Exodo 32:25 - Chol: I T’an Dios

²⁵ Tsi' q'uele Moisés ma'anic tsa' mejli i tic'ob winicob jini Aarón, come ma'anic tsi' tiq'uiyob che' bʌ tsa' cajiyob i cha'leñob i ts'i'lel. Tsa' wajlentiyob cha'an i contrajob.

Chol de Tumbalá Bible

²⁵ Tsi' q'uele Moisés ma'anic tsa' mejli i tic'ob winicob jini Aarón, come ma'anic tsi' tiq'uiyob che' bʌ tsa' cajiyob i cha'leñob i ts'i'lel. Tsa' wajlentiyob cha'an i contrajob.

Jiñi Tsiji' bʌ Wen T'añ cha'añ Estudio

²⁵ Che' bʌ tsi' q'uele Moisés cʌlʌxix chuqui woli i melob wiñicob x'ixicob, come Aarón ma'añic tsi' tiq'uiyob, tsa' wajlentiyob cha'añ i contrajob,

Exodo 32:25 Iomraidhean Croise

Genesis 3:10

Tsi' yʌlʌ ili winic: Tsa cubi woliyet ti t'an ti pʌc'ʌbʌl. Tsac cha'le bʌq'uen come pits'ilon. Tsac mʌcʌ c bʌ, che'en ili winic.

1 Reyob 12:28

Jini cha'an tsi' teme i t'an yic'ot año' bʌ i ye'tel cha'an mi' mel cha'cojt i yejtal alʌ tat wacax melbil bʌ ti oro. Tsi' sube pejtel winicob: Mach wersajix mi la' chʌn letsel majlel ti Jerusalén, come awilan wʌ'ix an la' dios tsa' bʌ i loc'sayetla ti' lumal Egipto, che'en.

1 Reyob 14:16

Jini cha'an lac Yum mi caj i cʌy israelob cha'an ti' caj i mul Jeroboam, cha'an tsi' xiq'ui ti mulil jini israelob”. Che' yom ma' suben, che'en Ahías.

2 Cronicas 28:19

Come lac Yum tsi' peq'uesa jini winicob ti Judá cha'an i mul Acaz i rey jini israelob chumulo' bʌ ti Judá, come tsi' xiq'ui ti mulil jini año' bʌ ti Judá. Jini cha'an tsi' cʌyʌyob lac Yum.

Exodo 32:26

Jini cha'an Moisés tsa' wa'le ti' tojlelob ya' ba' tempʌbilob. Tsi' yʌlʌ: ¿Majqui an ti' tojlel lac Yum? La' tilic ba' añon, che'en. Tsa' tiliyob ba'an Moisés pejtelel levíjob.

Proverbios 29:18

Ya' ba' ma'anic sub t'an mi' cha'leñob bajche' jach yomob winicob x'ixicob. Tijicña jini mu' bʌ i jac' mandar.

Isaias 47:3

Mi caj a q'uejlel che' pits'ilet. Mi caj a wubin quisin ti' tojlel jini mu' bʌ i tic'lañet. Mi caj j q'uextʌbeñet a mul. Ma'anic majch mi caj c p'untan.

Jeremias 5:5

Mu' to c majlel ba'an jini ñuco' bʌ cha'an mic pejcañob, come cʌñʌlob i cha'an i bijlel lac Yum yic'ot i mandar, lon cho'on. Pero junlajal tsi' chocoyob jubel i tajbal yic'ot i cuch tsa' bʌ a wʌq'ueyob.

Ezequiel 16:63

Che' ma' ña'tañon mi caj i toj sajtel a pusic'al. Ma'anix chuqui mi caj a wʌl come cabʌl mi caj a wubin quisin che' mic subeñet pejtelel a mul”. Che' yom ma' subeñob, che'en lac Yum Dios.

Daniel 12:2

Cabʌl jini chʌmeño' bʌ mi caj i ch'ojyelob cha'an mi' tajob i cuxtilel mach bʌ anic mi' jilel. Yaño' bʌ mi caj i ch'ojyelob cha'an mi' yubiñob quisin mach bʌ anic mi' lajmel ti pejtelel ora.

Oseas 2:3

Mi mach yomic i jac', mi caj c junyajlel jochben i pislel. Pits'il mi caj j cʌy che' bajche' tsi' yila pañimil. Mi caj c chilben i bʌl i ñʌc' yic'ot i ya'al che' bajche' ti tiquin lum ba' mi' chʌmelob ti wi'ñal yic'ot tiquin ti'.

Miqueas 1:11

Ixix majlelob ti majtan e'tel jini año' bʌ ti Safir, pits'ilobix. Cabʌl woliyob ti quisin. Jini año' bʌ ti Zaanán mi' mujcuñob i bʌ cha'an bʌq'uen. Ma'anix tsiquil baqui buchul tac i yototob jini chumulo' bʌ ti Betesel.

Romanos 6:21

¿Chuqui tsa' la' taja ti mulil, che' jini? Wʌle che' mi la' cha' ña'tan la' mul, mi la' cha'len quisin, come la' wujilix mi' chʌmelob jini mu' bʌ i cha'leñob mulil che' bajche' jini.

Deuteronomio 9:20

Lac Yum tsi' mich'le Aarón ja'el. Tsi' ña'ta i tsʌnsan. Jini cha'an tsa'ix c taja ti oración ja'el.

Apocalipsis 16:15

Awilan, talon che' bajche' xujch'. Tijicña jini woli bʌ i q'uel, woli bʌ i cʌntan i pislel ame pits'ilic mi' cha'len xʌmbal, ame quisintiquic mi' yubin che' pits'il, che'en.