Exodo 33:13 - Chol: I T’an Dios

¹³ Awilan, mi tsac taja i yutslel a pusic'al, mij c'ajtibeñet cha'an ma' pʌsbeñon a bijlel, cha'an mij cʌñet, cha'an mic taj i yutslel a pusic'al ti pejtelel ora. Ña'tan ja'el jini tejclum a cha'añʌch, che'en Moisés.

Chol de Tumbalá Bible

¹³ Awilan, mi tsac taja i yutslel a pusic'al, mij c'ajtibeñet cha'an ma' pʌsbeñon a bijlel, cha'an mij cʌñet, cha'an mic taj i yutslel a pusic'al ti pejtelel ora. Ña'tan ja'el jini tejclum a cha'añʌch, che'en Moisés.

Jiñi Tsiji' bʌ Wen T'añ cha'añ Estudio

¹³ Awilan, mi tsa' c taja i yutslel a pusic'al, mij c'ajtibeñet cha'añ ma' pʌsbeñon a bijlel, cha'añ mij cʌñet, cha'añ mic taj i yutslel a pusic'al ti pejtelel ora. Ña'tan ja'el jiñi tejclum a cha'añʌch.

Exodo 33:13 Iomraidhean Croise

2 Samuel 15:25

Jini rey tsi' sube Sadoc: Cha' q'uechex majlel jini Arca i cha'an lac Yum ya' ti tejclum. Mi uts'at mi' q'uelon lac Yum ti' yutslel i pusic'al, muq'uix i cha' pʌyon tilel cha'an mic cha' q'uel jini Arca ya' ti' yajñib. Pero mi mach yomix i q'uelon c Yum, che' jini wʌ' añon cha'an mi' melbeñon chuqui yom, che'en David.

Salmos 103:7

Tsi' pʌsbe Moisés chuqui woli' ña'tan ti' pusic'al. Tsi' pʌsbeyob israelob i melbal.

Salmos 119:33

C Yum, cʌntesanon ti' sujmlel jini ts'ijbubil bʌ a t'an cha'an mic chʌn jac' ti pejtelel ora.

Salmos 25:4

C Yum, pʌsbeñon bajche' a wom mic mel. Wen cʌntesañon ti a bijlel.

Salmos 27:11

C Yum, cʌntesañon ti a bijlel. Pʌyʌyon majlel ti jini toj bʌ bij, Come mi' chijtañoñob j contrajob.

Salmos 51:13

Che' jini mi caj c pʌsbeñob a bijlel jini mu' bʌ i ñusʌbeñet a mandar. Jini xmulilob mi caj i sutq'uiñob i bʌ ba' añet.

Salmos 86:11

C Yum, pʌsbeñon a bijlel cha'an xuc'ul mi cajñel a wic'ot. La' cʌc' c pusic'al cha'an mic bʌc'ñañet.

Exodo 3:10

La', mi caj c choquet majlel ba'an Faraón cha'an ma' pʌy loq'uel ti Egipto jini israelob, come c cha'añob, che'en.

Exodo 3:7

Lac Yum tsi' yʌlʌ: Tsa'ix j q'uelbe i wocol c winicob x'ixicob ti Egipto. Tsa'ix cubibe i yoñel cha'an jini xic' e'telob. Cʌmbil c cha'an i wocol.

Exodo 32:12

Come mi caj i yʌlob jini egiptojob che' ma' jisañob: “Cha'an jach mi' yʌc'ob ti wocol tsi' loc'sayob, cha'an jach mi majlel i tsʌnsañob ya' ti wits. Tsa' jach majli i jisañob ya' ti jini lum”. Che' mi caj i yʌlob. Cha' jisan i mich'ajel a pusic'al. Yom ma' cʌy jini woli bʌ a ña'tan ti' contra a tejclum.

Exodo 32:14

Che' jini lac Yum tsi' cha' mele i pusic'al cha'an jini tsa' bʌ i ña'ta i mel ti' tojlel i tejclum.

Exodo 32:7

Lac Yum tsi' sube Moisés: Cucux ti jubel, come a tejclum tsa' bʌ a loc'sa ti' lumal Egipto tsa'ix sojquiyob.

Exodo 34:9

Tsi' yʌlʌ Moisés: Mi tsa'ix c taja i yutslel a pusic'al, c Yum, yom ma' majlel tic tojlel lojon, come wen tsʌtsob i pusic'al jini tejclum. Ñusʌbeñon lojon contolil yic'ot pejtelel c mul lojon. Ch'ʌmʌyon lojon che' bajche' a cha'an bʌ, che'en.

