Exodo 32:5 - Chol: I T’an Dios

⁵ Che' bʌ tsi' q'uele Aarón ujtemix i mel, tsi' melbe jump'ejl pulʌntib ti' tojel jini alʌ tat wacax. Tsi' tsictesa: Ijc'ʌl jiñʌch i q'uinilel lac Yum, che'en.

Chol de Tumbalá Bible

⁵ Che' bʌ tsi' q'uele Aarón ujtemix i mel, tsi' melbe jump'ejl pulʌntib ti' tojel jini alʌ tat wacax. Tsi' tsictesa: Ijc'ʌl jiñʌch i q'uinilel lac Yum, che'en.

Jiñi Tsiji' bʌ Wen T'añ cha'añ Estudio

⁵ Che' bʌ tsi' q'uele Aarón ujtemix i mel, tsi' melbe jump'ejl pulʌntib ti' tojel jiñi alʌ tat wacax, tsi' tsictesa: —¡Ijc'ʌl jiñʌch jump'ejl ñuc bʌ q'uiñijel i cha'añ lac Yum!

Exodo 32:5 Iomraidhean Croise

1 Reyob 21:9

Jezabel tsi' yʌlʌ ti carta: Yom mi la' tem cha'len ch'ajb. Yom mi la' pʌy tilel Nabot cha'an mi la' wa'chocon ti' tojlel i pi'ʌlob.

2 Reyob 10:20

Jehú tsi' choco majlel suboñelob ti pejtelel Israel. Tsi' pʌyʌ tilel pejtelel mu' bʌ i ch'ujutesañob Baal. Che' jini tsa' c'otiyob pejtelel jini x'e'telob i cha'an Baal. Ma'anic majch tsa' cʌle mi juntiquilic. Tsa' ochiyob ya' ti' templo Baal, jinto tsa' wen bujt'i ti jujunwejl i mal jini templo.

2 Reyob 16:11

Jini cha'an jini motomaj Urías tsi' mele pulo' majtañʌl. Lajal tsi' mele che' bajche' tsa' subenti, lajal i p'isol, mero lajal bajche' jini am bʌ ti Damasco. Urías tsi' mele che' ya'to an jini rey Acaz ti Damasco. Che' bʌ tsa' c'oti Acaz tsi' q'uele melbilix. Tsa' caji i tech i c'ʌn.

2 Cronicas 30:5

Tsi' chocoyob ñumel x'ac'juñob ti pejtelel Israel c'ʌlʌl ti Beerseba c'ʌlʌl ti Dan, cha'an mi' pʌyob tilel ti Jerusalén ti pejtelelob cha'an mi' melob jini Pascua i cha'an lac Yum, i Dios israelob. Come anix ora tsi' cʌyʌ i melob che' bajche' ts'ijbubil.

Exodo 10:9

Moisés tsi' jac'ʌ: Mic majlel lojon quic'ot alobob, quic'ot xñoxob, quic'ot ch'itoño' bʌ, quic'ot xch'oc bʌ calobilob lojon, yic'ot alʌc'ʌl tac, cha'an mic melben lojon q'uin c Yum lojon, che'ob.

Exodo 12:14

Jiñʌch jump'ejl q'uin yom bʌ mi la' ña'tan. Yom mi la' chʌn mel ili q'uin cha'an c ña'tʌntel yic'ot la' walobilob yic'ot pejtelel la' p'olbal mu' bʌ caj i tilelob. Yom mi la' chʌn ña'tan ili q'uin ti pejtelel ora.

Exodo 17:15

Moisés tsi' mele pulʌntib. Tsi' yotsʌbe i c'aba': Lac Yum jiñʌch lac bandera. Anʌch i sujmlel come mi' coltañonla lac Yum cha'an mi' mʌjlel lac cha'an.

Exodo 32:4

Aarón tsi' ch'ʌmʌ jini oro tac ti' c'ʌbob jini winicob x'ixicob. Tsi' c'ʌñʌ e'tijibʌl cha'an mi' mel juncojt alʌ wacax ti oro. Che' jini tsi' yʌlʌyob jini israelob: Jiñʌch lac Dios tsa' bʌ i loc'sayonla ti Egipto, che'ob.

Exodo 32:6

Isujm, che' ti yijc'ʌlal, ic'to tsa' ch'ojyiyob. Tsi' ch'ʌmʌyob c'otel majtañʌl tac. Tsi' yʌc'ʌyob pulbil bʌ majtañʌl tac, yic'ot i wentajlel cha'an i ñʌch'tʌlelob i pusic'al. Tsa' buchleyob pejtelel jini winicob x'ixicob. Tsa' cajiyob ti we'el yic'ot ti lembal. Tsa' cajiyob ti ts'i'lel.

Oseas 8:11

Efraín tsi' p'ojlesa pulʌntib cha'an mi' yesman mulil, mach cha'anic mi' ch'ujutesañon.

Oseas 8:14

Tsa' ñajʌyiyon ti' pusic'al israelob. Tsi' meleyob colem otot. Judá ja'el tsi' mele cabʌl tejclum tac joyol bʌ ti ts'ajc ba' mi' lon ñopob i coltañob i bʌ. Pero ma'anix mi' chʌn ña'tañon jini israelob yic'ot judíojob. Mi caj c laj jisañob ti c'ajc. Che' tsi' yʌlʌ lac Yum.

Levitico 23:21

Pʌyʌla tilel winicob cha'an mi' tempañob i bʌ tic tojlel come ch'ujulʌch jini q'uin. Mach yomic mi la' cha'len e'tel ti ili q'uin. Yom chʌn c'ajal la' cha'an ili q'uin ti pejtelel ora, jatetla yic'ot la' p'olbalob.

Levitico 23:37

Jiñʌch q'uiñijel mu' bʌ caj la' mel tic tojlel. Ch'ujul yom mi la' q'uel che' mi la' tempan la' bʌ. Yom mi la' wʌq'ueñon tsʌnsʌbil bʌ c majtan tac, yic'ot la' wofrenda tac ti chajp ti chajp.

Levitico 23:4

Mi caj la' mel jini ñuc bʌ q'uiñijel tic tojlel. Jiñʌch ch'ujul bʌ q'uin, mu' bʌ caj la' mel che' ti yorajlel tac.

1 Corintios 5:8

Jini cha'an la' lac mel q'uin ti uts'at. Mach yomic tsucul bʌ levadura, jiñʌch jontolil yic'ot mulil. Yom jini isujm bʌ waj mach bʌ anic i levadurajlel, jiñʌch i sʌclel lac pusic'al.

1 Samuel 14:35

Saúl tsi' melbe lac Yum jump'ejl pulʌntib. Jiñʌch ñaxan bʌ pulʌntib tsa' bʌ i melbe lac Yum.