosto ti jujump'ejl jab che' bajche' i tilel.

Zacarias 7:5

Subeñob pejtel winicob yic'ot jini motomajob: “Che' bʌ tsa' la' cha'le ch'ajb yic'ot uq'uel che' ti agosto yic'ot ti octubre ti jujump'ejl jab ili lujump'ejl i chʌnc'al (70) jab tsa' bʌ ñumi ya' ti Babilonia, ¿tsa' ba la' cʌyʌ la' mul cha'an mi la' tsajcañon? Ma'anic.

Numeros 14:1

Che' jini tsa' cajiyob ti c'am bʌ t'an yic'ot uq'uel. Jump'ejl ac'ʌlel c'ʌlʌl tsa' sʌc'a ma'anic tsa' ñʌjch'iyob ti uq'uel.

Numeros 14:39

Moisés tsi' cha' subeyob israelob pejtelel ili t'an. Che' jini wen ch'ijiyem tsa' cʌleyob ti' pejtelelob.

1 Samuel 6:19

Lac Yum tsi' tsʌnsa lamital jini winicob año' bʌ ti Betsemes cha'an tsi' q'uelbeyob i mal jini Arca i cha'an bʌ lac Yum. Tsi' tsʌnsa lujuntiquil i chʌnc'al (70) winicob. Jini cha'an tsi' wen cha'leyob uq'uel jini ya' bʌ chumulob cha'an on tsa' jiliyob i pi'ʌlob.