Exodo 5:1

Moisés yic'ot Aarón tsa' majliyob ba'an Faraón. Tsi' subeyob: Lac Yum i Dios Israel tsi' pejcayon lojon. Tsi' yʌlʌ: “La' majlicob c tejclumob cha'an mi' melbeñoñob q'uin ya' ti colem bʌ i tiquiñal pañimil”. Che' woli' yʌl lac Yum, i Dios Israel, che'ob.

Isaias 30:21

Che' mi la' ts'ita' xoy la' bijlel mi ti la' ts'ej mi ti la' ñoj, mi caj la' wubin T'an ti la' pat mu' bʌ i yʌl: Mach ya'ic yom. Wʌ jach an jini bij. Wʌ' yom mi la' cha'len xʌmbal, che'en.

Isaias 63:17

C Yum, ¿chucoch ma' wʌc'on lojon ti sajtel ba' mach c tajayic a bijlel? ¿Chucoch ma' tsʌts'esan c pusic'al lojon? Jini cha'an ma'anix a bʌc'ñʌntel ti' tojlel winicob. Sujten tic tojlel lojon, come a cha'añon lojon che' bajche' jaymojton lojon. C'ux ma' wubin a winicob.

Isaias 63:19

C Yum, ¿chucoch ma' q'uelon lojon che' bajche' sajtem bʌ mach bʌ i cʌñʌyetic, mach bʌ anic mi' yumañet, jini parte bʌ i c'aba' mach bʌ a walobilic?

Joel 2:17

Jini motomajob mu' bʌ i melbeñob i ye'tel Dios mi caj i wa'tʌlob ti' ts'ejts'ejtʌl i pulʌntib i majtan Dios ti' tojlel winicob x'ixicob. La' i cha'leñob uq'uel che' mi' melob oración. La' i yʌlob: C Yum lojon, ñusʌbeñob i mul jini winicob x'ixicob. Mach ma' wʌc'ob ti' wenta jini sajtemo' bʌ cha'an mi' tse'tañob, come a cha'añobʌch. Mach yomic mi' yʌjq'uelob ti quisin ti' tojlel jini ñajt bʌ chumulob mu' bʌ i lon alob: “¿Bacan i Dios?” che'ob. Che'ʌch yom mi' pejcañob Dios jini motomajob.

Juan 17:3

Jiñʌch i cuxtʌlel mach bʌ anic mi' jilel, che' mi' cʌñetob jini mero Dios, jini cojach bʌ, yic'ot Jesucristo, tsa' bʌ a choco tilel.

Romanos 11:28

Wʌle jini israelob woli' contrajiñob Dios cha'an jini wen t'an cha'an mi' tajob i coltʌntel jini gentilob, pero c'uxbibilob ti Dios, come i p'olbalob Jacob.

Efesios 1:17

Mij c'ajtiben i Dios lac Yum Jesucristo cha'an mi' yʌq'ueñetla cabʌl la' ña'tʌbal yic'ot i yEspíritu cha'an mi la' wen ch'ʌmben isujm chuqui woli la' pʌsbentel, cha'an mi la' wen cʌn lac Tat am bʌ ti panchan.

Deuteronomio 9:26

Jini cha'an tsac pejca lac Yum ti oración: C Yum Dios, mach a jisan a cha'año' bʌ tsa' bʌ a mʌñʌ ti a ñuclel. Tsa' pʌyʌyob loq'uel ti Egipto cha'an cabʌl a p'ʌtʌlel.

Deuteronomio 9:29

Pero a cha'añobʌch jini israelob, yajcʌbilo' bʌ a cha'an. Tsa' loc'sayob ti Egipto cha'an cʌbʌl a p'ʌtʌlel. Tsa' pʌsbeyob i yejtal tac a p'ʌtʌlel, cho'on tsac pejca Dios.

Colosenses 1:10

cha'an che' jini mi mejlel la' wajñel bajche' yom lac Yum, cha'an tijicña mi' q'ueletla. Che' jini mi caj la' wʌc' la' wut ti wen bʌ la' melbal. Mi caj i p'ojlel la' ña'tʌbal ti Dios cha'an mi la' wen cʌn.

2 Pedro 3:18

Yom mi la' taj la' colel ti Cristo che' mi la' cʌmben i yutslel i pusic'al yic'ot i ña'tʌbal lac Yum Jesucristo la caj Coltaya. La' subentic i ñuclel wʌle yic'ot ti pejtelel ora. Amén.