Exodo 32:32 - Chol: I T’an Dios

³² Wʌle yom ma' ñusʌben i mul. Mi ma'anic, yʌpʌ j c'aba' ti jun ba' ts'ijbubil a cha'an, che'en.

Chol de Tumbalá Bible

³² Wʌle yom ma' ñusʌben i mul. Mi ma'anic, yʌpʌ j c'aba' ti jun ba' ts'ijbubil a cha'an, che'en.

Jiñi Tsiji' bʌ Wen T'añ cha'añ Estudio

³² awocolic ñusʌbeñob i mul wʌle, mi ma'añic, yʌpʌ j c'aba' ti jiñi juñ ba' ts'ijbubil a cha'añ.

Exodo 32:32 Iomraidhean Croise

2 Samuel 18:33

Tsa' toj sajti i pusic'al David. Ti ora tsa' letsi majlel ti jini otot am bʌ ti' chañelal ts'ajc. Tsi' cha'le uq'uel. Tsi' yʌlʌ: ¡Bajche' tsa' ujtiyet calobil Absalón, calobil Absalón! che'en. Uts'at tsa'ic chʌmiyon cha'añet cha'an ma'anic ma' chʌmel, calobil. Che' tsa' uq'ui David.

Salmos 139:16

Tsa' wʌn ña'ta bajche' an quejtal che' maxto añonic. Ts'ijbubilix ti a jun jayp'ejl to tsic mi caj cajñel ti pañimil.

Salmos 56:8

Wola' q'uelon baqui mic ñumel majlel. Tempan i ya'lel c wut ti limetej. ¿Mach ba otsʌbilic ti a wenta i ya'lel c wut?

Salmos 69:28

La' yajpic i c'aba' ti jun ba' otsʌbilob año' bʌ i cuxtʌlel. Mach yomic chucbil i c'aba' yic'ot i c'aba' jini tojo' bʌ.

Exodo 32:10

Wʌle, la' to c pʌsbeñob c mich'ajel. La' quisañob. Mi caj c mel ñuc bʌ c tejclum ti a tojlel, che'en lac Yum Dios.

Ezequiel 13:9

Mi caj j contrajin jini payxo x'alt'añob mu' bʌ i lon q'uelob chuqui ma'anic tsac pʌsbeyob. Mi' yʌlob jini mach bʌ isujmic. Ma'anix mi caj i yajñelob yic'ot c cha'año' bʌ ti Israel mu' bʌ i tempañob i bʌ. Ma'anix mi caj i ch'ʌjmelob ti tsic. Ma'anix mi' mejlelob ti ochel ti' lumal Israel. Che' jini mi caj la' ña'tan la' Yumon la' Dioson.

Daniel 12:1

Ti ora mi cajel i tsictiyel Miguel, jini ñuc bʌ ángel mu' bʌ i cʌntan a pi'ʌlob ti Israel. I tejchibalix i yorajlel cabʌl wocol. Ti oñiyi c'ʌlʌl wʌle ma'anic ba' ora tsi' yubiyob ñuc bʌ wocol che' bajche' iliyi. Ti jimbʌ ora mi caj i coltʌntelob pejtel a pi'ʌlob ts'ijbubilo' bʌ i c'aba' ti' jun Dios.

Amos 7:2

Jini mote' sajc' tsi' lu' c'uxu jini woli bʌ ti colel ti lum. Tsa cʌlʌ: C Yum Dios, awocolic ñusʌben i mul Israel. ¿Bajche' mi mejlel i cuch wocol i p'olbal Jacob? come mach cabʌlobic, cho'on tsac sube.

Malaquias 3:16

Jini tsa' bʌ i bʌc'ñayob lac Yum tsi' ña'tayob lac Yum che' bʌ tsi' pejcayob i bʌ. An i cha'an lac Yum i juñilel lac ña'tʌntel ba' tsa' ts'ijbunti i c'aba' tac jini mu' bʌ i bʌc'ñañob lac Yum yic'ot mu' bʌ i mulañob i ña'tan lac Yum.

Malaquias 3:17

C cha'añobʌch ba' ora mic tempañob tilel tic tojlel che' bajche' i t'ojol jax bʌ ujʌl, che'en i Yum Panchan yic'ot Pañimil. Mi caj c ñusʌbeñob i mul che' bajche' winicob mi' ñusʌbeñob i mul i yalobil mu' bʌ i jac'ben i t'an.

Numeros 11:15

Mi che'ʌch woli a ña'tan, a wocolic mij c'ajtibeñet, tsʌnsañon ti ora. Pʌsbeñon i yutslel a pusic'al. La' loq'uicon ti ili wocol, che'en Moisés.

Numeros 11:25

Lac Yum tsa' jubi tilel ti Tocal. Tsi' pejca Moisés. Tsi' ch'ʌmʌ jini Espíritu am bʌ ti' tojlel Moisés. Tsi' yʌq'ueyob ja'el jini lujuntiquil i chʌnc'al xñoxob. Che' bʌ tsa' tili i yEspíritu ti' tojlelob, tsa' cajiyob ti sub t'an. Jal tsi' chʌn cha'leyob.

