Exodo 32:7 - Chol: I T’an Dios

⁷ Lac Yum tsi' sube Moisés: Cucux ti jubel, come a tejclum tsa' bʌ a loc'sa ti' lumal Egipto tsa'ix sojquiyob.

Chol de Tumbalá Bible

⁷ Lac Yum tsi' sube Moisés: Cucux ti jubel, come a tejclum tsa' bʌ a loc'sa ti' lumal Egipto tsa'ix sojquiyob.

Jiñi Tsiji' bʌ Wen T'añ cha'añ Estudio

⁷ Che' jiñi lac Yum tsi' su'be Moisés: —Cucux ti ju'bel, come jiñi a tejclum tsa' bʌ a loc'sa ti' lumal Egipto, tsa'ix sojquiyob.

Exodo 32:7 Iomraidhean Croise

2 Cronicas 27:2

Uts'at tsi' mele Jotam ti' wut lac Yum che' bajche' tsi' mele Uzías i tat ti cajibal. Ma'anic tsa' ochi Jotam ti Ch'ujul bʌ Ajñibʌl. Pero tsa' utsi cajiyob ti sojquel jini año' bʌ ti Judá.

Salmos 78:36

Uts'atax tsi' pejcayob Dios, jini lac tatob, Pero lotiya jach.

Exodo 19:24

Lac Yum tsi' sube: Yom ma' cha' jubel. Pʌyʌ letsel Aarón awic'ot. Pero subeñob jini motomajob yic'ot winicob x'ixicob mach yomic mi' c'axelob ba'an mojon tac cha'an mi' tilelob ba' añon, ame mij contrajiñob, che'en lac Yum.

Exodo 32:1

Che' baqui ora tsi' q'ueleyob jini israelob cha'an ma'anic tsiquil woli' se' jubel tilel Moisés ya' ti wits, pejtelel jini winicob tsa' tiliyob ba'an Aarón. Tsi' subeyob: Com lojon ma' melbeñon lojon c dios, mu' bʌ mejlel ti majlel ti ñaxan tic tojlel lojon, come Moisés jini winic tsa' bʌ i loc'sayonla ti' lumal Egipto, mach la cujilic chuqui tsi' cha'le. Che' tsi' yʌlʌyob.

Exodo 32:11

Pero ti wocol t'an Moisés tsi' pejca lac Yum Dios: C Yum, mach yomic ma' pʌs a mich'ajel ti' tojlel a tejclum tsa' bʌ a loc'sa ti' lumal Egipto ti a p'ʌtʌlel.

Exodo 32:4

Aarón tsi' ch'ʌmʌ jini oro tac ti' c'ʌbob jini winicob x'ixicob. Tsi' c'ʌñʌ e'tijibʌl cha'an mi' mel juncojt alʌ wacax ti oro. Che' jini tsi' yʌlʌyob jini israelob: Jiñʌch lac Dios tsa' bʌ i loc'sayonla ti Egipto, che'ob.

Exodo 33:1

Lac Yum tsi' sube Moisés: Cucu, letsen ilayi, jatet yic'ot ili tejclum tsa' bʌ a loc'sa ti' lumal Egipto. Cucu ba'an jini lum tsa' bʌ c wʌn sube Abraham yic'ot Isaac yic'ot Jacob che' tsac subeyob: “Mi caj cʌq'uen la' p'olbal jini lum”, cho'on.

Isaias 1:4

Cabʌl jax i mul jini año' bʌ ti Judá. Cʌlʌx but'ulob jax ti jontolil. I yalobilob xñusa t'añob. Tsa'ix i ñajtesayob i bʌ ba' añon. Tsa'ix i ts'a'leyob jini Ch'ujul Bʌ i cha'an Israel.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Oseas 9:9

Leco jax bajche' mi' melob che' bajche' tsi' meleyob ti Gabaa. Ma'anic mi' ñajʌyel i cha'an Dios. Mach jalix mi caj i yʌq'ueñob i toj i mul.

Deuteronomio 31:29

Come cujil che' bʌ tsa'ix chʌmiyon mi caj la' bib'esan la' bʌ ti' wut lac Yum. Mi caj la' ñusʌben i mandar lac Yum tsa' bʌ cʌq'ueyet. Che' jini mi caj la' wen ubin wocol che' mich'ix lac Yum cha'an la' jontolil. Che' tsi' yʌlʌ Moisés.

Deuteronomio 32:5

Pero jini israelob tsa'ix i socoyob i bʌ. Tsa'ix i cha'leyob mulil. Mach yic'otobix lac Yum. Wen tsʌtsob i pusic'al.

Deuteronomio 4:16

ame sojquiquetla, ame cajic la' lon mel la' dios lajal bajche' i yejtal winic mi x'ixic.

Deuteronomio 9:12

Lac Yum tsi' subeyon: Cucuñun ti ora, cucux ti jubel, come tsa'ix sojquiyob jini winicob tsa' bʌ a loc'sa ti' lumal Egipto. Tsi' bʌc' cʌyʌyob jini bij tsa' bʌ c subeyob. Tsi' meleyob i dios, che'en.

Deuteronomio 9:8

Ya' ti Horeb tsa' la' mich'esa lac Yum. Colel i jisañetla.

Juezob 2:19

Che' bʌ tsa' chʌmi jini juez, tsa' caji i cha' melob ñaxan bʌ i melbal. Ñumen leco tsi' cha'leyob bajche' i ñojte'elob. Tsi' tsajcayob yan tac bʌ dios. Tsi' ñocchocoyob i bʌ ti' tojlel. Ma'anic tsi' cʌyʌyob jontol bʌ i melbalob. Mach yomobic i cʌy jini bij woli bʌ i tsajcañob.