Exodo 32:22 - Chol: I T’an Dios

²² Aarón tsi' jac'ʌ: Mach mich'aquet. Cʌmbil a cha'an ili tejclum, wen jontolob.

Chol de Tumbalá Bible

²² Aarón tsi' jac'ʌ: Mach mich'aquet. Cʌmbil a cha'an ili tejclum, wen jontolob.

Jiñi Tsiji' bʌ Wen T'añ cha'añ Estudio

²² Aarón tsi' jac'ʌ: —C yum, mach mich'aquet. Cʌmbil a cha'añ ili tejclum, wen jontolob.

Exodo 32:22 Iomraidhean Croise

Genesis 44:18

Judá tsi' tʌts'ʌ i bʌ ba'an i pi'ʌlob. Tsi' ñochta jini winic. Tsi' sube: C yum, a winicon. A wocolic mij c'ajtibeñet, la' c pejcañet. Mach ma' mich'leñon come a winicon, come lajalet bajche' Faraón.

Salmos 36:4

Che' ñolol ti' wʌyib mi' ña'tan i mel jontolil. Mach uts'atic ba' woli' majlel. Ma'anic mi' ts'a'len jontolil.

Exodo 14:11

Tsi' subeyob Moisés: ¿Chucoch tsa' pʌyʌyon lojon tilel ti chʌmel ilayi ti colem bʌ i tiquiñal lum? ¿Mach ba anic muconibʌl ti Egipto? ¿Chucoch tsa' pʌyʌyon lojon loq'uel ti Egipto?

Exodo 15:24

Jini cha'an jini israelob tsa' caji i yʌ'leñob Moisés. Tsi' c'ajtibeyob: ¿Chuqui mi mejlel lac jap? che'ob.

Exodo 16:20

Pero ma'anic tsi' jac'beyob. Cha'tiquil uxtiquil tsi' lotoyob lamital cha'an i yijc'ʌlal. Tsa' p'ojli i motso'lel. Tujwix tsa' majli. Moisés tsi' mich'leyob.

Exodo 16:28

Lac Yum tsi' sube Moisés: ¿Jayp'ejl to ora mi caj i chʌn ñusʌbenoñob c mandar ili winicob x'ixicob?

Exodo 32:1

Che' baqui ora tsi' q'ueleyob jini israelob cha'an ma'anic tsiquil woli' se' jubel tilel Moisés ya' ti wits, pejtelel jini winicob tsa' tiliyob ba'an Aarón. Tsi' subeyob: Com lojon ma' melbeñon lojon c dios, mu' bʌ mejlel ti majlel ti ñaxan tic tojlel lojon, come Moisés jini winic tsa' bʌ i loc'sayonla ti' lumal Egipto, mach la cujilic chuqui tsi' cha'le. Che' tsi' yʌlʌyob.

Exodo 32:21

Moisés tsi' sube Aarón: ¿Chuqui tsi' melbeyetob ili tejclum cha'an tsa' ch'ʌmʌ tilel ti' tojlelob ñuc bʌ mulil? che'en.

Proverbios 4:16

Come mach contentojobic mi' majlelob ti' wʌyib jinto mi' yujtelob i mel jontolil. Mach mejlicob ti wʌyel jinto mi' techbeñob i ch'ijiyemlel yaño' bʌ.

Deuteronomio 31:27

Come cujil wen tsʌts la' pusic'al, come che' cuxulon to tsa'ix la' tsʌts'esa a pusic'al ti' contra lac Yum. ¿Mach ba ñumenic mi caj la' cha'len che' chʌmeñonix?

Deuteronomio 9:24

Xñusa t'añetla ti' tojlel lac Yum c'ʌlʌl ti jini q'uin che' bʌ tsa' caji j cʌñetla c'ʌlʌ wʌle.

Deuteronomio 9:7

Yom mi la' chʌn ña'tan. Mach ñajʌyic ti la' pusic'al. Tsa' caji ti mich' lac Yum Dios ya' ti colem bʌ i tiquiñal pañimil ti' caj la' mul. C'ʌlʌl ti' tejchibal xʌmbal che' bʌ tsa' loq'uiyetla ti' lumal Egipto, c'ʌlʌl wʌle che' c'otemetix la ti' ti' la' lumal, tsa'ix la' ñusʌbe i t'an lac Yum.

1 Samuel 15:15

Saúl tsi' jac'ʌ: Jini winicob tsi' chilbeyob jini amalecob. Tsi' lotoyob jini uts'at tac bʌ alʌc'ʌl cha'an mi' yʌq'ueñob tsʌnsʌbil bʌ i majtan lac Yum Dios. Pejtelel jini yan tac bʌ tsa'ix c laj jisa lojon, che'en.

1 Samuel 15:21

Pero jini winicob tsi' yajcayob pejtelel jujp'em tac bʌ tiñʌme' yic'ot wacax mu' bʌ caj i wersa tsʌnsʌntel cha'an mi cʌq'uen lojon tsʌnsʌbil bʌ i majtan Dios wʌ' ti Gilgal, che'en.

1 Samuel 15:24

Saúl tsi' sube Samuel: Isujm tsac taja c mul. Tsac ñusʌbe i t'an lac Yum yic'ot a t'an cha'an mic tajben i yutslel i t'an winicob. Jini cha'an tsac jac'beyob i t'an.