Exodo 32:17 - Chol: I T’an Dios

¹⁷ Che' bʌ woli' jubel jini Moisés tsi' taja Josué. Tsi' yubi Josué i t'an winicob che' woliyob ti oñel. Tsi' sube Moisés: Woliyob ti c'am bʌ oñel che' bajche' woliyob ti guerra ya' ba' tempʌbilob, che'en.

Chol de Tumbalá Bible

¹⁷ Che' bʌ woli' jubel jini Moisés tsi' taja Josué. Tsi' yubi Josué i t'an winicob che' woliyob ti oñel. Tsi' sube Moisés: Woliyob ti c'am bʌ oñel che' bajche' woliyob ti guerra ya' ba' tempʌbilob, che'en.

Jiñi Tsiji' bʌ Wen T'añ cha'añ Estudio

¹⁷ Che' bʌ Josué tsi' yu'bi i yoñel wiñicob x'ixicob, tsi' su'be Moisés: —Woliyob ti oñel che' bajche' woliyob ti guerra ya' ba' tempʌbilob.

Exodo 32:17 Iomraidhean Croise

Job 39:25

Che' mi' wustʌl trompeta tijicña mi' cajel ti t'an. Mi sic' jini guerra che' ñajt to woli' tilel. Mi' yubibeñob i t'an capitañob yic'ot soldadojob.

Salmos 47:1

Winicob x'ixicob ti pejtelel lum, ñuq'uesanla Dios. La' tsictiyic i tijicñʌyel la' pusic'al cha'an tsa' mʌjli i cha'an Dios.

Exodo 17:9

Moisés tsi' sube Josué: Yajcan winicob cha'an ma' pʌyob majlel ti guerra ti' contra jini amalecob. Ijc'ʌl mi caj c wa'tʌl ti' jol wits, chucul c cha'an i te' Dios, che'en.

Exodo 24:13

Tsa' majli Moisés yic'ot Josué i winic. Moisés tsa' letsi ti wits ba'an Dios.

Exodo 32:16

Jini xajlel i melbalʌch Dios. Jini i ts'ijbal i ts'ijbubalʌch Dios.

Exodo 32:18

Moisés tsi' jac'ʌ: Woli cubin mach i t'anic jini tsa' bʌ mʌjliyob i cha'an, mi i t'anic jini tsa' bʌ mʌlbentiyob. Woli cubin woliyob ti c'ay, che'en.

Exodo 32:6

Isujm, che' ti yijc'ʌlal, ic'to tsa' ch'ojyiyob. Tsi' ch'ʌmʌyob c'otel majtañʌl tac. Tsi' yʌc'ʌyob pulbil bʌ majtañʌl tac, yic'ot i wentajlel cha'an i ñʌch'tʌlelob i pusic'al. Tsa' buchleyob pejtelel jini winicob x'ixicob. Tsa' cajiyob ti we'el yic'ot ti lembal. Tsa' cajiyob ti ts'i'lel.

Jeremias 51:14

Lac Yum tsi' bajñel wa'choco i t'an: Mi caj c pʌyob tilel jomocña bʌ winicob che' bajche' sajc'. Mi caj i mʌjlel i cha'añob, che'en.

Amos 1:14

Jini cha'an mi caj c choc tilel c'ajc ti' ts'ajquil Rabá. Mi caj c laj pulben jini wen melbil tac bʌ i yotot. Cabʌl winicob mi' cajelob ti oñel ti guerra. Mi caj i yubiñob wen p'ʌtʌl bʌ ic'.

Amos 2:2

Jini cha'an mi caj c choc tilel c'ajc ti Moab. Mi caj c laj pulben jini wen melbil tac bʌ i yotot ya' ti Queriot. Jini año' bʌ ti Moab mi' cajelob ti chʌmel ti guerra. Bajc'ʌl winicob mi' cajelob ti oñel che' woli' wustʌl trompeta tac.

Josue 6:10

Josué tsi' subeyob jini soldadojob cha'an ñʌch'ʌl jach mi' cha'leñob xʌmbal jinto che' i yorajlelix oñel.

Josue 6:16

Che' ti wucyajlel, jini motomajob tsi' wusuyob trompeta. Josué tsi' subeyob jini soldadojob: Cha'lenla oñel, come lac Yum tsa'ix i yʌq'ueyetla jini tejclum, che'en.

Josue 6:20

Jini motomajob tsa' caji i wusob i trompeta. Che' bʌ tsi' yubiyob trompeta tac jini soldadojob, tsi' cha'leyob c'am bʌ oñel. Tsa' jejmi tac jini ts'ajc. Jini soldadojob tsa' ochiyob majlel ti tejclum. Toj tsa' ochiyob ti jujuntiquil. Tsi' ch'ʌmʌyob ti' wenta.

Josue 6:5

Che' ti wucyajlel la' i cha'leñob c'am bʌ t'an pejtelel soldadojob che' mi' caj ti wustʌl i xulub tat tiñʌme'. Che' mi la' wubin i t'an trompeta mi caj i bʌc' jejmel jini ts'ajc am bʌ ti' joytilel jini tejclum. Pejtelel jini soldadojob toj mi caj i yochelob ti tejclum ti jujuntiquil.

Juezob 15:14

Che' wolix i c'ʌlʌl c'otel ti Lehi, jini filisteojob tsa' tili i tajob. C'am tsi' cha'leyob t'an, pero tsa' c'oti i yEspíritu lac Yum ti' tojlel Sansón yic'ot cabʌl i p'ʌtʌlel. Jini chij tac cʌchbil bʌ ya' ti' c'ʌb tsa' c'uñ'a. Tsa' ts'ojqui jini lazo tac. Pejtelel i cʌjchil tac tsa' laj p'ajti jubel ti' c'ʌb.

1 Samuel 17:20

Seb to tsa' ch'ojyi David. Tsi' cʌyʌ i tiñʌme' ti' wenta juntiquil xcʌnta tiñʌme'. Tsi' chajpa i cuch che' bajche' tsi' sube Isaí. Tsa' caji ti xʌmbal majlel. Tsa' c'oti ya' ba' much'ulob jini soldadojob che' wolix i loq'uelob ti guerra jini soldadojob. Tsi' cha'leyob c'am bʌ t'an cha'an mi' cha' tejchel guerra.

1 Samuel 17:52

Ti ora jini israelob yic'ot i pi'ʌlob loq'uemo' bʌ ti Judá tsa' caji' yajñesañob majlel c'ʌlʌl ti Ecrón. C'am tsi' cha'leyob oñel. Jini lojwemo' bʌ filisteojob yic'ot jini chʌmeño' bʌ tsa' cʌleyob ti bij ba' tsa' ñumiyob c'ʌlʌl ti Saaraim c'ʌlʌl ti Gat yic'ot ti Ecrón.