Exodo 32:8 - Chol: I T’an Dios

⁸ Ti ora jach tsa' sajtiyob ya' ti bij ba' tsac pʌsbeyob. Tsa'ix i meleyob juncojt alʌ wacax ti oro. Tsa'ix i ch'ujutesayob. Tsa'ix i yʌq'ueyob i majtan tac. Tsa'ix i yʌlʌyob israelob: “Jiñʌch iliyi lac dios tsa' bʌ i loc'sayonla ti' lumal Egipto”, che'ob. Che' tsi' yʌlʌ lac Yum.

Chol de Tumbalá Bible

⁸ Ti ora jach tsa' sajtiyob ya' ti bij ba' tsac pʌsbeyob. Tsa'ix i meleyob juncojt alʌ wacax ti oro. Tsa'ix i ch'ujutesayob. Tsa'ix i yʌq'ueyob i majtan tac. Tsa'ix i yʌlʌyob israelob: “Jiñʌch iliyi lac dios tsa' bʌ i loc'sayonla ti' lumal Egipto”, che'ob. Che' tsi' yʌlʌ lac Yum.

Jiñi Tsiji' bʌ Wen T'añ cha'añ Estudio

⁸ Ti ora jach tsa' sajtiyob ya' ti bij ba' tsa' c pʌsbeyob; tsa'ix i meleyob juncojt alʌ tat wacax ti oro, tsa'ix i ch'ujutesayob, tsa'ix i yʌq'ueyob i majtañ tac yic'ot tsa'ix i yʌlʌyob: “¡israelob, umba'añ la' dios tsa' bʌ i loc'sayetla ti' lumal Egipto!”

Exodo 32:8 Iomraidhean Croise

1 Reyob 12:28

Jini cha'an tsi' teme i t'an yic'ot año' bʌ i ye'tel cha'an mi' mel cha'cojt i yejtal alʌ tat wacax melbil bʌ ti oro. Tsi' sube pejtel winicob: Mach wersajix mi la' chʌn letsel majlel ti Jerusalén, come awilan wʌ'ix an la' dios tsa' bʌ i loc'sayetla ti' lumal Egipto, che'en.

Nehemias 9:18

che' bʌ tsi' meleyob alʌ tat wacax ti tsucul taq'uin cha'an mi' diosiñob. Tsi' yʌlʌyob: “Jiñʌch lac Dios tsa' bʌ i pʌyʌyonla loq'uel ti Egipto”, che'ob. Anquese cabʌl tsi' cha'leyob jontolil, anquese tsi' p'ajayetob,

Salmos 106:19

Tsi' meleyob alʌ tat wacax ya' ti Horeb. Tsi' ch'ujutesayob jini dioste' melbil bʌ ti c'ʌnc'ʌn taq'uin.

Salmos 78:36

Uts'atax tsi' pejcayob Dios, jini lac tatob, Pero lotiya jach.

Exodo 20:23

Mach la' mel la' dios tac mi ti plata mi ti oro.

Exodo 22:20

Wersa mi' tsʌnsʌntel jini mu' bʌ i yʌq'uen i majtan dioste'. Cojach lac Yum mi' yʌq'uentel i majtan.

Exodo 32:4

Aarón tsi' ch'ʌmʌ jini oro tac ti' c'ʌbob jini winicob x'ixicob. Tsi' c'ʌñʌ e'tijibʌl cha'an mi' mel juncojt alʌ wacax ti oro. Che' jini tsi' yʌlʌyob jini israelob: Jiñʌch lac Dios tsa' bʌ i loc'sayonla ti Egipto, che'ob.

Exodo 34:15

Jini cha'an mach yomic mi la' laj la' t'an yic'ot jini año' bʌ ya' ti tejclum tac, come an cabʌlob ya'i mach bʌ anic mi' ñopoñob, mu' bʌ i ch'ujutesañob i diosob melbil tac bʌ. Mi caj i yʌq'ueñob i majtan i diosob. Mi caj i pʌyetla majlel cha'an mi la' c'uxben i we'el aq'uebilix bʌ i cha'an i diosob.

Isaias 46:6

Jini yomo' bʌ yambʌ i dios on mi' loc'sañob oro ti' bolsa. Mi p'isob plata ti balanza. Mi' tojob xmel dioste' cha'an mi' melbeñob i dios. Mi' ñocchocoñob i bʌ ti' tojlel, mi' ch'ujutesañob.

Jeremias 31:32

Mach i pi'ʌlic jini xuc'ul bʌ t'an tsa' bʌ c mele yic'ot i tatob che' bʌ tsac pʌyʌyob loq'uel ti jini lum Egipto. Tsi' jemeyob jini xuc'ul bʌ t'an tsa' bʌ c mele yic'otob anquese i ñoxi'alon, che'en lac Yum.

Levitico 17:7

Pero mach yomic mi' chʌn bajñel ac'ob majtañʌl winicob cha'an mi' yʌq'ueñob jini xibajob. Mach yomic mi' wis ñajʌyel la' cha'an ili mandar ti pejtelel ora.

Deuteronomio 32:17

Tsi' tsʌnsʌbeyob i majtan tac xibajob mach bʌ diosobic. Tsi' tsajcayob tsiji' bʌ dioste' mach bʌ anic tsi' ch'ujutesayob i ñojte'elob.

Deuteronomio 9:12

Lac Yum tsi' subeyon: Cucuñun ti ora, cucux ti jubel, come tsa'ix sojquiyob jini winicob tsa' bʌ a loc'sa ti' lumal Egipto. Tsi' bʌc' cʌyʌyob jini bij tsa' bʌ c subeyob. Tsi' meleyob i dios, che'en.

Deuteronomio 9:16

Che' bʌ tsaj q'uele la' mul ti' tojlel lac Yum Dios, melbilix la' dios wacax cha'an mi la' diosin. Cʌybilix la' cha'an i bijlel lac Yum che' bajche' tsi' wʌn alʌ.

Josue 22:15

Che' bʌ tsa' c'otiyob ba' añob jini rubeñob yic'ot jini gadob yic'ot jini manasesob año' bʌ ti Galaad, tsi' subeyob:

Juezob 2:17

Pero ma'anic tsi' jac'beyob i yaj coltayajob ja'el. Tsi' tsajcayob dios tac. Tsi' ch'ujutesayob. Tsi' bʌc' cʌyʌyob jini bij tsa' bʌ i xʌñʌyob majlel i ñojte'elob tsa' bʌ i jac'beyob i mandar lac Yum. Ma'anic tsi' jac'beyob lac Yum.

Juezob 8:24

Pero com c'ajtibeñetla wocol t'an cha'an mi la' wʌq'ueñon jini oro tsa' bʌ la' taja ti jujuntiquil, che'en. Come añob i cha'an wen uts'atax bʌ ujʌl melbil bʌ ti oro, come ismaelob jini winicob.