Exodo 32:27 - Chol: I T’an Dios

²⁷ Moisés tsi' subeyob: Woli' yʌl lac Yum i Dios israelob: “Cʌchʌla la' wespada ti la' ñʌc' ti jujuntiquil. Ñumenla ti pejtelel tejclum. Tsʌnsanla ti jujuntiquil i yeran yic'ot i pi'ʌlob yic'ot i cʌñʌyo' bʌ”, che'en.

Chol de Tumbalá Bible

²⁷ Moisés tsi' subeyob: Woli' yʌl lac Yum i Dios israelob: “Cʌchʌla la' wespada ti la' ñʌc' ti jujuntiquil. Ñumenla ti pejtelel tejclum. Tsʌnsanla ti jujuntiquil i yeran yic'ot i pi'ʌlob yic'ot i cʌñʌyo' bʌ”, che'en.

Jiñi Tsiji' bʌ Wen T'añ cha'añ Estudio

²⁷ Moisés tsi' su'beyob: —Woli' yʌl lac Yum i Dios Israel: “Ti jujuntiquil la' i cʌch i yespada ti' ñʌc'. Cucula ya' ba tempʌbilob, ñumenla ti jujump'ejl i yotot la' pi'ʌlob, tsʌnsanla ti jujuntiquil i yeran yic'ot i pi'ʌlob yic'ot i cʌñʌyo' bʌ.”

Exodo 32:27 Iomraidhean Croise

2 Reyob 10:25

Jehú tsa' ujti i pul majtañʌl cha'an mi' yʌc jini winicob i cha'año' bʌ Baal. Tsa' loq'ui i pejcan jini xcʌntayajob i cha'an yic'ot i yum soldadojob. Tsi' subeyob: Ochenixla ti mal cha'an mi la' tsʌnsañob ti pejtelelob. Mach la' cʌy mi juntiquilic, che'en. Che' jini tsi' laj tsʌnsayob ti espada. Che' ujtemix i laj tsʌnsañob, tsa' caji i jexbañob loq'uel jini ch'ujlelʌlob. Tsa' ochiyob ti yambʌ i mal i templo Baal.

Exodo 32:26

Jini cha'an Moisés tsa' wa'le ti' tojlelob ya' ba' tempʌbilob. Tsi' yʌlʌ: ¿Majqui an ti' tojlel lac Yum? La' tilic ba' añon, che'en. Tsa' tiliyob ba'an Moisés pejtelel levíjob.

Exodo 32:28

Che'ʌch tsi' meleyob levíjob bajche' tsi' subeyob Moisés. Ti jim bʌ q'uin tsa' jiliyob uxp'ejl mil winicob.

Exodo 32:29

Moisés tsi' yʌlʌ: Wʌle tsa'ix la' wʌc'ʌ la' bʌ ti' wenta lac Yum ti pejtelel la' pusic'al, come ti jujuntiquil tsa'ix la' contraji la' wa'lobil yic'ot la' weran. Jini cha'an wʌle mi mejlel la' wʌq'uentel bendición ti lac Yum, che'en,

Ezequiel 9:5

Tsa cubibe i t'an lac Yum che' bʌ tsi' pejca jini jo'tiquil: Tsajcanla ñumel ti tejclum. Tsʌnsanla pejtel winicob x'ixicob mach bʌ anic i marcajlel ti' pam. Mach mi la' p'untañob.

Numeros 25:5

Jini cha'an Moisés tsi' subeyob jini juezob ti Israel: Yom mi la' tsʌnsan pejtelel jini winicob tsa' bʌ i ch'ujutesayob Baalpeor, che'en.

Lucas 14:26

Mi an majqui mi' ñochtañon mach bʌ anic mi' ts'a'len i tat, i ña', i yijñam, i yalobilob, i yijts'iñob, i yʌscuñob, i chichob, yic'ot i cuxtʌlel ja'el, mach mejlic ti ochel ti xcʌnt'an c cha'an.

2 Corintios 5:16

Jini cha'an ma'anix mi lac chʌn q'uel lac bʌ che' bajche' ti yambʌ ora che' sajtemon tola. Mi tsa' laj cʌñʌ Cristo che' bajche' winic che' bʌ tsa' ñumi ti pañimil, mach chʌn che'ix mi laj cʌn.

Deuteronomio 13:10

Yom mi la' jul ti xajlel jinto mi' chʌmel, come tsi' lon ña'ta i loc'sañetla ti' tojlel lac Yum Dios tsa' bʌ i pʌyʌyetla loq'uel ti' lumal Egipto ba'an majtan e'tel.

Deuteronomio 13:6

Mi tsi' subeyetla la' pi'ʌl, mi i yalobil la' majan ña', mi a walobil, mi a wijñam, mi a cʌñʌ bʌ, mi tsi' mucu subeyet: “Conla cha'an mi lac ch'ujutesan yan tac bʌ dios”, mi che'ob, mach mi la' jac'beñob. Mi pʌybiletla ba'an i diosob winicob ti lʌc'ʌl o ti ñajtʌl, mi maxto bʌ cʌmbilic la' cha'an, mach bʌ anic tsi' cʌñʌyob la' ñojte'elob ja'el, mach mi la' jac'beñob i t'an.