Exodo 32:34 - Chol: I T’an Dios

³⁴ Wʌle, cucu, pʌyʌ majlel jini winicob ba' tsac subeyet. A wilan, ñaxan mi caj i majlel cAngel ti a tojlel. Pero che' ti' yorajlel toj mulil, joñon mi caj cʌq'ueñob i tojol i mul, che'en lac Yum.

Chol de Tumbalá Bible

³⁴ Wʌle, cucu, pʌyʌ majlel jini winicob ba' tsac subeyet. A wilan, ñaxan mi caj i majlel cAngel ti a tojlel. Pero che' ti' yorajlel toj mulil, joñon mi caj cʌq'ueñob i tojol i mul, che'en lac Yum.

Jiñi Tsiji' bʌ Wen T'añ cha'añ Estudio

³⁴ Wʌle, cucu, pʌyʌ majlel jiñi wiñicob x'ixicob ya' ba' tsa' c su'beyet. Jiñi c ángel ñaxan mi caj i majlel ti' tojel a wut, pero che' ti' yorajlel wocol, mi caj cʌq'ueñob i tojob i mul.

Exodo 32:34 Iomraidhean Croise

Salmos 99:8

C Yum lojon Dios, tsa' pejcayob. Tsa' ñusʌbeyob i mul, Pero tsa' wʌq'ueyob i toj che' bʌ tsa' jultesʌbeyob i pusic'al.

Exodo 15:17

Mi caj a pʌyob ochel ti' lumal. Mi caj a wʌc'ob ti chumtʌl ya' ti wits yajcʌbil bʌ a cha'an ya' ba'an a chumlib chajpʌbil bʌ a cha'an, Jini ch'ujul bʌ a wajñib wa'chocobil bʌ a cha'an.

Exodo 20:5

Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

Exodo 23:20

Awilan wolic chocbeñetla majlel jini cAngel ti la' tojlel cha'an mi' cʌntañetla majlel. Mi caj i pʌyetla majlel ti la' wajñib chajpʌbil bʌ c cha'an.

Exodo 3:17

Mi cʌq'ueñetla c t'an. Mi caj c loc'sañetla ti Egipto ba' woliyetla ti wocol. Mi caj c pʌyetla ochel ti yambʌ lum, i lumal cananeojob yic'ot heteojob yic'ot amorreojob yic'ot ferezeojob yic'ot heveojob yic'ot jebuseojob, ba'an cabʌl lech yic'ot chab”, che'en. Che' yom ma' subeñob, che'en Dios.

Exodo 33:12

Moisés tsi' sube lac Yum: Awilan jatet ma' subeñon: “Pʌyʌ majlel ili winicob x'ixicob”, che'et. Pero maxto anic tsa' subeyon majqui mi' majlel quic'ot. Jatet ma' wʌl: “Jatet cʌmbilet c cha'an. Wolix j q'uelet ti' yutslel c pusic'al”, che'et.

Exodo 33:2

Joñon mi caj c chocbeñetla majlel jini ángel ti ñaxan ti la' tojlel. Mi caj c loc'sʌbeñetla jini cananeojob, yic'ot amorreojob, yic'ot hetejob, yic'ot fereseojob, yic'ot heveojob, yic'ot jebuseojob.

Isaias 63:9

Ti pejtelel i wocol c tat lojon tsa' wubi wocol. A bajñel tsa' coltayob ti a c'uxbiya, ti' yutslel a pusic'al. Tsa' ch'uyuyob letsel ti a c'ʌb. Tsa' meq'ueyob majlel. Ma'anic tsa' wis cʌyʌyob.

Jeremias 14:10

Lac Yum tsi' subeyon wen cabʌl jax i sajtemal i winicob. Mi' mulañob i xoy i bijlel. Ma'anic mi' tic'ob i bʌ. Jini cha'an ma'anic i ñusʌbentel i mul. I yorajlelix mi caj i tojob i mul.

Jeremias 23:2

Jini cha'an lac Yum, i Dios Israel, woli' yʌl: Jatetla am bʌ la' we'tel, an la' mul, come an ti la' wenta cha'an mi la' we'san c winicob x'ixicob, pero tsa' la' wʌc'ʌyob ti pam pujquel. Tsa' la' wets'eyob majlel. Ma'anic tsa' la' wen q'ueleyob. La' wilan joñon mi caj c sutq'uibeñet wocol cha'an a jontolil.

Jeremias 5:29

¿Mach ba muq'uic i tojob i mul? che'en lac Yum. Joñon mi caj cʌq'ueñob i toj i mul jini tejclum.

Jeremias 5:9

¿Mach ba muq'uic i tojob i mul? che'en lac Yum. Joñon mi caj cʌq'uen i toj i mul jini tejclum cha'an cabʌl i mul.

Oseas 8:13

Jini israelob mi' yʌq'ueñoñob cotol bʌ c majtan. Mi' c'uxob jini we'elʌl, pero mach tijicñayic mij q'uel. Mach ñajʌyic c cha'an i mul. Mi caj c melob. Mi caj cʌq'ueñob i toj i mul. Mi caj i cha' majlelob ti majtan e'tel ti Egipto.

Amos 3:14

Ti ili q'uin che' mic ju'sʌbeñob i pusic'al jini israelob cha'an tsi' ñusʌbeyon c t'an, mi caj c jem jini pulʌntib tac am bʌ ti Betel. I xulub pulʌntib mi caj i tsejpel jubel.

Amos 3:2

Jatet jach j cʌñʌyetla ti' tojlel pejtel tejclum tac ti pañimil. Jini cha'an mi caj c ju'sʌbeñetla la' pusic'al cha'an pejtelel la' jontolil.

Numeros 20:16

Che' jini tsa' caji c wen pejcan lojon lac Yum. Tsi' yubibeyon lojon c t'an. Tsi' choco tilel i yángel cha'an mi' pʌyon lojon loq'uel ti Egipto. Wʌle wʌ'ix añon lojon ti Cades, lʌc'ʌl ba' jaxʌl la' lumal.

Mateo 23:35

Jini cha'an mi caj la' tojbeñob i mul jini tsa' bʌ i tsʌnsayob jini x'alt'añob c'ʌlʌl che' bʌ tsa' tsʌnsʌnti Abel, jini toj bʌ i pusic'al, c'ʌlʌl tsa' tsʌnsʌnti Zacarías (i yalobil Berequías). Zacarías tsa' tsʌnsʌnti ti' tojel pulʌntib ya' ti' t'ejl Templo. Isujm mic subeñetla, pejtel i mul mi caj i yotsʌbentelob ti' wenta jini winicob x'ixicob año' bʌ ti pañimil wʌle. Mi caj i tojob pejtel ili mulil.

Deuteronomio 32:35

Joñon mi caj j q'uextʌbeñob i mul i contrajob. Mi caj cʌq'ueñob castigo. Mach jalix mi caj i yajlelob, che'en.