Exodo 33:16 - Chol: I T’an Dios

¹⁶ Mi ma'anic tsa' majliyet quic'ot lojon, ¿bajche' mi caj i ña'tañob yaño' bʌ mi tsa' pʌsbeyon lojon i yutslel a pusic'al? Mi tsa' majliyon lojon a wic'ot, che' jini tsiquil mach lajalonic lojon che' bajche' yambʌ winicob x'ixicob ti pañimil, che'en.

Chol de Tumbalá Bible

¹⁶ Mi ma'anic tsa' majliyet quic'ot lojon, ¿bajche' mi caj i ña'tañob yaño' bʌ mi tsa' pʌsbeyon lojon i yutslel a pusic'al? Mi tsa' majliyon lojon a wic'ot, che' jini tsiquil mach lajalonic lojon che' bajche' yambʌ winicob x'ixicob ti pañimil, che'en.

Jiñi Tsiji' bʌ Wen T'añ cha'añ Estudio

¹⁶ Mi ma'añic tsa' majliyet quic'ot lojon, ¿bajche' mi caj i ña'tañob yaño' bʌ mi tsa' pʌsbeyon lojon i yutslel a pusic'al? Mi tsa' majliyon lojon a wic'ot, che' jiñi tsiquil mach lajaloñic lojon che' bajche' yam bʌ wiñicob x'ixicob ti pañimil.

Exodo 33:16 Iomraidhean Croise

2 Samuel 7:23

Ma'anic yambʌ tejclum c'uxbibil bʌ bajche' Israel wʌ' ti pañimil. Come tsa' loc'sa ti wocol cha'an mi' ñochtañet. Tsa' pʌyʌyob cha'an ma' wʌc' ti ñuc i c'aba'. Tsa' pʌsbeyob i yejtal tac a p'ʌtʌlel cha'an mi' bʌc'ñañetob. Tsa'ix a mʌñʌyob loq'uel ti' lumal Egipto. Tsa'ix a choco jubel yan tac bʌ tejclum yic'ot i diosob.

1 Reyob 8:53

Come tsa' yajcayob ti' tojlel pejtel winicob, c Yum Dios, cha'an a cha'añʌch mi' yajñelob che' bajche' tsa' sube Moisés che' bʌ tsa' loc'sa c ñojte'el lojon ti Egipto.

Salmos 147:20

Mach che'ic tsi' mele ti' tojlel yan tac bʌ colem tejclum ba' mach cʌmbilic i t'an. Subula i ñuclel Dios.

Exodo 34:10

Lac Yum tsi' jac'ʌ: Joñon mi caj c sub xuc'ul bʌ t'an ti' tojlelob pejtelel winicob x'ixicob. Mi caj c mel bʌbʌq'uen tac bʌ, mach bʌ anic ba' ujtem ti yan tac bʌ pañimil mi ti yan tac bʌ lum. Pejtelel jini winicob baqui añet mi caj i q'uel c ñuclel, come wen bʌbʌq'uen mu' bʌ caj c pʌs ti a tojlel.

Exodo 34:9

Tsi' yʌlʌ Moisés: Mi tsa'ix c taja i yutslel a pusic'al, c Yum, yom ma' majlel tic tojlel lojon, come wen tsʌtsob i pusic'al jini tejclum. Ñusʌbeñon lojon contolil yic'ot pejtelel c mul lojon. Ch'ʌmʌyon lojon che' bajche' a cha'an bʌ, che'en.

Exodo 8:22

Ti jim bʌ ora ma'anic mi caj i tic'lʌntelob c cha'año' bʌ chumulo' bʌ ti' lumal Gosén. Ma'anic mi caj i yajñel jaj ya'i. Che' jini mi caj a ña'tan joñon Yumʌlon ti pañimil.

Levitico 20:24

Tsa'ix c subeyetla cha'an mi la' ch'ʌmbeñob i lum. Tsa'ix cʌq'ueyetla jini wen bʌ lum ba' mi' colel ti uts'at pejtelel pʌc'ʌbʌl. Joñoñʌch la' Yumon la' Dioson tsa' bʌ c yajcayetla. Ma'anic tsac yajca yambʌ winicob x'ixicob.

Levitico 20:26

Yom ch'ujul mi la' wajñel tic tojlel, come joñon la' Yumon, ch'ujulon. Ma'anic tsac yajca yambʌ winicob x'ixicob. Tsac yajcayetla cha'an mi la' wochel tic cha'an bʌ.

Numeros 14:14

Tsa'ix i subeyob jini chumulo' bʌ ti Canaán wʌ'añet tic tojlel lojon. Laj yujilobix añet tic tojlel lojon. Ma' pejcan israelob che' bajche' mi' pejcañob i bʌ winicob che' mi' q'uelob i bʌ. Mic chumtʌl lojon ti yebal a Tocal. Ma' majlel ti ñaxan baqui jach ma' pʌyon lojon majlel. Ma' toj'esañon lojon majlel ti a Tocal che' ti q'uiñil yic'ot ti c'ajc che' ti ac'ʌlel.

Numeros 23:9

Come ya' ti' pam jini chan bʌ xajlel tsac ñajti q'ueleyob. Wʌ' ti chan bʌ wits wen tsiquilob. Ili winicob i bajñel chumulob. Ma'anic mi' xʌbob i bʌ yic'ot yan tac bʌ winicob.

Mateo 1:23

“Awilan, mi caj i cʌntan alʌl juntiquil xch'oc maxto bʌ pi'lebilic. Mi caj i yʌc' ti pañimil ch'iton bʌ i yalobil. Mi caj i yotsʌbentel i c'aba' Emanuel”. An i sujmlel Emanuel ti lac t'an: Jiñʌch Dios la quic'ot.

2 Corintios 6:17

“Jini cha'an loq'uenla ti' tojlel mach bʌ anic mi' ñopob. Tʌts'ʌ la' bʌ ba' añob”, che'en lac Yum. “Mach mi la' ñochtan chuqui tac bibi'. Mi caj c pʌyetla tilel ba' añon.

Deuteronomio 4:34

¿Tsa' ba tili yambʌ dios i coltan winicob che' bajche' tsi' coltayonla lac Yum Dios? Tsi' pʌsʌ i p'ʌtʌlel ti lac tojlel che' bʌ tsi' pʌyʌyonla loq'uel ti' p'ʌtʌlel laj contrajob. Tsi' yotsayonla ti' cha'an bʌ. Tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ yic'ot tsʌts tac bʌ ti la' tojlel che' bʌ tsi' loc'sayetla ti Egipto.

Deuteronomio 4:7

¿Am ba yambʌ dios yujil bʌ coltaya che' bajche' lac Yum Dios mu' bʌ i yubiñonla che' an chuqui mi laj c'ajtiben?