Exodo 32:30 - Chol: I T’an Dios

³⁰ Che' ti yijc'ʌlal Moisés tsi' subeyob jini winicob x'ixicob: Tsa'ix la' cha'le ñuc bʌ mulil. Mi caj c cha' letsel majlel ba'an lac Yum Dios. Ya' tsiquil mi tsa' mejli j c'ajtin i ñusʌbentel la' mul, che'en.

Chol de Tumbalá Bible

³⁰ Che' ti yijc'ʌlal Moisés tsi' subeyob jini winicob x'ixicob: Tsa'ix la' cha'le ñuc bʌ mulil. Mi caj c cha' letsel majlel ba'an lac Yum Dios. Ya' tsiquil mi tsa' mejli j c'ajtin i ñusʌbentel la' mul, che'en.

Jiñi Tsiji' bʌ Wen T'añ cha'añ Estudio

³⁰ Che' ti yijc'ʌlal Moisés tsi' su'beyob jiñi wiñicob x'ixicob: —Tsa'ix la' cha'le ñuc bʌ mulil, pero wʌle mi caj c cha' letsel majlel ya' ba'añ lac Yum; ya' to tsiquil mi tsa' ñusʌnti la' mul.

Exodo 32:30 Iomraidhean Croise

2 Samuel 12:9

¿Chucoch ma'anic tsa' p'isi ti wenta i t'an a Yum? ¿Chucoch tsa' mele chuqui leco ti' tojlel? Come tsa' wʌc'ʌ ti chʌmel Urías jini heteo. Tsa' choco majlel ti tsʌnsʌntel ti' tojlel jini amoñob. Tsa' pʌybe i yijñam.

2 Samuel 16:12

Tic'ʌl mi muq'uix i p'untañon lac Yum cha'an wolic ts'a'lentel, che'en David.

2 Reyob 17:21

Come tsi' t'oxoyob i bʌ jini israelob ti' tojlel i p'olbal David. Jini lujunmojt israelob tsi' wa'chocoyob ti rey Jeroboam (i yalobil Nabat) tsa' bʌ i xiq'uiyob ti mulil cha'an mi' cʌyob i bijlel lac Yum. Tsi' yʌsayob ti ñuc bʌ i sajtemal.

Salmos 99:6

Lac Yum tsi' pejca Moisés yic'ot Aarón, cha'tiquil i motomajob, Yic'ot Samuel ja'el. Tsi' laj pejcayob lac Yum ti' c'aba'. Che' an chuqui tsi' c'ajtibeyob lac Yum tsi' jac'beyob.

Exodo 32:29

Moisés tsi' yʌlʌ: Wʌle tsa'ix la' wʌc'ʌ la' bʌ ti' wenta lac Yum ti pejtelel la' pusic'al, come ti jujuntiquil tsa'ix la' contraji la' wa'lobil yic'ot la' weran. Jini cha'an wʌle mi mejlel la' wʌq'uentel bendición ti lac Yum, che'en,

Amos 5:15

Ts'a'lenla jontolil. C'uxbinla chuqui uts'at. Cha'lenla toj bʌ meloñel. Mi che'ʌch mi la' mel, uts'at mi caj i q'uel lac Yum, i Dios Panchan yic'ot Pañimil. Tic'ʌl mi caj i pʌsbeñob i yutslel i pusic'al i colojbal José mu' bʌ caj i coltʌntelob.

Jonas 3:9

Mach la cujilic, tic'ʌl mi mux i q'uextan i pusic'al Dios cha'an mi' cʌy i mich'ajel, cha'an ma'anic mi lac jilel. Che' tsi' yʌc'ʌ mandar jini rey.

Numeros 16:47

Che' jini Aarón tsi' ch'ʌmʌ i yajñib pom che' bajche' tsi' sube Moisés. Ti ajñel tsa' majli ba'an israelob. Tsi' q'uele woliyobix ti chʌmel. Tsi' yotsa pom ya' ti yajñib ba' mi' pulel cha'an mi' ñusʌbentelob i mul.

Lucas 15:18

Mi caj c ch'ojyel. Muq'uix c majlel ba'an c tat. Mi caj c suben c tat: Tsac cha'le mulil ti' contra jini am bʌ ti panchan yic'ot ti a tojlel.

Lucas 7:47

Jini cha'an mic subeñet, anquese cabʌl i mul ñusʌbilix ti pejtelel. Jini cha'an cabʌl mi' c'uxbiñon. Majqui mi' ñusʌbentel ts'ita' i mul ts'ita' jach mi' cha'len c'uxbiya, che'en Jesús.

Romanos 9:3

Uts'at muq'uic c chojquel ti tojmulil cha'an mij coltan c pi'ʌlob, come c'ux mi cubiñob, come c pi'ʌl lojon c bʌ, junlajal c ñojte'el lojon.

Gálatas 3:13

Pero ya' ti cruz Cristo tsi' mʌñʌyonla loq'uel ti' p'ʌtʌlel jini mandar mu' bʌ i yʌc'onla ti chojquel, come tsa' chojqui ti Dios cha'añonla, come ts'ijbubil: “Chocbil ti Dios majqui jach mi' joc'chocontel ti te'”.

2 Timoteo 2:25

Yom mi' toj'esan i contrajob yic'ot uts bʌ t'an. Tic'ʌl mi Dios mi caj i yʌq'ueñob i cʌy i mul cha'an mi' ñopob chuqui isujm,

Santiago 5:16

Subu la' bʌ che' an la' mul ti' tojlel la' pi'ʌlob. Taja la' bʌ ti oración cha'an mi la' lajmesʌntel. An cabʌl i c'ʌjñibal i yoración jini tojo' bʌ. Cabʌlʌch i p'ʌtʌlel.

1 Samuel 12:17

¿Mach ba i yorajlelix mi' tujq'uel trigo che' ma'anic mi' cha'len ja'al? Joñon mi caj c pejcan lac Yum. Mux caj i yʌc' ti t'an chajc. Mi caj i choc tilel ja'al cha'an mi la' ña'tan ñucʌch la' mul ti' contra lac Yum cha'an tsa' la' c'ajti la' rey. Che' tsi' yʌlʌ Samuel.

1 Samuel 12:19

Ti pejtelelob tsa' caji' subeñob Samuel: A wocolic, pejcan a Yum Dios ti oración. C'ajtiben cha'an mi' coltañon lojon ame chʌmicon lojon cha'an pejtelel c mul lojon. Melel jontolon lojon. Jini cha'an tsaj c'ajti lojon c rey, che'ob.

1 Samuel 12:20

Samuel tsi' sube jini winicob: Mach la' cha'len bʌq'uen. Melel tsa' la' cha'le mulil, pero mach yomic mi la' chʌn tʌts' la' bʌ ti' tojlel lac Yum. Ch'ujutesanla ti pejtelel la' pusic'al.

1 Samuel 12:23

Joñon ja'el mi caj c chʌn coltañetla ti oración. Machiqui, mic taj c mul ti' contra lac Yum. Mi caj j cʌntesañetla ti jini wen bʌ bij, jini toj bʌ.

1 Samuel 2:17

Wen ñuc i mul i yalobilob Elí ti' tojlel lac Yum come tsi' ts'a'lebeyob i majtan lac Yum.