Exodo 33:11 - Chol: I T’an Dios

¹¹ Lac Yum tsi' pejca Moisés ti' wut che' bajche' juntiquil winic mi' pejcan jini cʌñʌl bʌ i cha'an. Che' jini tsa' cha' sujti Moisés ya' ti tejclum. Pero jini ch'iton Josué (i yalobil Nun), jini x'e'tel i cha'an, ma'anic tsa' sujti. Ya' tsa' cʌle ti Tabernáculo.

Chol de Tumbalá Bible

¹¹ Lac Yum tsi' pejca Moisés ti' wut che' bajche' juntiquil winic mi' pejcan jini cʌñʌl bʌ i cha'an. Che' jini tsa' cha' sujti Moisés ya' ti tejclum. Pero jini ch'iton Josué (i yalobil Nun), jini x'e'tel i cha'an, ma'anic tsa' sujti. Ya' tsa' cʌle ti Tabernáculo.

Jiñi Tsiji' bʌ Wen T'añ cha'añ Estudio

¹¹ Lac Yum tsi' pejca Moisés ti' tojel i wut che' bajche' juntiquil wiñic mi' pejcan jiñi cʌñʌl bʌ i cha'añ. Che' jiñi tsa' cha' sujti Moisés ya' ti tejclum. Pero jiñi ch'itoñ Josué i yalobil Nun, jiñi x'e'tel i cha'añ, ma'añic tsa' sujti. Ya' tsa' cʌle ti Tabernáculo.

Exodo 33:11 Iomraidhean Croise

Genesis 32:30

Jacob tsi' yotsʌbe i c'aba jini ajñibʌl Peniel, “I wut Dios”. Come tsi' yʌlʌ: Tsaj q'uelbe i wut Dios. Dios tsi' coltayon. Ma'anic tsi' tsʌnsayon, che'en.

2 Cronicas 20:7

C Yum Dios, ¿mach ba anic tsa' choco loq'uel jini chumulo' bʌ ti ili lum cha'an ma' wʌq'ueñob israelob cha'an wʌ' mi' chumtʌlob ti pejtelel ora i p'olbal Abraham?

Job 16:21

Uts'at muq'uic i ñich'tʌbeñon c t'an che' bajche' winicob mi' ñich'tʌbeñob i t'an i p'ʌlob pʌybilo' bʌ cha'an mi' melob i bʌ ti' tojlel Dios,

Exodo 17:9

Moisés tsi' sube Josué: Yajcan winicob cha'an ma' pʌyob majlel ti guerra ti' contra jini amalecob. Ijc'ʌl mi caj c wa'tʌl ti' jol wits, chucul c cha'an i te' Dios, che'en.

Exodo 24:13

Tsa' majli Moisés yic'ot Josué i winic. Moisés tsa' letsi ti wits ba'an Dios.

Exodo 32:17

Che' bʌ woli' jubel jini Moisés tsi' taja Josué. Tsi' yubi Josué i t'an winicob che' woliyob ti oñel. Tsi' sube Moisés: Woliyob ti c'am bʌ oñel che' bajche' woliyob ti guerra ya' ba' tempʌbilob, che'en.

Exodo 33:10

Che' jini pejtelel jini winicob tsi' q'ueleyob jini wa'al bʌ Tocal ya' bʌ an ti' jini Tabernáculo. Ti pejtelel ora che' mi' q'uelob jini, mi' tejchelob ti' ti' i yotot cha'an mi' ch'ujutesañob lac Yum.

Exodo 33:9

Che' wolix ti ochel Moisés ya' ti otot, tsa' jubi ti wa'tʌl ya' ti' tojel i ti' jini Tabernáculo, jump'ejl wa'al bʌ Tocal, cha'an mi' pejcañob i bʌ lac Yum yic'ot Moisés.

Isaias 42:8

Yumʌlon. Jiñʌch j c'aba'. Ma'anic mi cʌq'uen c ñuclel yambʌ. Ma'anic mi caj cʌq'uen dioste' i pejcʌntel ti ñuc.

Numeros 11:28

Mach uts'atic tsi' yubi Josué (i yalobil Nun) i yaj e'tel Moisés, come i pi'ʌlʌch ti e'tel c'ʌlʌl che' ch'iton to. Tsi' sube i yum: A wocolic c yum, yom ma' tic'ob, che'en jini Josué.

Numeros 12:7

Pero mach che'ic mic pejcan c winic Moisés. Tsa cotsʌbe ti' wenta Moisés pejtelel i pi'ʌlob, come cojach xuc'ul c pusic'al yic'ot.

Numeros 12:8

Mic cha'len t'an yic'ot Moisés che' bajche' mi la' pejcan la' bʌ ti jamʌl. Mach muculic c t'an ti' tojlel. Mi cʌc' c bʌ ti cʌjñel cha'an mi' q'uel bajche' quilal. ¿Chucoch ma'anic tsa' la' cha'le bʌq'uen che' bʌ tsa' la' wulwul a'le c winic Moisés? che'en lac Yum.

Juan 11:11

Che' bʌ tsa' ujti i sub jini t'an tsi' subeyob: Wʌyʌlix lac pi'ʌl Lázaro. Mic majlel c ñijcan cha'an mi' ch'oyjel ti wʌyel, che'en.

Juan 3:29

Jini mu' bʌ i pʌy i yijñam, jiñʌch xñujpuñijel. Wen tijicña i pusic'al i cʌñʌ bʌ che' an ti' t'ejl jini xñujpuñijel che' mi' yubiben i t'an. Che' jini woli' ts'ʌctiyel i tijicñʌyel c pusic'al ti' tojlel Cristo.

Deuteronomio 31:14

Lac Yum tsi' sube Moisés: Wʌle lʌc'ʌlix i yorajlel cha'an ma' chʌmel. Pʌyʌ majlel Josué ya' ti Tabernáculo baqui mi caj cʌq'uen i ye'tel, che'en. Che' jini Moisés tsa' majli yic'ot Josué. Tsi' pijtayob lac Yum.

Deuteronomio 34:10

Ma'anic yambʌ x'alt'an che' bajche' Moisés c'ʌlʌl wʌle, come lac Yum tsi' pejca ti' wut.

Deuteronomio 5:4

Ya' ba wa'al lac Yum ti' yojlil c'ajc tsi' pejcayetla.

Santiago 2:23

Tsa' ujti che' bajche' tsi' yʌlʌ i ts'ijbujel Dios: “Abraham tsi' ñopo Dios. Jini cha'an tsa' q'uejli ti toj”, che'en. Dios tsi' pejca ti' pi'ʌl.