Numeros 14:19

Jini cha'an, c Yum, a wocolic pʌsbeñob i yutslel a pusic'al ili winicob. Ñusʌbeñob i mul, che' lajal bajche' tsa' ñusʌbeyob i mul che' bʌ tsa' loq'uiyon lojon ti Egipto c'ʌlʌl wʌle. Che' tsi' yʌlʌ Moisés.

Lucas 10:20

Mach yomic tijicñayetla cha'an woli' loq'uelob xibajob cha'an ti la' t'an. Pero yom tijicñayetla cha'an ts'ijbubil la' c'aba' ti panchan, che'en Jesús.

Lucas 23:34

Jesús tsi' yʌlʌ: C Tat ñusʌbeñob i mul come mach yujilobic chuqui woli' cha'leñob, che'en. Tsi' pucbeyob i bʌ i pislel Jesús che' bʌ tsi' cha'leyob yajcaya ti alas.

Romanos 9:3

Uts'at muq'uic c chojquel ti tojmulil cha'an mij coltan c pi'ʌlob, come c'ux mi cubiñob, come c pi'ʌl lojon c bʌ, junlajal c ñojte'el lojon.

Deuteronomio 25:19

Jini cha'an che' mi' yʌq'ueñetla c'aj o lac Yum ti' tojlel pejtel la' contrajob ya' ba' mi la' majlel ti chumtʌl ti jini lum mu' bʌ i yʌq'ueñetla, yom mi la' junyajlel jisan jini amalecob. Mach yomic mi' ñajʌyel la' cha'an.

Deuteronomio 29:20

Lac Yum ma'anic mi caj i ñusʌben i mul. Muq'uix cajel i pʌsben i mich'ajel yic'ot i tsʌytsʌyñʌyel i pusic'al. Mi caj i yʌq'uen pejtel jini wocol yic'ot c'amʌjel ts'ijbubil bʌ ti ili jun. Lac Yum mi caj i junyajlel ac' ti jilel i c'aba' ila ti pañimil.

Deuteronomio 9:14

Tʌts'ʌ a bʌ cha'an mic jisañob. La' jilicob i c'aba' ila ti pañimil. Joñon mi caj c p'olet. Mi caj c tech ti a tojlel yaño' bʌ winicob x'ixicob, ñumen oñob, ñumen p'ʌtʌlob ja'el, che'en lac Yum.

Filipenses 4:3

Che' ja'el ti wocol t'an mic subeñetla, mero c pi'ʌlet bʌ la ti e'tel, coltan jini x'ixicob tsa' bʌ i cha'leyob e'tel quic'ot ti jini wen t'an, yic'ot ja'el Clemente, yic'ot yaño' bʌ c pi'ʌlob ti e'tel chucbilo' bʌ i c'aba' ti' jun Dios yic'ot pejtel año' bʌ i cuxtʌlel.

Apocalipsis 17:8

Jini jontol bʌ bʌte'el tsa' bʌ a q'uele jiñʌch am bʌ ti wajali, pero mach tsiquilix wʌle. Mi caj i letsel loq'uel ti ch'en mach bʌ anix mi' tajben i yebal cha'an mi' majlel ba' mi' jisʌntel. Mi caj i toj sajtel i pusic'al jini chumulo' bʌ ti lum, mach bʌ otsʌbilic i c'aba' ti jun ba' ts'ijbubil i c'aba' tac jini año' bʌ i cuxtʌlel c'ʌlʌl ti' tejchibal pañimil. Mi caj i toj sajtelob i pusic'al che' mi' q'uelob jini jontol bʌ bʌte'el am bʌ ti wajali, mach bʌ tsiquilix wʌle, mu' bʌ caj i tilel.

Apocalipsis 21:27

Ma'anic mi caj i wis ochel chuqui tac bibi' mi jini mu' bʌ i cha'len jontolil yic'ot lot. Cojach mi caj i yochelob jini ts'ijbubilo' bʌ i c'aba' ti' juñilel Tiñʌme' ba' ts'ijbubil i c'aba' jini año' bʌ i cuxtʌlel.

Apocalipsis 22:19

Mi an majch mi' yʌp lamital i t'an jini jun, Dios mi caj i yʌpben i c'aba' ti jun ba' ts'ijbubil i c'aba'ob jini año' bʌ i cuxtʌlel. Mi caj i chilben i yajñib ti jini ch'ujul bʌ tejclum che' bajche' ts'ijbubil ti ili jun.

Apocalipsis 3:5

Jini mu' bʌ i mʌjlel i cha'an mi caj i yʌq'uentel i lʌp sʌsʌc bʌ i pislel. Ma'anic mi caj c yʌpben i c'aba' ti jun ba' otsʌbilob i c'aba' año' bʌ i cuxtʌlel. Mi caj c sub ti' tojel c Tat yic'ot ti' tojel i yángelob.